الحلقة(8)
أمل تفكر كيف بتخلي خوها يشوف جومانا مش عارفه فكرت فكرت وبعدين 💡
أمل: أمي نمشي نوتي صفر النسكافيه من توا خير
أمها: إيه بري وتيهم تقعد بعدين ع الصبان وخلاص
أمل: تمام 😊جمانه معليشي تجي معاي
جمانه: هيا 😊
جمانه مشت معاها وفي عقلها"أكيد بتكلمني ع خوها يارب ساعدني على ضبط نفسي"
خشوا المطبخ الخارجي
أمل : جمانه خليك نمشي نجيب صفر من الدار ونجيك
جمانه: تمام
مشت أمل خشت الدار بعتت لخوها ع الفايبر
(اسمع تعالى بحدا روشن المطبخ الخارجي )
(تم 😍😍)
(بالله مادار حاجه وتحرجيني بيها مع البنت)
ماردش مش جري جهة المطبخ
جت أمل للمطبخ
جمانه: وين الصفر أمل 😞
أمل: أها 😅ايه هما هني في الدولاب وأني نحسابهم في الدار
جمانه: به خل نطلعهم
أمل: جمونه خولي خمارك اللطف مافي حد هني
قامت جمانه خمارها وطلعت الصفر هيا وأمل وحطوهم ع الطاوله وهي توتي وتستف في الفناجين مش حاطه في بالها إن فيه حد هايم بيها ويتأمل فيها من الروشن
فيصل"أهدا ياقلبي راك تعبتني ،،قداش أستاحشت هالوجه بتفاصيله هالعيون اللي مذوبيني فمها وهو يتحرك لما تتكلم وجهها الصافي مافيشي ولاحاجه ومع هذا آية من الجمال يجعلك ربي من نصيبي ياحب عمري "
وفجأة وهي تهدرز ضحكت ،فيصل قريب هبل يحب ضحكتها من زمان وأستاحشها هلبه خطر ع باله أيام كانت جمانه ديما هيا وياه وصداقتهم كانت قويه هلبه وكان مدرق مشاعره مايبيش يعترف لها وبعدين اذكر كلامها ليه أخر مره
" أني مش ليك أفهم " دب في قلبه رعب ولف بش يخش للمطبخ
أمل : إيه بصراحه نفخ وأني معاش عندي خلوق قريب نسيب مرة وحده
جمانه: لاردي بالك معاش مازالك شي أضغطي ع روحك وكملي وبعدين أرتاحي
خش فيصل
أمل: 😲😲😲😲😲😲
جمانه : شبحت لأمل كيف تشبح وألتفتت وأنصدمت
سكر فيصل الباب
قدمت جمانه: أفتح الباب
فيصل ساكت ويشبحلها
جمانه : أفتح يافيصل وتعوذ من الشيطان
أمل: وراس وخيي أفتح ماتحشمناش
وهو شي ساكت ويشبح لجمانه
جمانه : رفعت عيونها فيه وبشبحه حاده فيصل أفتح ولا والله نعيط ونلمهم عليك
فيصل: أستاحشتك
جمانه : الله المستعاااان
أمل : خلاص أفتح جت بدفه دفها
فيصل: حولي هكي بنقوللها كلمتين ،جمانه فكري كويس في موضعنا ره ورب العزة ماحتلقي واحد يحبك زيي في هالدنيا
جمانه نفذ صبرها: أسمع أني سايرتك هلبه ودرت حساب لأيام زمان وصحبة أمالينا ، لكن توا خلاص حطها في راسها لو تبدا أخر راجل في الدنيا مستحيل ناخدك فهمت
فيصل قريب مات حس قلبه وصل لرقبته ماتوقعاش لهدرجه رافضاته ومش متقبلاته بكل قاللها: وانتي حطي في بالك والله مامسكر عليك باب راجل غيري والأيام بيناتنا فتح الباب وطلع
جمانه طارتلها بكل خشت للحمام"حشاكم " بش تغسل وجهها
غسلت وجهها وأذكرت الخمار ماكانش ع وجها عصبببببت هلبه هلبه فكرت تكلم أصيل يروح بيها لكن خافت تصير دوشه حولت ملايتها وتوضت بش تهدا ولبستها وطلعت
***********
5:00العصر
عيله سليمان لاهيين النساوين يوتوا في الشاهي والرجاله قريب يروحوا من صلاة العصر
فوزيه: والله لحسوا القعاد لحس
حدهم: حتى هو بازينك يافوزيه
فتحيه: يعطيك الصحه
إمباركه توشوش للطيفه: ضو قالي مسحنالكم صواني لوحنا اللي قعد في الكناسه قبل نجيبوهم
لطفيه ضحكت بهمس: ياحبهم في شكران أرواحهم بالذات فوزيه
إمباركه : كلهم هكي
الحاجه تبرة: نبي نعناع من الجنان
رقيه : هي شويه ياحاجه
خشت للكوجينه زنوبه بنتي
زينب : نعم أمي
رقيه :ترا أطلعي جيبي عروق نعناع للشاهي
زينب: حاضر
طلعت زينب للجنان مشت جيهة النعناع تقطع فيه سمعت صوت ناضت تقرب صوته والله صوته قدمت شويه وقعدت تشبح فيه واقف يتكلم في التليفون قعدت تتأمل فيه لانعناع ولاشاهي ولارزاطه 😂
سليمان: كلمتوا خوه
وائل : إيه قال ماجانيش من لماطلع من عندي أمس الظهر
سليمان : كيف هكي معقوله
تحرك شويه جي ع جنب وجت عليه الشمس وشكله ولافي الخيااال
زينب حطت إيدها ع قلبها
سليمان: نقولك كيف أني جاي غدوة بإذن الله
وائل : خليك مع أهلك ماحلك ريتهم
سليمان : تو نجيهم مرة تانيه إن شاء الله المهم ربيع توا
وائل: خلاص يصير خير أي جديد تو نكلمك
سليمان : أصلا اني حنتصل بيك خليك تليفونك في إيدك وصكر ،،قعد يفكر زعمه وين ربيع وشنو صاير فيه تلفت شبح زينب شبحاته جت بتهرب
سليمان: خليك نبيك شويه
زينب 😍😍😍😍مش مصدقه ودانها تلفتت بش تتأكد قالتلها أني هز راسه بإيه وعيونه لوطا قرب وخلا مسافه
سليمان: إسمعيني يازينب إنتي قاعده صغيرة وبنيه طيبه وكويسه ربايه خالتي رقيه وعمي محمد الحركات هيا مفروض ماتطلعش منك
زينب: 😳😳😳😳
سليمان : البنت لازم ديما تحط في راسها بوها وأمها وماتخليش حد يقول عليهم ماعرفوش يربوا ،،حافظي ع حجابك وعفتك وحكمي عليك وإبعدي ع التصرفات الطايشه وياريت هادي أخر مرة نشوفك إديري الحركات هادي ومشي وخلاها
خلاها في حاله صدمه حست أن ظلمها وظلم مشاعرها وحست إنها ماتسوا شي عنده بكل وأن نظرته فيها مش حلوة حست أنه أهانها
وأستهزأ بمشاعرها ووصفهم بالطياشه وقلة الربايه ظلمت الدنيا في عيونها وخرت شويه وتلفتت بتمشي رجليها معاش بوا يتحركوا عيونها معاش يشبحوا في شي طاحت من طولها بدون حركه.
*********
في الحوازة جمانه كانت طول الوقت ع أعصابها تحاول تظاهر أن ماصار شي جي المغرب معاش قدرت تتحمل كلمت بوها قالتله تبي تروح بش تلحق تقرا وقاللها باهي وقاللهم هيا ع قد ماشدفيه صاحبه قاله خلاص هذا هو الحاج فرج حس بصوت بنته مش مرتاح وهو يعرفها زين طول الطريق جمانه تراجي أمتى توصل الحوش وأول ماوصلوا خشت طول وركبت لدارها وهذا كله تحت نظر بوها وأريج حتى هيا،، دوشت توضت وصلت ورقدت طول حتى ندى بتحاول تسألها خيرها ماقدرتش
في دار نجيب
كيف أتكا ع سريره بعد مادوش وصلى رن تليفونه شافه لقاه
ريم يتصل بك حط إيده ع عيونه عد من 1للعشرة وقفت الرنه حط ع الكامدينو وبيرقد رن من جديد بيديره صامت شبح الشاشه لقاه لارا يتصل بيك
قعمز شويه ورد
نجيب: السلام عليكم
لارا: وعليكم السلام كيفك مهندس نجيب
نجيب: الحمد لله وإنتي
لارا: منيحه الحمد لله
مهندس أني أسفه اتصلت فيك بهالوقت بس كان بدي أوقلك أنو انا بكره مسافره ع الأردن
نجيب انصدم : علاش إن شاء الله خير
لارا: حدا من قرايبنا تعبان ولازم نرجع
بس عم فكر بخصوص تصميم بيت الزبون المصري شورح يصير
نجيب: مادوريش توا نشوف الموضوع بروحي
لارا: ممنوتك كثير وبعتذر إني دايقتك بهالوقت
نجيب: مافيش مشكله حصل خير
لارا : تصبح ع خير
نجيب: لارا
لاراقلبها طق بالقوة: نعم ؟!😍
نجيب: لاباس ع قريبك
لارا أبتسمت: تسلم ياباش مهندس
صكر وهو يفكر وابتسم لاأراديا حط التليفون ع كاميدينو جاته رساله ضحك يحسابه من لارا فتح قراها
(نعرفك شجاع وماتحبش الهروب وتقدر ترد عليا وتقول مانبيش نكلمك مش تشوف رقمي وتتجاهلني ،،بس أني نبيك تكون في أقصى درجات الشجاعه وتأخد قرار نهائي في موضوعنا بش تريح وترتاح)
انصدم لما قراها تكنطى صكر تليفونه مرة وحده وحط المخده ع وجهه وحاول يرقد
************
في مكان ما واحد مقعمز قدامه لاب توب ويشبح بتركيز للشاشه ويبتسم طول الوقت
معتصم: شنو من لما جيت وأنت تبلحق فيه
ضرار: شن تبي
معتصم: نبي نهدرز عليك ياجحش
ضرار: فوتني
معتصم: شنو صار في اللي قتلك عليه
ضرار: قول لصاحبتك تتهنى أمورها حتمشي وحتتخرج
معتصم: منور ياصقر
ضرار شبحله وأبتسم إبتسامته المغرورة وشبح للشاشه
أنت اللي منور وبالهلبه
شبحله معتصم وهو يشرب في القهوة : إن شاء الله خير
ضرار قعد ع لاب توبه طول ليل لحاجه عنده شغلاته ويبي يعرف عنها كل شي .....
*********
كان نعرف شنو صارلها بس قريب نهبل ياناس
هادي أم زينب في العياده قدام الدار اللي راقده فيها بنتها تراجي في الدكتور يطلع يطمنهم
ولدها علي: خلاص ياأمي إهدي بشويه ويحضن فيها
طلع الدكتور
رقيه: خير يادكتور
الدكتور : مع الأسف بنتك خشت في كومه
علي أنصدم
رقيه : كومه حيي عليا
الدكتور: اهدي ياحاجه تو ا للموضوع مش كبير إنتي إدعيلها
حست روحها بطيح قعمزها ولدها ع كرسي
الدكتور: ياسستر تعالي دخليها الغرفه وديرولها تغذيه
جوا الممرضات دخلوها
الدكتور:انت خوها
علي : ايه
الدكتور : تعال معاي المكتب
**********
طرابلس
الساعه 8:00مساءا
عماد : الراجل هذا مش بلاش ياوائل
وائل: أهدى ياعماد إن شاء الله مافي إلا الخير
عماد: تي خير شنو ياراجل من أمس لليوم مختفي أكيد مالي مرته اكيد جابوله جماعه من ******عذبوه وقطعوه ولوحوه في مكب : :
وائل: 😲😲😲😑😑😑😑
في هالوقت في حد فتح الباب وائل وعماد يحسابوه ربيع مشوا يجروا
وائل: قاسم !!؟
عماد: جيت وربي جابك ياوجه الشر
قاسم: كنك يامحنط شنو في يحضنوا في بعض
عماد: كني كناين ياقسومه
قاسم شح وائل من فانيلته واضبطته : مسود قلبك حتى سلام لا
عماد: وحق لاإله إلا الله مه وقته شوفلنا حل في مصيبتنا
قاسم: مصيبه شنو ياراجل
عماد: ربيع من أمس لليوم مانندروش عليه
قاسم: الطحلوب هظا ديما راسه يابس قتله ماتحطش راسك براس نسابتك ماسمعش كلامي
وائل: طلق مراته
قاسم: هي تفضل هي تو شن دخلها الوليه راسه مربع هالرجل هظا
طق الباب
عماد: يارب هو مشي بيفتح ولحقوه قاسم ووائل
فتح الباب
عماد : الشيخ!!!
رايكم 😘😘😘😘
#GomanFared
