အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..?

60

Unicode

Zero : “(；д) ‘အလိုလောဘ’မှာ သားတစ်ယောက်ရှိတာလား..?!”

ခြူးမုယွင် : “………..”

Zero က ရုပ်တည်ကြီးဖြင့် : “မကောင်းတော့ဘူး.. သူ့မှာ ကလေးရှိနေတယ်ဆိုတော့ Host သူ့ကိုမြူဆွယ်လိုက်ရင် သူ……သူများမိသားစုကို ဖျက်ဆီးတဲ့လူ ဖြစ်သွားလိမ့်မယ်..”

ခြူးမုယွင် : (눈‸눈)

Zero : “(?·v?v·?)”

ထို Emoticon ကြောင့် ခြူးမုယွင်က သက်ပြင်းချလိုက်ပြီး : “ငါ့ကလေးလေးရယ်.. အဲ့တာ ရှန်ရွှိန်ယန်းလေ..”

တစ်ခုလောက် ပြောချင်တယ် ~ **နောက်ဆို System upgrade မြှင့်ရင် နတ်ဆိုးတိုင်းပြည်ရဲ့ အညှီအဟောင်ဝတ္ထုတွေ download ဆွဲမယ့်အစား <<နတ်ဆိုးတို့၏တိုင်းပြည်>> ဇာတ်လမ်းဇာတ်ကွက်တွေအပေါ် ပိုပြီးအာရုံစိုက်ပေးလို့ရမလား၊ ကျေးဇူးပါ = = ! **

နတ်ဆိုးတိုင်းပြည်၏ အရှင်ခုနစ်ပါးလုံးသည် မသေမျိုးများကဲ့သို့ ထင်မှတ်ရပါ၏။ မဟုတ်လျှင် အဓိကဇာတ်လိုက်က သူတို့၏ အားနည်းချက်ကို နင်းခြေပစ်မည်မဟုတ်ပေ။

ဒါက အသက်ပေါင်း 999,999,999 ရှိတဲ့ ဗီလိန်တစ်ယောက်နဲ့ ရင်ဆိုင်နေရသလိုပါပဲ။ သူ့ရဲ့အဆင့်၊ စွမ်းရည်ကို မရိုက်ချိုးပစ်ပဲ နဂိုအတိုင်း ဆက်ထားမယ်ဆိုရင် မင်းသမီးလေးကို ဘယ်တော့မှ ကယ်ထုတ်နိုင်မှာမဟုတ်ဘူး။

<<နတ်ဆိုးတို့၏တိုင်းပြည်>> ဝတ္ထုရဲ့ ဇာတ်လိုက်အကြောင်း ပြောရမယ်ဆိုရင် တော်တော်လေး သနားဖို့တောင်းတယ်။ တခြားဇာတ်လိုက်တွေဆိုရင် ဗီလိန်တစ်ယောက်ပဲပါပြီး အဲ့ဗီလိန်ကိုဖြေရှင်းပြီးတာနဲ့ ပြဿနာတွေအကုန် ရှင်းလင်းသွားပြီ။

ဒါပေမဲ့ ဒီမှာတော့ ဗီလိန်က ခုနစ်ယောက်တောင်၊ ပြီးတော့လည်း အသက်ကိုစတေးပြီး နတ်ဆိုးအရှင်ခုနစ်ပါးလုံးကို ရှင်းပစ်လိုက်ရင်တောင် သူ့ကိုစောင့်မျှော်နေမယ့် မင်းသမီးလေးဆိုတာမျိုး မရှိရှာဘူး။

တွေးရင်းတွေးရင်း အဓိကဇာတ်လိုက်ကို အရမ်းသနားမိနေပြီ..!

သူတို့တွေက မသေနိုင်ဘူးဆိုရင် ဘယ်လိုလုပ် ကလေးဖြစ်သွားတာလဲ..?