هروب ليلة الزفاف💍مكتملة💍

💍الجزء 156💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 156🌹

بقا ليها ابا موحى مشات سلمات عليه بينما الحاجة وملاك رحبو بيهم وسلمو عليهم .... دخلو لدار لقات الاثاث والديكور كلشي مبدل فيه لمسة امي رحمة ودادا ميمونا ... كلشي زوين ونظيف لا علاقة بالوسخ وقلة التاويل اللي كانو في عهد رابحة وبنتها ...
تعشاو وخرجو لجردة جلسو تيتحدثو وتيستمتعو بجو الصيف الرائع بينما ملاك وادم تيلعبو وانضمت ليهم حتى هبة تيلعبو جرادة مالحة فين كنتي سارحة ...

الشيخ كانت هادي هي امنيتو اشوف ولادو فرحانيين تيلعبو قدامو ... وربي حقق امنيتو وماخيبوش... كم انت كريم يارب

كملو امسيتهم  كانت امسية طويلة سهرو فيها ودخلو انعسو  متأخرين ... كل واحد خدا بيتو تبارك الله الدار كبيرة وعامرة بيوتا ... بينما هبة وملاك نعسو في بيت هبة لقديم ... ناضت للفجر صلاة هزات المصحف وبدات تتقرا حتى بدات تشرق الشمس ومشات تكمل نعاسها ...  ..

فيقاتها  ملاك غير بزز .

ملاك : ماما نوضي نوضي تشوفي .... خيمات كبار .

هبة حلات عينها غير بزز ...: ملاك صباح الخير مامي ... مالكي

ملاك : طليت من السرجم لقيت قدام الدار كاينين خيمات كبار بزاف .

هبة ابتسمت وخرجات من السرير طلات من الشرجم وفعلا لقات الخدامة هزو لعلامات وركبو الخيم وخدامين على قدم وساق تيوجدو للحفلة اللي بغا اعمل الشيخ لناس لقبيلة .

تفكرات نهار عرساها وشحال قلبها كان مقبوض عليها ..سبحان الله نفس المشهد ديال الترتيبات تيتكرر قدامها لكن النفسية اللي مختالفة .... اليوم فرحانة  والجو عائلي كلو محبة والماضي كانت فيه جد حزينة الكره والنتقام  طاغيين عليه.

بان ليها في الجردة الشيخ واقف بهمتو وشانو وجنبو أدم اللي تيوريه شنو خاص ادار وشنو تيدار والشيخ مرسومة على وجهو ابتسامة عريضة فرحان بولدو  ومفتاخر بيه ....

ملاك صحات هبة من تأملاتها : ماما بغيت نخرج عندهم ياله نهبطو .... راه خالو ادم قال لية غادي اوريني لبقيرات ونعيجات و دجاجات واركبني على الخيل وعلى لحمير .

هبة شافت فيها شحال متحمسة وضحكات: هاي هاي هاد الشي كامل وعدك بيه.

ملاك فرحانة : اه ويلاه نزلو دغية باش نمشيو عندو ..

هبة : حبيبتي هو دابا مشغول مع أبا .... نزلو نفطرو وحتى تسالي الحفلة وهذيك الساعة اخرجك.

ملاك : اه نفطرو فية بصح الجوع .

هبة ضحكات : في العروبية دايما الشهية تتكون مفتوحة وتيجيك الجوع ... حيث الماكلة هنا طبيعية والهواء نقي.

ملاك : هي غادي نرجعو لدار ضبات  وسمينات ههههه .

بقاو بزوج تيضحكو ... بدلو حوايجهم ونزلو لتحت لقاو ... فعلا الفطور محطوط ... امي رحمة ودادا ميمونة جمعين عليهم لبنات وعيالات لقبيلة تيوريوهم شنو غادي اعملو والحاجة جالسة معاهم مستمتعة بالاجواء....

غير شافو هبة نازلة في الدروج وهما ابداو اصليو على النبي الصلاه والسلام على رسول الله.... وراها تزغريد .

هبة بقات غير حالة فمها ماعرفة شنو واقع اياه الشيخ محتفل بيهم لكن ماشي لهاذ الدرجة .

وصلات التحت وجاو البنات وعيالات القبيلة تيسلمو عليها ...

وعادو تيصليو على النبي وتيزغردو ..

هبة تضحك : اللي سمعكم اقول الشيخ داير لية العرس ماشي صدقة .