هروب ليلة الزفاف💍مكتملة💍

💍الجزء 42💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

فقرة 42🌹

وصل الليل كانت تقريبا لعشرة ونص ديال الليل . الزنقة ولات مظوية بضو العمومي اللي بولة خذامة بولا تترفر بولا ساكتة المهم جو كئيب في هذيك الزنقة.

وصلات سيارة بلال بضوها القوي ....  غير وقف طفا الضو وطلق عينو تيشوف فين غادي تعيش هبة .... بنت بريئة هربات من بيئة كلها عنف ودخلات لبئة كلها فساد .... زوج تيسكرو هنا وثلاثة تيشمو السيليسيون لهيه وطاكسي صغير واقف قدام نفس الدار اللي كانو وقفين قدامها هدوك لبنات لفاسدات تيهز ثلاثة لبنات لبسين حوايج مكشوفة ومكياج بحال طعارج وضحكهم واصل لاخر الزنقة باينة عاد خارجين ابداو سهرتهم .

بلال تعصب وقال في خاطرو واش كان قررو صح منين خلا هبة في هاد لبلاصة ومشا.

نزل من السيارة ودخل لعمارة اللي دخلات ليها كان عاقل على رقم الشقة هي 4.
وصل قدام الباب وتيسمع صوت الموسيقى وتقهقيه لبنات ..

باينة هادي شي قصارة.

دق بقوة الباب المرة الاولى والثانية شوية الموسيقى وقفات وتحل لباب. كيف تحل الباب خرجات منو ريحت الشيشة والحشيش والشراب ....  خرجات عندو وحدة لبسا شوميز دونوي في الحمر وشعرها دايرا ليه ليميش وحاطا عكار حمر تيبري. وهزا  كاس شراب  في يد وكارو في اليد الثانية.

طلعات بلال بعينها من لتحت حتى الفوق وابتسمت باغراء وقالت : الزين تالف ولا قاصد . اش حب الخاطر الحب.

بلال مخنزر ومعصب  معقول هبة تكون هنا ... مستحيل اخليها تعيش هنا ... اش دار .... ياكما هاد دادا ميمونا ق... ... لا مستحيل ....  اه مستحيل اخليها هنا في هاذ الوسط الفاسد  رجع بتفكيرو  للحاضر  و  امرها بصوت معصب : بغيت هبة كلميها لية دابا.

ضحكات بصوت مرتفع وقالت : دوماج جيتي معطل  هبة مشغولة دابا مع واحد الزبون مهم. سير حتى لغذا واجي. والا كنتي شاعل هاد الليلة  انا مستعدة نطفيك احبي   ....

هنا بلال فقد السيطرة على اعصابو دفعها ودخل  مهجم على صحاب لقصارة وتيغوت : هبة  هبة خرجي هنا.

تبعاتو البنت : ا شريف جمع راسك وخرج علينا من هنا .راه قلنا ليك هبة مامسالياش وعندها كليان مهم.

بلال سمع هضراتها بغا احماق كيفاش زبون مستحيل اكون بخاطر هبة هذو اما تعداو عليها او شربوها شي حاجة دوخوها  هبة ماشي ديال هاد الشي .   شاف فيها شوفت واحد نوي عفغى شر  : غادي جيبي هبة دابا قدامي ... ولا والله تنقلب عليكم هاذ لقصارة .

البنت : راه عندها زابون مهم والا كنتي انت واصل ... حتى الزبون ديالها واصل ...واقدر اصيفط في تغبر ....( ابتسمت وقربات منو ) واخا هاد الزين بحال البدر في ليلة ظلمة ماخصوش اغبر .... شنو رأيك تجي ضوي لية بيتي ... البولة عندي محروقة

بلال خنزر فيها واحد التخنزيرة ... ومسكها من شعرها زير عليها وقال وهو ضاغك على سنانو : . هبة تكون ذابا قدامي ولا نطفي ليك  انتي شمعتك من الحياة ....

زاد زير على شعرها و  كمل  : بغيت هبة  ذابا تحضر  ...
البنت  معصبة : بغيت غير نعرف هاد هبة باش حسن مني الزين انا زين عليها ... الفورما ...انا طراكس عليها ... والخبرة انا موطوري خذام و اكسبيريونس عليها ... (ابتسمت مرة ثانية وخا تتوجع عاجبها الحال  ) شنو تجي تجرب ... انا Bmw وانت فيراري ... نديرو السباق ونشوفو شكون اللي غادي اجيبو الاول ...

دار راسو ما سمعهاش  حيث الا دار راسو فيها غادي اقتلها ... بان ليه واحد الباب مشعول فيه الضو لحمر وبابو مسدود  دفعها من قدامو  حتى جات ملوحا في الارض و مشا مباشرة جيهت الباب ضربو برجلو حتى تحل وابانو ليه زوج في وضعية مخلة بالحياء.عريانين كلهم  الراجل تخبا جنب السرير  ... اما البنت غطات بسرعة جسمها حيث كانت عاطياه بالظهر.

هو ماصدقش عينو  شنو شاف
بصوت متحطم قال  : هبة .
دورات وجها غير بشوية : اه هبة اش بغيتي مالك فارع لينا راسنا.

طلعها وهبطها سد الباب ورجع زوج خطوات لور دار شاف البنت اللي كانت لاصقة فيه وقال: ماشي هذي هي هبة اللي تنقلب عليها