هروب ليلة الزفاف💍مكتملة💍

💍الجزء 60💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

فقرة 60 🌹
بلال شاف فيها وهو مخنزر : زيدي لهنا ولا تتسناي انا نجي عندك.

تحركات غير بشوية ووقفات قبالت المكتب اللي كان بمتابة درع واقي ليها من بلال.  بقات ساكتة وكان جو المكتب المظلم والكئيب  زايد من توثرها. قاطع بلال الصمت.

بلال: واش انتي هذا ياله نهارك الاول مزال الشمس ماغرباتش فيه بديتي بالمشاكل .
هبة : إنا مشاكل راه كلشي تتشوفو على عينيك. ولا بان لية راك عما وماتتشوف والو.

بلال بصوت قوي : هبببببببة .... شتك لسانك اللي مخبي خرج من بلاصتو وتمديتي كثر من لقياس.

هبة قالت في خاطرها ربحة ولا دبحة والله تتهضر بالصراحة : انا ماتمديتش انا صريحة وماتنعرفش النافق الحق نقولو وخا نعرف غادي طير بيه رقبتي.
  بلال : الصراحة كثر من اللازم تتولي وقاحة .

هبة تعصبت : اسي بلال بلا تجريح عفاك . صحيح انا جايا نخدم في دارك لكن  مانسمح لحتى واحد  إهيني ويجرح كرامتي وهاذ الشي اللي قبيلة كانت ليلى تتعمد ديرو.

بلال : ليلى هذاك هو طبعها وهذاك هو اسلوبها وهي عنصر اساسي في هاد العائلة واجب عليك تحترميها   وبما انك انتي اختاريتي تكوني مربية لملاك  فلازم طيعي اوامرها لأنها هي المسؤولة على ملاك من نهار ماتت امها.

هبة تعصبت من كلامو ومن الطريقة باش تيدافع على ليلى وكيفاش عينيه مغمضين وماتيقدرش اميز الطينة الحقيقية ديال ليلى .

هبة : واخا اسي ابلال غادي نحترمها وندير انني انا مولات لعقل وهي لهبيلة ومانديش على هضرتها. لكن والله العظيم وتجاوز الحدود ديالها معايا كثر من لقياس والله ماتلوم غير راسها.

بلال  عاد مازادت تتعصبو: واش باغا تحمقيني انا تنقول ليك ماقاد على مشاكل وانتي جالسة تتهددي هنا متخلينيش نخسر معاك ومانبقاش ملتازم بوعدي ليك.

هبة كلام بلال وجعها لكن هلى قبل ملاك غادي تهدن راسها وتحاول تفهمو : اسي بلال انت خيرك علية سابق. وانا اهنا والله غير باغا نرد ليك ولاو غير شوية من اللي عملتي . بنتك ملاك فعلا ملاك غير انتوما مافهمينهاش. راه كاع هذاك الشي اللي تيقولوه ليك عليها مامنوش راه هي غير طفلة .

بلال تعصب مسكها من دراعها وكأنه ماحملهاش تدافع على ملاك . بدا تيزير على دراعها وتيغوت والدم غادي اخرج من عينيه : واش سمعتي شنو قالت بفمها هي المسؤولة عن موت أمها. بسبابها خسرت مراتي بسبابها خسرت ولدي اللي ماجاش لهاذ الحياة بسبابها خسرت  حياتي ومهنتي. بسبابها ترونات هاذ الدار كاملا. بسبابها مابقيتيش انا هو بلال اللي تنعرف.

هبة  حتى هي تعصبات كثر منو كلامو جرحها وفتح جرح قديم هي كانت تتحاول تنساه : حرام عليك ... ماتقولش هاذ الشي على بنتك.

وهو تيهضر  تخيلات اباها الشيخ اللي تيهضر . كلامو وجعها كثر من لقياس وفتح جرح قديم هي كانت تتحاول تنساه جرح اللي خلا حياتها كلها تتبدل.. ...اي كلمة كان تيقول كانت تتغمض عينها وتتربطها بالماضي ....وهو تيهضر وهي تتقول بشوية : لالا سكت ...لا كذوب ..... لا حرام عليك .....هي ماقصداتش .......سكت صافي ....عافاك سكت.
بلاما تحس غوتات : سكااااااااات سكت ..... حرام عليك ......سكت.

بدات تتبكي وتترعد الشي اللي انتبه ليه بلال وبدا تيرخي يدو عليها .

بلال مستغرب من تصرفها ماعرف مايقول .

هبة تتكبي وتتقول : سكت ....انت بحالو ...اناني بحالو. .....بحال ابا ....تتشوفو غير اللي بغيتو و تتيقوه تتفكرو غير  في مشاعركم.....  حرام عليكم...... انا ماقتلش ماما وخويا...... وحتى بنتك اكيد مقصداتش تقتل ماماها وخوها ........

هنا بلال فهم انه فعلا فتح جرح قديم على هبة هو ماقصدش اجبدو.

قالت من بين دموعها : حتى طفل ماتيبغي اخسر امو وارجع يتيم فما بالك اقتلها او اتسبب في موتها......  حتى انا حاولت نشرح لأبا لكن ماقدرش عرفتي علاش...... حيث نهار ماتت ماما خسرت صوتي ووليت زيزونة ..... وعوض احضني و اعوضني على الخسارة اللي خسرت ماما وخويا وصوتي.... كرهني ونفاني في الجبل وماحاولش شي نهار اعرف الحقيقة..... حيث تيق الناس اللي تيكرهوني وتيكرهو ماما ..  واللي هما السباب في موتها. .... غير الفرق بينك وبين أبا انت نفيتي راسك و بعدتي على بنتك ...وهو نفاني انا وبعدني عليه .. لكن في الحالتين  انتما بحال بحال ...  والله هاذ الشي تيجرح بزاااف هنا.....

تضرب في قلبها وتتبكي...

بلال بلاما احس جرها لحضنو تيسكتها.... وتيحاول اهدنها......

بلال: سمحي لية ماكنت باغي نجبد عليك ماضيك..... لكن انتي وضعك مختالف على ملاك....

هنا فقدات التحكم في راسها ودفعاتو عليها دفعة قوية حتى كان غادي اطيح...

هبة : الا  انت غالط اسي بلال  .... بحالي بحال ملاك انا كنت طفلة وهي مزال طفلة ...  حتى لو فعلا بسبابها ماتت ماماها اكيد ماقصداتش .... واكيد هي مجروحة على فراق امها كثر منك... واكيد هي مجروحة اكثر منين انت نبدتيها وبينتي ليها انك تتكرها.... انا فعلا تصدمت فيك اسي بلال ..... طيبتك مع الناس للاسف عكس طيبتك مع بنتك اللي هي في امس الحاجة لحبك وحنانك وعطفك والاهم تحس بالامان وانها مرغوبة ماشي كلشي تيكرها