💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة 148🌹
كانت هبة غارقة في تفكيرها حتى تيبان ليها بلال دخل من الباب مبتسم ليها بوجهو الوسيم .... .
بلال : عندي ليك مفاجأة .
حل الباب وتمات داخلة ملاك هي الاولى ... تبعاتها الحاجة وزهرة ... فعلا هي توحشاتهم وكان بلال خبرها انهم غادي ازوروها فرحات بشوفتهم مرة ثانية ... وتمنات لو تشوف كاع الاحبة دياولها اباها الشيخ وادم خوها ودادا ميمونا وابا موحى وامي رحمة .... وفعلا كو غير تمنات شي حاجة ثانية لأن بلال كمل هضرتو وقال:
بلال : وكاينين ناس ثانيين غير سمعوك مريضة جاو حتى هما اشوفوك ... وهنا دخل الشيخ وادم و دادا ميمونة وامي رحمة ماجاش غير ابا موحى اللي ماجش بقا مقابل الفيرما...
ملاك هي الاولى مشات تتجري جيهة هبة طلعات حداها في السرير وحطات وجها على صدرها وبدات تتبكي .
ملاك : هي هي ... خفت بزاف منين قالو لية درتي كسيدة .... خفت لاتموتي بحال ماما ....
هبة هزات يدها اليسرى وحطاتها عليها تطبطب على ضهرها ...
ابتسمت وقالت : مزال ربي الا بغا اطول في عمري مايخدني حتى نشوفك دكتورة وعروسة ان شاء الله.
ملاك : توحشاك بزاف ... كنت بغيت نجي عندك ولكن ميمة قالت لية مزال مريضة وخاصك الراحة ...
هبة : بصح كنت مريضة بزاف وعاطياها .
ملاك : ذابا مابقاش فيك لحريق بزاف ياك
هبة : الا الحمد لله
بلال دخل باش اخلي هبة تتسلم على باقي العائلة .
بلال: ملاك راه كلشي توحش ماماك وباغيين اسلمو عليها
هبة فرحات بشوفة الجميع لكن شوفتها لاباها الشيخ كانت اكبر كانت محتاجة ليها بغات ترمى في حضنو وتقول ليه حضني ابا وطبطب علية ودلعني وفششني ... انا راه مريضة وحضنك ولمسة يدك هي اللي غادي تنقص علية الالم ولحريق ...
شافت فيه هبة بعنين دامعين وبصوت ضعيف قالت : ابا لحبيب ... جيتي طل علية .
قرب منها الشيخ اللي شوفتو لبنتو بهذيك الحالة قطعات ليه قلبو نزل عندها باش ابوسها في جبهتها هزات يدها وحضناتو .
هبة : كنت محتاجة نشوفك ... وفي نفس الوقت خفت على صحتك لا اوقع ليك شي حاجة لا ساقتي لخبار .... لكن ابا كنت خايفة نموت وانا مزال ماشبعت من حضنك .
الشيخ نزلو دمعو حتى هو حضنها بقوة وبدا ابوس في وجها .
تيدعي الله :اللهم لك الحمد والشكر اللي نجيتي لية بنتي ورعيتيها وحفضتيها .... اه ابنتي كو وقع ليك شي حاجة حتى انا نحماق ... حيث حتى انا مزال ماشبعت منك ... مازال ماعوضتكش على الايام اللي بعدتك فيها علية .... مزال ما جمعنا لا عيد لا شفتك انتي خوك في داري تتلعبو قدامي كما تخيلتكم قبل مايتزاد خوك ... مزال باغي ربي اطول في عمري ونعوضكم ولو غير بالقليل على السنين اللي كنتو بعيدين علية فيها ... سمحو لية اولادي سمحو لية .... ياريت لو كنت انا اللي وقع ليه هاذ الحادث ولا انتي ابنتي ماتستهليش يكفي اللي دزتي منو ...
هبة جرات وجها منو وبدات تتمسح ليه دموعو وابتسمت : الله احفظك لينا ابا واخليك لينا باركة ... نفيديك بروحي وعمري ... غير ربي اطول لينا في عمرك ....
الحاجة دخلات وهي تتبتسم : مزال ربي غادي اطول عمرك اسي الشيخ ... وتشوف حفايدك ... وتلعب معاهم ... تشوف وليدات هبة ووليدات ادم ..
ВЫ ЧИТАЕТЕ
هروب ليلة الزفاف💍مكتملة💍
Любовные романы💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
