هروب ليلة الزفاف💍مكتملة💍

💍الجزء 22💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

الفقرة 22🌹

دخلات هبة لكوخ امي رحمة كان فعلا صغير من ديال بلال لكن كانت لمسة وتويل امي رحمة باين عليه كان انيق مقارنة بكوخ بلال.
امي رحمة : دخلي ابنتي مرحبا ونهار كبير هذا .وقبلي علينا راه كلشي على قد الحال

هبة فرحانة : الله ابارك فيك امي رحمة .راه مابقاتش بالديكور والاثاث البيت تيكون جميل وواسع بالسعادة والتفاهم والحب والمودة . وهاذ اللشي مالقيتوش في دار أبا وخا دارنا اجري فيها الخيل. لكن ناسها قلوبهم كحلة . وماعندهم ضمير و قلبهم عقلهم كلو عامر غير  بالطمع .

امي رحمة: سمعي ابنتي تعمل الشر حتى تتعمل لكن في الاخير تتعاقب سواء في الدنيا او الاخرة ....  او فيهم بزوج الا الانسان ما تاب اورجع لخالق ديالو.

هبة تنهدات  وقالت : فعلا امي رحمة إن الله يمهل ولا يهمل. وهاذ الشي اللي مصبرني على كل شئ.

امي رحمة : اوا ربي غادي إكافأك على صبرك.
هبة : بإذن الله
هنا دخل آدم محمل زوج قفاف في يدو وصل قدام أمو وحطهم على الارض من الشوفة فيهم تيبانو عامرين خضرة وديسير ولحم وتقدية .

امي رحمة شافت بتعجب فيه.
سولاتو : ادم ولدي منين جبتي هاد الشي.

ادم مبتسم : هاذ الشي اسي بلال عطاني لفلوس وتقديتو ليكم. وهاكي هاد الامانة صيفطها ليك.

جبد شي فلوس من جيبو ومدهم لأمي رحمة .
امي رحمة خداتهم وهي متعجبة : وبأي مناسبة ومنين جاب هاد الخير

ادم بخجل قال : المناسبة يمكن حيث عدنا مراتو اختي هبة . ومنين جاب لفلوس راه يمكن باع لعسل اللي جمع لسي لفقيه حيث قال لية نوصل هدوك لقراعي لدار سي لفقيه.

امي رحمة : ارا اولدي الله اكثر خيرو جاو في وقتهم. ههههه

شاف في هبة وضحكات : باينة راك عزيزة عند اسي بلال شوفي كيف كبر بيك.

هبة حنيكاتها ولاو حمرين وقالت بخجل : لالا امي رحمة راه هو كريم وهذا طبعو من نهار دخلت  لدارو.

امي رحمة حسات بيها حشمات وهي تبدل الموضوع : اوا اجي نديرو شي غدا مبرع نساو بيه هم هاذ الصباح.

هبة رحبات بالفكرة وفعلا طيبو دجاجة محمرة ودارو شلاظة و الفريت . تغداو ودوزو لعشية كلها ضحك غير قول عليها وضحك. حتى وصلات شي العشرة ديال الليل دخل ادم باش انعس .
سولاتو امي رحمة على بلال واش رجع ولا مزال ....جاوبها بالنفي

وكما وصاهم انه غادي ارجع معطل عملو بنصيحتو وماتسناوهش ومشاو انعسو.

مع هديك الربعة ديال الليل سمع ادم لكلاب تيغاوتو  .... وقف باش اعرف شنو واقع تم خارج وهي توقفو امي رحمة .

امي رحمة بصوت هامس  : فين خارج اولدي .
ادم : نشوف علاش لكلاب تينبحو .

امي رحمة : غادي اكون غير بلال رجع ...
خرج ادم وبعد زوج دقايق رجع وقال : غير اسي بلال راه بان لية الضو مشعول في الكوخ ديالو.

امي رحمة : وعلى سلامتو مسكين ...نعس ذابا اولدي ارتاح.

هبة كانت فايقة وسمعات هضرتهم ومارتاحت وابتاسمت في فراشها حتى عرفاتو رجع.

رجعو نعسوا كاملين حتى تقريبا لفجر فاقو كلهم على ريحة الدخان اللي داخلا مع السراجم.

ناضو تيتجاراو باش اعرفو منين جاية ومع خرجو من الكوخ حتى تيبان ليهم الكوخ ديال بلال مشعولة فيه العافية كلو و من جميع الجهات .
طلقات هبة غوتة وحدة  : اسي بلاااااااال