الحلقة(96)
يوم عرفه....
اليوم هذا زي ايام رمضان بالزبط..الصيام ..الأجواء..نكتهه..
رمضان في يوم واحد..اغلب الناس في هالأيام فاتحين التلفزيون ع القنوات الناقله للوقفه والخطبه متاع يوم عرفه.
لبيك اللهم لبيك ..لبيك لاشريك لك لبيك...🕋
في حوش الحاج فرج ..كلهم صايمين ماعدا الكناين لأنهم حوامل ويتوحموا..اريج مع امها في المطبخ وفاتحين الراديو ويسمعوا في الخطبه منقوله فيه ..ندى كانت مقعمزة تقرا...وأصيل راقد ...الحاج فرج كان مع نجيب
فرج: بنمشيله ..ساد رمضان والعيد الصغير
نجيب: معاك يابوي اليوم بعد العشي نمشوله ..
فرج: فيصل ولده سيب البلاد كلها ..
نجيب: ربي يهديه هو كويس لكن لما يلبز يلبز هلبه...
***
في حوش اهل عماد سرور مع سلفاتها في المطبخ وحايسين ع العشي ويوتوا للعصبان"في ناس يشروا في بطن قبل العيد ينظفوها ويديروها عصبان اول يوم وبطن العيد يخلوها لنهار تاني"...
عماد: خلاص يابوي قراري نهائي
سعيد: غير بالهادي ياالله..
عماد: اطمن ..
صبري خوه الكبير: ربي يسيرلك ..
عماد: اللهم آاامين ..
خش عليهم واحد من ولاد خوته ..
الولد: عمي عماد في راجل برا يبيك
عماد استغرب وناض ..وين وصل عند الباب تفاجأ
عماد بغضب: ليك عين وجاي هني
منتصر خو سرور: بالله عليك يانسيبي اسمعني
عماد استغرب: شن تبيني نسمع ..ترا اقلب وجهك ماتخلنيش ننبلي بيك في هاليوم المبارك
منتصر : ولأنه يوم مبارك ارجوك تعوذ من الشيطان واسمعني ..
سعيد جاهم: تفضل ياولدي ..
عماد غمض عيونه بيأس وفتحهم : خشش
منتصر : هي شويه ..مشي لسيارته نزلت منها مرته وجت معاه ..ترا بالله كلم العويله بش تخش لسرور
عماد شبحلهم بحده ومستغرب ..
سعيد: خليها تتفضل..امشي طول يابنتي تلقي الباب قدامك ..تباعدوا عماد والحاج سعيد ..وخشت ساسيه داخل وهما خشوا للمربوعه...
***
سليمان العيد يبيه في البلاد مشي هو جمانه قبل الموسم بيوم ..ويوم عرفه سليمان كله قضاه في الأعمال الخيريه والعبادات ..مشي لطرابلس الصبح وكمل موضوع الأضاحي اللي بيوزعوهم ع المحتاجين وروح بعد العصر..وكمل الباقي في البلاد..وطبعا ماقعمزش بكل..اما جمانه بين العبادة والمطبخ يد بيد مع عزوزتها وحماتها وسلفاتها رغم ان عزوزتها ماخلتهاش ادير معاهم هلبه..وهالشي يسحن في عقارب الرمل 🦂...
***
سرور: تو انتي شن تبي تبيني نسامحك خلاص سامحتك غيي هكي ماتحلميش بيي في حالك
...
منتصر: اني نبي نرد علاقتي بأختي الأيام اللي فاتوا ماارتحتش بكل ضايقه بيا هلبه..عرفته بسبب اللي درته فيها..
عماد: صعب بعد اللي درته ضربتها لوهي سامحت اني مستحيل نسامح
...
ساسيه بدموع:ياسرور عطيني فرصه نكفر ع غلطي ارجوك لاليلي ليل ولانهاري نهارمن الهم...
..
عماد: انتم في حالكم وهي في حالها ساد مارت منكم وماتخافش عليها حندير بالي عليها اكثر منكم مرتي هادي
منتصر: انت انحرمت من عيلتك وحسيت بوجع فراق عيلتك ماتخليش سرور تعيشه كانك حق تقدرها وتحبها ..تصالح بينا وبينها في النهايه خوتها حني ومافي شي يعوض الخوت
...
سرور ببكي: خوت شنو بالله عليك ..اللي خلوني اني وأمي ايام بلا مصيف ولا ماكله وعايشين ع الصدقات اللي يقعدوا بتلاته وايبعه شهوي لاينديوا ع ام ولااخت حيين ولاميتين ..! ياجل اختي الغييب هو اللي وقف معانا ودايني اخته اكثي منكم وامي تقول امه وأعز..اسمعي لاعاد نبيكم ولانبي نسمع سيرتكم خلاص
سعيد من برا: سرور بنتي ..
سرور مسحت دموعها : نعم عمي
سعيد : تعالي للمربوعه ..ناضت سرور بتمشي شدها عمها
سعيد: بنتي صفي قلبك وسامحي هذا يوم مبارك "فمن عفا وأصلح أجره على الله "
سرور: صعب والله
سعيد: اغلبي نفسك وشيطانك هذا وخيك في النهايه لو تغسلي بمية البحرماتخلصي منه دمك هو دمه وبوكم واحدوامكم وحده ..وهو جاك وطالب السماح سامحيه يابنتي وربك حيردهولك بالخير في حياتك كلها..
سرور شبحت لعمها وباست راسه : ع خاطيك والله ..
سعيد بضحكه: كبر قدارك يابنتي ..هي تعالي خشي..
سرور لما خشت وشافت دموع خوها حضناته وقعدتبكي وهو يبكي معاها ..وكان موقف مؤثر..وروح هو ومرته والامور متصافيه بيناتهم ..سرور بعد سقدت خوها التفت جت عينها في عين عماد ابتسملها بنظره حب وهي ردت نفس النظرة والإبتسامه وخشت 💕..طبعا سلفاتها غمز ولمز عليها وبدو في جو 🐍🐍🐍..وهي اطنش فيهم...
***
اذان المغرب ..واغلب الليبين حلوا صيامهم وفطروا ..وعاشوا اجواء رمضانيه بإمتياز...
جمانه ادير في النسكافيه وتوتي في حلو مدايرته "كيكة سميرة "كان تذكروها اول مابدت تحط فيها اذكرت عبدو قداش كان يحبها ..خدت تليفونها واتصلت..
عبدو مع ملاك في الشقه وكان يوتي لغدوة وملاك ادير في السلايط متاع العيد..
عبدو: ملاك ..بنمشي نجيب الزبون من المغسله ..ماتبي شي
ملاك: سلامتك بس😙
عبدو:😚😚😚..وهو طالع رن تليفونه تفاجأ وفرح لما شاف الرقم رد طول
عبدو بفرحه: يااااقلبي استاحشتك ياغاليه
جمانه سمعت صوته دموعها نزلوا: والله اني اكثر ..
عبدو: والله ع بالي ياوخيتي بس ماقدرتش نتصل
جمانه: معذور ياغالي
كيف حالك كيف ملاك وماما وبابا والكل..
عبدو: كلهم بخير والحمد لله وانتي كيف حالك وشن مدايرة مع راجلك وناسك
جمانه: الحمد لله احسن مايكون
عبدو : الحمد لله والله فاقدينك ياقلب خوك
جمانه ببكي: اني اكثر مستاحشتتتككم وقعدت تبكي ..
عبدو شاد روحه: جمونتي ..لالا جمونه مش هكي ..خلاص عاد..عابيين عليك كبرتي وزوجناك ..طلعتي قاعده طفله وتبي بابا وماما وقالها بصوت أطفال..
جمانه ضحكت : ياقلب اختك تعرف ندير في كيكه سميرة خطرت ع باالي قلت اكيد خاطره فيها
عبدو:ههههههههه اسكتي مش ملاك تعلمتها لكن والله ماتجي حاجه جنب اللي اديري فيها...
جمانه بضحكه: اسكت عيب عليك ..جمانه قدمت للغاز لقت الحليب سخن ..عبدو خلاص توا مضطره نسكر ياغالي سلم ع الكل وقوللهم جمانه مستاحشتكم موووت 💕
عبدو: حاضر يوووصل ياغلاي ..هي السلام عليكم
جمانه :وعليكم السلام وصكرت ..طفت تحت الحليب ..وقعدت تبكي ..ماتندريش ع روحها إلا وهي في حضنه ❤...ضحكت :حول خير ماتخش علينا حناك
سليمان : ههههههههه..لاخليتها راقده ..خيرها تبكي حوريتي ..استاحشت اماليها ؟
جمانه: اممم هلبه ..حاسه بوحشه من غيرهم
سليمان: تحسي بوحشه وانتي معاي
جمانه: اكيد لاياعمري لإني ماشفتكش بكل اليوم استاحشتك هلبه وحسيت بوحده من غيرك..
سليمان بعد شوي وباس راسها: اهو جيتك ياحوريتي ومش مخليك بكل لقبل الفجر 😚
جمانه ضحكت: حول ..خليني نصب النسكافيه ..
ضحك سليمان واتكي ع الرخامه جنبها : منظر الكيكه يسهف ..جي بياخد ضرباته بإيدالكشيك وكانت قويه شويه
سليمان شد صوابعه: الله يسامحك
جمانه باسف مع خجل: والله مانعرف كيف ضربتك ..الحركه تلقائيه كنت ندير فيها لخوتي ولاإراديا درتهالك اسفه
ضحك وشد ايدها وباسها: اللي ديريه فيا راضي بيه عسل ع قلبي والله ...
جمانه تشبحله بحب وهو يشبحلها ...
جمانه : باهي اطلع خليني نكمل اللي عندي
سليمان : ههههههه باهي ...وطالع ويتلفتها وهي لاهيه بالنسكافيه ..تأمل فيها شويه وتنهد وطلع ...❤
***
كيف صار ...
عدنان : ههههههه ..نصيب وجي وقته
كنان: البنت كنت نشوف فيها يوميا تعاملك معاه عادي جدا ومش باين عليك ولاعليها شي
عدنان: الموضوع مش زي ماأنت فاهم حب وغرام وكلام فاضي ..ارتباطنا عملي اكثر
كنان: عملي 😒!!
عدنان : ايه يعني اني وياها نشتركوا في هلبه حاجات ..تفوقنا ..طموحنا ..وكل حد فينا يحب يخطط لكل خطوة يخطيها...احني اتنين ننسجموا مع بعض من هالنواحي
كنان: بعيد عن الدش اللي توا قلته مافيش حياه زوجيه بدون مشاعر مستحيل تستمر علاقتكم هادي ..
عدنان: كل شي يجي بعدين ..مش مهم توا ...
كنان سكت 😒
عدنان: ههههههه..خليك مني قولي شن صار معاك يأبو المشاعر ..
كنان وجهه تغير وتنهد تنهيده حرقت قلب عدنان..
عدنان: كله ع فاشوش ولا ..من الأول نبهتك لكن انت ماتسمعش في الكلام ..توا لازم تولي معاي ولوح كل شي ورا ظهرك ..ماتضيعش كم سنه من عمرك في جرة سراب
كنان شبحله بحزن وناض : هيا نمشوا للسايح
عدنان شبحله بتفهم: باهي خل نكلمه ونشوف وينه ..غدوة عيد مرات مايقعدش ..عدنان اتصل بصاحبهم السايح وقالولهم يجوه في حوازته ..طبعا مافيش شي محرم نهائي ولا تلخبيط ..تقعميزة شباب عاديه جدا ...كنان وعدنان متربيين تربيه عاليه وصحابهم مايتخيروش عنهم💕..
***
يوم العيد...🐏
في البلاد...
روحوا الرجاله من الصلاه ولهذا لبس شرتوله مهربده وفي ايديه مجموعه اماس وللذبح ...😁
طبعا ماشاء الله سبعه خرفان وطبعا بشير وسلمى معيدين معاهم ...لأن بشير اهله عايشين في بريطانيا ...المهم بدوا بخروف حناهم الأول وبعدين خروف عمران وفتحيه وبالترتيب من الكبير للصغير ...طلعوا النساوين من الجهة التانيه اللي هدا خدت معلاقها وبدت فيه ...جمانه كان شاغل بالها موضوع تنظيف البطن ..ماتعرفش تنطفها بوها كان يجيب من ينظفها...خايفه من الإحراج ..وتسمع كلمه اضايقها ...فطروا ع المعاليق وطلعوا للرجاله وجو البطون ..اللي هذا شدت البطن متاعها وجمانه كانت محرجه لين خلاص
تبره: هيا يابنتي خودي دوراتك ونظفيها ..
جمانه: احمم حاضر😳...خدتها ووقفت ع مكان التنظيف قعدت تشبح لسلفاتها وتحاول تقلدهم...انتبهتلها امباركه نخصت لطيفه فهمت وقعدوا اتنين يتحركوا بسرعه بش ماتلحقش عليهم...جمانه اضايقت ومعاش عرفت كيف تتصرف ..اللي هذا كملت وخشت بصونيتها ويوتوا للعصبان إلا هي قعدت واقفه ومادارت شي ..حست روحها بروحها استاحشت امها هلبه استاحشت العيد في حوشهم قعدت تبكي ..
...
سلمى: لاوالله ياغالي غير خلاص هذاكا هو وراه قرايه
سليمان : ربي يوقفه،،بالله سومه شوفيلي كان في حد
سلمى بضحكه: تبي تشوفها ياكبدي
سليمان بضحكه: هي تحركي وماتكتريش دوة
مشت سلمى لقتها واقفه بروحها اشرتله يجي ...جاها وهي خشت للداخل تقوللهم ماحد يطلع برا ..وهو مشي لجمانه لما وصل عندها لقاها تبكي
سليمان: خيرك جمانه...
جمانه شبحتله بنبرة باكيه : شي ..
سليمان بخوف: كيف شي في حد ضايقك حد دارلك شي
جمانه هزت راسها بالنفي: لاوالله لا
سليمان: باه خيرك تكلمي
شبحتله بخجل وعيونها معبيات دموع : نقولك لكن ماتضحكش عليا
سليمان رفع حاجبه :قولي ترا ..
جمانه شبحت للبطن ووجهه تحمر ووطت راسها: مانعرفش انظفها..
سليمان : هههههههههههههههههههههههههههه
جمانه: هذا غير قتلك ماتضحكش
سليمان هدى الضحك: آاااخ منك انتي ياحوريتي هذا علاش تبكي وحالتك حاله
جمانه: مبردك سليمان ياريتني ماقتلك ..يعني مايستاهلش الموقف نطلع بايرة قدام اهلك ونحشمك معاهم
سليمان : ع خاطر ماتعرفيش تنظفي البطن بتحشميني ؟!
جمانه: ايه يقولوا مرت الشيخ باير...
سليمان شبحلها وابتسم : مافيش حد يفتح فمه عليك مادامك مرتي ..حولي شويه ...جمانه شبحتله بإستغراب وحولت ..قدم جهة البطن وفتح الشيشمه وبدي ينظف فيها
وهي واقفه تشبحله بذهول ....
سلمى: ياوخيتي سلمه وخيي ياسعدك ياجمانه بيه
امباركه: مش لقطه الحق شيخ وليه قدره يوقف ينظف دوارة ..!
سلمى شبحتلها برفعة حاجب: خوي راجل والراجل الصح هو اللي يعاون اهل بيته واللي يدير فيه توا مايزيده كان قدر..واللي عنده كلمه سو يبلعها ويسكت ...
امباركه قريب تطربق ولطيفه تسحن وسكينه متشمته فيهم ..
...
كمل وحطها في صونها ومدهالها جي قدام الشمس وكانت عاكسه عليه وكله يلمع ..جمانه تشبحله: اني نحبك هلبه تعرف
سليمان بضحكه : لاا الصراحه نبي اثبات
جمانه خدت منه الصونيه: مش مهم نتبتلك المهم اني عارفه قداش نحبك ..وضحكت وجت ماشيه
سليمان : باهي ع اقل حق تنظيف الدوارة ..جمانه التفتت وضحكتله ومشت خشت...
سليمان"والله العشق مصيبه ع قلوب العابدين " ...
***
: شن تحسابي ياماما كله متكتله ..
: صحه ليك شغلتي دماغك صح ..لكن راك تنسيني
: اطمني مش حننساك...
💥💥💥من هادم ؟وع شنو يتكلموا وشنو ناويين؟؟؟
يتبع .....
#GomanFared
