💍❤️هروب ليلة الزفاف❤️💍
بقلم✍️ أسماء الزروالي⭐🌙
فقرة1🌹
فقبيلة قدام دار كبيرة نوعا ما كانو الخيام وقفين قدمها تقول شي موسم هدا اللي بادي فالقبيلة ..... الشيخات خدامين وصوتهم واصل صداه لفين وفين وصوت لبارود حتا هو ... ناس دالقبايل فالافراح تاعهم دروري اديرو تبوريدا كنوع من الاحتفال ...
ندخلو لداخل تاع الدار وندخلو لبيت فين كانت واحد لبنت مجهزة باين فيها عروسة وهدي ليلتها وهد الاحتفالات كلهم على قبلها وهدا الفرحة لي فرحانين ناس لي على برا كلها على قبلها.... ولاكين واش هي فرحانة ولا حزنة نقربو عندها نعرفون قصتها
شدات ودنيها بيديها كلما سمعات صوت لبرود طرطق... تتغمض عنيها وتيرجعو بيها ذكريات لماضي .... حلات عنيها حيت مقدراتش تفكر اش وقع صورة مشوشة عليها .... وقفات وهي كتحرك بهسترية فالبيت وكدوز على صدرها لي كتحس بيه تزير ... يلاه تشجعات وبغات تخرج تعطي رجليها ريح هنا تحل لباب ودخلاو منو شي بنات مع نكافة .... غير شافتهم جلسات بالخلعة تقول السجانة جاو اياخدوخا لحبل المشنقة ... جات عندها نكافة وشداتها من يدها وقفتها وجرتها معها وتبعوها لبنات بصلاة وسلام ... حتى وصلوها لخيمة ودخلوها فين كاين لعدول والشهود جالسين والعريس لي لابس لباس تقليدي وضحكة مشرگة فمو وسنانو المخزين تيعبرو على سعادتو منين شافها داخلة .... دخلوها بحال اللي مدخلين الميت لقبرو كيحركو فيها كيف ما بغاو ...
كانت جالسة وحادرة عنيها لي كيقطرو بالدموع على يديها لعدول كيهدر وهي مرفوعة مكيناش معهم حتا حسات بيد حنينة كتنغز فيها شي لي خلاها دور شافت في مرا باين عليها الحزن مرا لي بوحدها مفرحانش مع الناس لي ناشطين شافت فيها وفشفيفها لي تحركو
ميمونة:بنتي لعدول كيسولك واش قابلة بزواج
الاب:(نقز هدر بلاصتها) هي موافقة اسي عطيها توقع
العريس تيقهقه :كون مموفقاش كاع متلقا هدا نشاط كامل ههه
لعدول : اذا هاك سني اولدي انت الاول هنا.
:هي غير سمعاتو كيف قهقه هزات عنيها فيه شافت فيه من تحت طرحة لي مخبية وجها ...شافت وجهو لأول مرة من بعد سنين نزلات عينها على يدو اللي ماسكة القلم باش اوقع على ورقة سجنها الابدي ... وماتجي عينها غير على خيط لعقيق لكحل اللي في يديه بقات مركزة في يدو وذكريات رجعو بيها لور وصورة لي كانت مشوشة ليها توضحات حسات بودنيها كيصفرو والدنيا كدور بيها وهي كتشوف اليدين اللي دفعو امها وهي حاملة في شهرها التاسع في الدروج هاد اليدين اللي كانو تيزوروها في كوابسها واحلامها وكانو تيضغطو على عنقها وتيخليو صوتها مايطلعش والنفس تقطع .. هاد اليدين الي عمرها نساتهم طول هذا سنين .
سمعات لعدول نطق كلمتو وشافت لكتاب تمد قدامها وذكريات من لماضي كيجيو فبالها ... الدنيا تخلطات عليها كتشوف رسها وهي باقية صغيرة و ماماها مجبدة تحت الدروج الدم خارج من فمها ومن تحتها الدمايات. وهي واقفة باغا تغوت لكن ماقدراش
العدول:على باركة الله هاكي بنتي وقعي
هي:أميييييييي
غوتات غوتة وحدة غوتة لي كانت كتماها لداخلها سنين وهي كيف جمرة واحلة في حلقها و على قلبها خرجتها شي لي خلا كولشي اتصدم فيها وكولشي اسكت وقفات وهي طيح على طولتها
ВЫ ЧИТАЕТЕ
هروب ليلة الزفاف💍مكتملة💍
Любовные романы💎مكتملة💎 ❌حصرية على الواتباد❌ 💥💥🌙🌙⭐⭐ قصة رمضانية ⭐⭐🌙🌙💥💥 🌹📕هروب ليلة الزفاف📕🌹 💞ما أجمل القدر حين يهديك شخصا يغنيك عن الاخرين💞 ⏳⏳لهروب نحو المجهول دائما جميل لأننا ماتنعرفوش شنو جايب لينا ومنين وإمتى وشنو مخبي لين...
