هروب ليلة الزفاف💍مكتملة💍

💍الجزء 99💍

💍❤️هروب ليلة الزفاف❤️💍

بقلم✍️ أسماء الزروالي⭐🌙
فقرة 99🌹

شافو عمي ادريس ولقا عليه التحية
بلال : عمي ادريس مابانتش ليك الحاجة.

عمي ادريس : خرجات صباح بكري مع لالة هبة و الكتكوتة ملاك ...

بلال مستغرب : فين مشاو

عمي ادريس : والله اولدي ماعرفتش لوقيت اللي جيت فيه لقيت الشيفور خارج بيهم من باب الفيلا.

بلال تيتسأل في عقلو على فين غادي اكونو مشاو  على الصباح هز تليفونو وتاصل بالحاجة.

بلال :  الو الحاجة صباح الخير ... فين خرجتي ... جيت مالقيتكش.

الحاجة عبر التلفون : ها حنا قريبين نوصلو لدار ونقول ليك فين كنا.

ماكملاش زوج دقايق كانت السيارة دخلات مع الباب لكبير ديال  الفيلا ... وصلات حتى باب الدار ونزل الشيفور حل للحاجة الباب وبينما هبة نزلات من الباب الثاني دارت جات جيهت الحاجة مسكاتها تتساعدها ... بلال غير شافهم توجه جيهتهم ...

وصل عند الحاجة مسك ليها يدها وباسها ...وباس ليها راسها

شاف في هبة وقال : صباح الخير هبة.

جوباتو هبة : صباح الخير اسي بلال.

شافت فيها الحاجة باستغراب : من نيتك ... كيفاش اسي بلال ... كاين شي مرة تتقول راجلها اسي... اوا الحماق هذا...

هبة حنيكاتها تزنكو ....

بلال حاول اقلب الموضوع : الحاجة فين كنتو ..

الحاجة: بعدا ندخل نرتاح ونقول ليك فين كنا... ديني لبيتي ..

هبة سلمات الحاجة للبلال وقالت : الحاجة انا غادي نطلع لبيتي نرتاح شوية .

الحاجة : عاوتاني رجع راسك تيضرك ... سيري ابنتي ارتاحي راه يمكن غير من السهير و كثرة التخمام.

دخلات هبة وخلات بلال تيشوف فيها ... بغا اسولها مالها اش تيضرها ... لكن هو خلق حدود لعلاقتهم باش ابقاو بزوج مرتاحين.

وصل الحاجة لبيتها وساعدها حتى جلسات في الفوتاي وجا هو جلس جنبها.

بلال : مرتاحة دابا
الحاجة : مرتاحة وفرحانة ماقدني حد اليوم.

بلال : الله ادومها فرحة ...وا فرحيني معاك.

الحاجة : شتك كاع ماسولتي على بنتك ملاك.

بلال بصح انتبه ان ملاك ماكيناش معاهم زعما تكون مع زهرة.

بلال : اه بصح كاع مابانت لية.

الحاجة ابتسمت  : اوا اولدي ملاك راها  في المدرسة تتقرا.

بلال اتفاجأ بالخبر وماحسش براسو حتى ارتسمت على وجهو ابتسامة : واش بصح وامتى تسجلت ... و كيفاش حتى قبلوها.

الحاجة تنهدت : اه ... الله ارضي على بنتي هبة ... لقيت فيها الخير اللي مالقيتو فيك ... سيمانة وانت غابر لاحس لاخبر ...صافي لصقتي ملاك لهيبة وغبرتي.

بلال عارف الحاجة دروري ماتنكر لكن اش ادير اصبر امو وعزيزة عليه

بلال : سمحي لية الحاجة راه كنت مزير مع الخدمة من بعد سافرت لمنطقة اللي كنت فيها هاد العام مشيت طليت على شي ناس وجيت.

الحاجة : اهتم بالناس وخلينا حنا ... لكن ماشي مشكل انا صابرة ليك ومخلياك على خاطرك تنشوف فين غادي توصل....المهم بنتي هبة الله ارضي عليها دوزات السيمانة كلها تتراجع لملاك ... واليوم دوزات اختبار تحديد المستوى وقبلو لية حفيذتي في قسم الثالث اللي فيه وليدات في عمرها.... فقط طلبو مني نجيب شهادة طبيبة على قبل الاشهر اللي ماحضراتش فيه المدرسة وطبعا هاذ الحاجة ساهلة انت غادي تتكلف بيها.

بلال : ان شاء الله لكن والله هذا خبر ممتاز خاص غير ملاك تولف المدرسة وماديرش المشاكل...

الحاجة : ملاك كانت فرحانة اليوم ... غير هي شرطات واحد الشرط جا في هبة مسكينة ... قالت ليها ضروري تبقا تجيبها كل عشية ...

بلال :  غادي تعذبها هكذا.

الحاجة : بلعكس هبة وفقات وعاجبها الحال .... بصراحة هاذ البنت قدرات دير معجزة في ظرف أقل من شهر ... شوف اولدي ضروري تشكرها.

بلال : ان شاء الله تنشوفها ونشكرها ... ذابا الحاجة غادي نوض نمشي ندوش ونتكا شوية .
سلم على الحاجة وخرج