هروب ليلة الزفاف💍مكتملة💍

💍الجزء 45💍

💍❤️هروب ليلة الزفاف❤️💍

بقلم✍️ أسماء الزروالي⭐🌙

فقرة 45🌹

عند بلال اللي تيسمع صوت ضعيف وراه . غالبا عليه الرعشة والبكية : اسي بلال . اسي بلال.

دار بشوية تتبان ليه هبة جالسة جنب الصور ديال المسجد من اللور  مجموعة وحاضنة ركابيها وجلسة على كرتونة. وتترعد بالبرد.

بلال غير شافها قال : هبة
مشا تيجري جيهتها . وقف قدمها ونزل على ركابيه قدامها ... مد يدو تيلمس وجها الشاحب والمبلل بالدموع وكأنه تيحاول أكد لنفسو ان اللي قدامو هي هبة

وغير لمس خدودها بيديه الدافيين بزوج  عرف قداش هما باردين وقداش هي كمية البرد اللي كانت جالسة فيها. وقداش كبير الغلط اللي ارتكب لما سمح فيها.

ومن بين دموع وابستسامة دابلة قالت: كنت خايفة ماترجعش ونبقا بوحدي.

ومع كملات جملتها اللي جرحات  ليه قلبو   جرها لعندو لحضنو حضنها بقوة وكأنه خايف اخسرها مرة ثانية

قال بصوت حنين ودافي : سمحي لية عفاك ... سمحي لية لأني ماوفيتش بوعدي وعوض نحميك سمحت فيك.

وكانت هي هاد الساعة فقدات الوعي ورخات جسمها عليه.

بدا افيق فيها والو غيبات مسكينة من شدة البرد والخوف والصدمة اللي تعردات ليها منين عرفات ان دادا مبمونة وبلال خسراتهم في نفس الوقت ومابقا ليها حد.

هزها بلال وركبها في السيارة.

ومحلات عينها حتى حلاتهم  في بيت  نعاس بلال وسط الهدوء والدفئ  وريحة القهوة ديال الصباح

بدات تتحنزز في السقف وساهية  لأنها  تفكرات احداث الامس  اللي رجعو ليها بشوية بشوية. قالت في خاطرها علاش أنا تيوقع لية هاد الشي واش اختبار من الله سبحانه و لا كاين شي خلل  بصح فية . علاش انا تنتعذب في هاذ الدنيا واش انا مخيرة ولا مسيرة . انا فعلا تنآمن بالقضاء والقدر ولكن أنا شنو درت باش نتعامل معاهم علاش كلشي تيدخل فية وفي حياتي علاش بغيين امشيو لية حياتي كما بغاوني هما .ياك سواء عملت خير او شر انا اللي غادي نتحاسب وانا المسؤولة على تصرفاتي وعلى نفسي فعلاش تنسمح ليهم اضغطو علية.
وقفات تفكيرها  شوية ورجعات تتكلم نفسها مرة ثانية ...اه فعلا انا مسؤولة على نفسي رغم اني عمرني ماكنت مسؤولة عليها ديما هما اللي تيسيروها وديما تنتسناهم اتاخدو القرر بلاصتي. لكن انا كبرت دابا خاصني انا نولي مسؤولة على راسي خاصني من اليوم نعول على راسي خاصني نبدا حياتي من جديد ومانتسنا حتى حد ادخل فيها او اقرر بلاصتي شنو لازم نعمل. فعلا الغلط ديالي انا اللي سمحت ليهم ادخلو في حين كان لازم نفكر ونلقى الحل لراسي براسي.

هاذ التفكير عطاها طاقة عطاها رغبة في تحدي الحياة حسات راسها فعلا انها هبة وحدة جديدة . تيقول المثل الضغط يولد الانفجار  وهاد الانفجار ممكن اكون سلبي او ايجابي على حسب شخصية الانسان افكارو اخلاقو معتقداتو وايمانو بالله . وفعلا هبة حسات الآن انها تولد عندها انفجار إيجابي . هبة الضعيفة خاصها تموت و تولد بلاصتها هبة القوية .
مزال تتفكر وتتقاد في الفراش اللي كانت ناعسة فيه.

حتى سمعات الدقان في الباب اللي قاطع افكارها.
وهنا دخل بلال . شاف فيها لقاها ماسكا مخدة في يدها تتقادها .
هاذ المرة ماقالت لاصباح الخير لا ابتسمات لا والو دارت رجعات  تتقاد الفراش و شوفة بلال في هاد الوقت بالضبط خلاها تشعل من الداخل وترجع  تفكر احذاث الامس المرة كلها في ثانية.

بلال من خلال تصرفها الغريب معاه عرفها انها مقلقة .  بقا واقف حدا الباب وهاز في يدو فنجان القهوة تيتسناها تهضر . كملات هي لفراش دارت لقاتو مزال واقف. نزلات مرة ثانية عينها ومشات فين محطوط صاك اللي فيه حاويجها  هزاتو  وتمات قاصدة الباب فين واقف بلال .

وصلات حداه ويلاه بغات تخطاه باش تخرج شدها بلال من يدها. دورها عندو تيشوف في وجها وعلامات الاستفهام تيدورو في راسو.

هبة بتحد شافت فيه وقالن : طلق يدي

بلال حتى هو قرب منها : لا ماطلقكش . مالكي معبس على صباح.

هبة ابتسمت بسخرية : اه نسيت المفروض كان خاصني نفيق ونطلع فوق النموسية ونبقا نقز في السما من الفرحة وانا تنقول الحياة حلوة. ياك .

بلال: ماشي لحتى لهذيك الدرجة.

هبة : وشنو المطلوب مني نشوفك نبتسم ونقول ليك شكرا اسي بلال البارح جيتي عتقتيني من هول البرد والليل و انك جيتي في الوقت المناسب. كوراه ماعرفتش شنو اوقع لية بلا بيك.

بلال زير على يدها وعلى سنانو وبان معصب : هبة قولي شنو مقلقك بلاما تستفزيني.

هبة ابتسما وقالت : والو بصراحة ما خصنيش نتقلك منك بلعكس راه بلا بيك ماعرفتش شنو كان غادي اوقع لية . ومن هاذ المنبر انا تنشكرك وتنقول ليك كثر الله خيرك . ان شاء الله في ميزان حسناتك. وربي اقدرني حتى نرجع ليك معروفك معايا

جرات يدها من يدو و قالت : وذابا بسلامة عليك وشكرا على كل شي.

رجع شدها من يدها: اجي فين غادا .

هبة : بحالي . ارض الله واسعا وعريضة.

بلال بدا تيفقد فعلا اعصابو وتيحاول اسيطر على راسو: هبة بلا حماق على الصباح . سيري تفطري وبدلي هاذ الساعة بساعة اخرى ومنين تهدني هذيك الساعة نجلسو نهذرو.