Unicode
ခြူးမုယွင်တွင် နာမည်ပေးခြင်းနှင့် ပက်သက်၍ စိတ်ဒဏ်ရာဆိုးကြီး ကျန်ရှိနေဆဲ။
သူ့ရဲ့စိတ်ထဲ တွေးနေမိသည်မှာ : ‘အစားကြူးခြင်း’က အရမ်းမိုက်ပြီး ဗဟုသုတကြွယ်တဲ့လူဆိုတော့ ‘အမျက်ဒေါသ’လို ပေါက်ကရနာမည်တွေ လျှောက်မပေးလောက်ပါဘူးလေ…’
ရုတ်တရက် သူ့ကို ပေါက်ကရနာမည်တွေ လျှောက်ပေးခဲ့ဖူးသော ‘အမျက်ဒေါသ’သည်လည်း အလွန်မိမိုက်၍ အေးစက်စက်နိုင်သော ဇာတ်ကောင်တစ်ခုဖြစ်ကြောင်း သတိရလိုက်သောအခါ..
သေလိုက်ပါတော့…!
ယဲ့ကျန့်ဟန်က အလေးအနက်ထားကာ တွေးတောနေခဲ့သည်။ သူတို့နှစ်ယောက် စတွေ့စဉ်က သူ့ရဲ့အစေခံလေးဟာ အရိုးခြောက်တစ်စုသာဖြစ်ကြောင်း အမှတ်ရလိုက်တာကြောင့် ငဲ့ညှာထောက်ထားစွာ အကြံပြုလိုက်သည်။
“ပိုင်ပိုင်ဆိုရင်ရော..?” << Bai = အဖြူရောင် >>
ခြူးမုယွင် : “………..”
ယဲ့ကျန့်ဟန်သည် သူ၏အရှေ့မှ ချောမောခန့်ညား၍ ဆွဲဆောင်မှုရှိသော အမျိုးသားလေးကို လှည့်ကြည့်လိုက်၏။ ‘ပိုင်ပိုင်’ ဟူသောနာမည်က ထိုအမျိုးသားအတွက် ဖြူစင်လွန်းနေပြီး သင့်လျော်သည်ဟု မခံစားရပေ။ ထို့ကြောင့် နာမည်အသစ် စဉ်းစားလိုက်သည်။
“ကူကူ..?” << Gu = အရိုး >>
သူ့ရဲ့အစေခံလေးက ထိုနာမည်နှစ်ခုလုံးကို နှစ်သက်ပုံမပေါ်သောကြောင့် ယဲ့ကျန့်ဟန်လည်း ထပ်မံအကြံပြုလိုက်သည်။
“ကျင်းကျင်း..?” << Jing = ဝိဉာဉ် >>
(TN : Bai Gu Jing ဆိုတော့ အရိုးဖြူဝိဉာဉ်ပေါ့ Lol..)
ခြူးမုယွင်၏စိတ်ထဲ : ချီးကို ‘ပိုင်ကူကျင်း’.. ဘယ်လိုခပ်တုံးတုံးနာမည်မျိုးလဲ..!
နာကျင်မှုနှင့် သေခြင်းတရားကို သည်းခံနိုင်သည့်တိုင် ခြူးမုယွင်မှာ အနှီသောက်ကျိုးနည်း ‘ပိုင်ပိုင်’ ‘ကူကူ’ ‘ကျင်းကျင်း’ ဟူသော နာမည်မျိုးတွေကို သည်းမခံနိုင်တော့ချေ။ ထို့ကြောင့် မျက်နှာသေဖြင့် နာမည်တစ်လုံး ထုတ်ပြောပြလိုက်သည်။
YOU ARE READING
အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..?
Short Storyအမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? ''မင်းကိုယ့်ကို ခုနစ်ကြိမ် လက်ထပ်ခွင့်တောင်းခဲ့တယ်၊ ကိုယ်ကလည်း မင်းကို ခုနစ်ကြိမ် ကတိပေးခဲ့တယ် . . . ကိုယ်တို့ လက်ထပ်ကြရအောင်..!'' ................................ အမ်ိဳးသားခုနစ္ေယာက္ကိ...