الحلقة(14)
ضرار:نبيكم تكسروه تكسير بحيطه بزليزه وبعدين تولعوا فيه النار وماتخلوا شي وراكم
: اعتبره صار وجي بيمشي
ضرار: استنى
:نعم
ضرار:ترا قولي اسمه بش وين نشبح خبره في الفيس نعرفه طول 😏
: اسمه نجيب فرج الشريف
ضرار فتح عيونه ع وسعهم وقعد يشبحله: متأكد ؟!
مدله ورقه وقاله: إيه وهادم كل المعلومات عليه
خداها ضرار وهو مندهش بعدين قال: ألغوا كل شي
:كيف؟!
ضرار : شن هو اللي كيف قتلك ألغوا كل شي وفوتوا الموضوع مرة وحده
: شكله طلع واحد مهم
ضرار شبحله بحده: مش شغلك وتوا توكل
طلع الراجل اللي كان عنده وضرار قعد يفكر وفجأه قعد يضحك بصوت عالي :آاااه ياحد الزين شكلك حتعذبيني هلبه لكن فداك "اللي يبي الورد يتحمل شوكه"
********
يوم جديد كان الصقع يشتد والشتي خش بقوة الدنيا مسحبه والباين في مطرة قويه
كنا في أواخر الشتا قبل اللي فات زي اليومين دول عشنا مع بعض حكايات أنا كنت لما بحب أتونس معاه أنا كنت بخد بعضي وأرحوله من سكات
عبدو: بش نذبحك
أريج: مبردك عبدو خلعتني
عبدو: 😂😂😂
من أمتى تحبي الشتي
أريج: وأني امتى قلت إني نكرهه
عبدو: ماقلتيش لكن ديما تشكي منه وتقولي عليه كئيب
أريج خطر ع بالها ضرار فجأة وحست بشعور حلو: بالعكس الشتي حلو وهلبه❤
عبدو يشوفلها بشك وهي شبحتله
أريج: خيرك تشبحلي هكي
عبدو : شي سلامتك 😒
أريج: 😑
جمانه : صباح الخيرات 😚
عبدو وأريج: صباح النور
جمانه: بتطلعوا
أريج ركبت سيارتها بعد سخنت : ايه
عبدو: ايه وين المشفشفه هديكا
ندى: اني جيت 😑
عبدو ضربها ع راسها ضربه خفيفه: ماتعرفيش تتصبحي
ندى: أااي صبح ،، صباح الخير هاه😣
جمانه وعبدو 😂😂
أريج طلعت ولحقها عبدو وبعدين شوي جمانه طلعت للجامعه و وصلت أمها في طريقها للمدرسه
********
: اليوم نبيك ادير اللي قلتلك عليه وخود هادم نص الفلوس والنص تاني بعد اتم الموضوع
: تم
*********
سليمان كان مقعمز في المدرج ويقرا في كتاب ومنسجم معاه هلبه
:لين تموت وأنت تقرا
سليمان الصوت مألوف بالنسبه ليه قام راسه وأتفاجئ وفتح عيونه ع الآخر
: لهالدرجه تفاجئت بشوفتي،،ماتوقعتش يجي يوم وتشوفني مرة تانيه
سليمان رجعوا ملامحه زي ماكانوا وأبتسم: إيه ماه لو منك وجهي معاش نوريه
: هههههههه قاعد زي ماأنت
سليمان : حتى أنت ماتغيرتش والباين مستحيل تتغير ياضرار
ضراركان مقعمز في الكرسي اللي قدام سليمان تلفتته وربع أيده وأتكى ع طاوله سليمان وهو مبتسم بسخريه: ولينا شيوخ
سليمان: وأنت الباين عليك وليت حاجه تانيه
ضرار ضحك وقام راسه وتلفت القدام وحط رجل ع رجل: أيه حاجه تانيه فوق ماتتوقع
سليمان :هالثورة مع الأسف رفعت هلبه ناس وضيعه
ضرار شبحله بحده: أوزن كلامك
سليمان يبتسم بثقه: كلامي موزون وفي محله
ضرار تكنطى: ع العموم أني مش جايك بش نفتح ملفات قديمه نسيتها ولازم حتى أنت تنساها
سليمان ضحك بتهكم : وعلاش ننساها
ضرار: لمصلحتك
سليمان شبحله بإستغراب :مصلحتي أما مصلحه ليا معاك
فجأه الطلبه بدوا يخشوا
ضرار : في محاضرة توا
سليمان هز راسه بإيجاب
ضرار ناض : هذا رقمي وضروري تكلمني
سليمان يشبح للكرت ويشبحله
ضرار: ضروري ونعاوها مرة تانيه لمصلحتك مش تلوح الكرت أو تتجاهل وماتتصلش انت الخاسر ره ؛طلع ضرار وخلا الكرت ع الطاوله وسليمان عيونه معاه لين طلع وبعدين قعد يشبح للكرت خداه وحطه في جيبه
:السلام عليكم
خش الدكتور وبدت المحاضرة
********
:هو يبان شخصيه وحليوه لكن كبير شوي ندوش
ندى: هو هذا المطلوب عاجبينك الشعابيط هادو طياشه وصياعه
هويدا: مش كلهم هكي
ندى: أغلبهم
هويدا: لكن هدا كبير ندى
ندى: مش مهم بكل
هويدا: لهالدرجه عاجبك
ندى: وفوق ماتتصوري😍مالالمايتكلم بالشرقاوي وكان تشوفيه كيف يحرك في إيديه جسمه لغة الجسد عنده قويه ولابس أسود يومها زايده النص
هويدا تضحك: خلاص طحتي وفات
ندى: به هي خليه ع جنب توا وفهميني هالمعادله شي مافهمتها
وقعدت هويدا تشرح لندى ، ندى وهويدا صاحبات من الأعدادي برغم إنها أكبر منها بسنتين بس صحبتهم قويه وشاطرات هلبه وديما من الأوائل...
*******
لارا: وهيك بيكون مدخل البيت شكله مناسب جدا
نجيب: شنورايك أستاذ مجد
مجد وهو يشبح للارا بإعجاب: عجبني جدا التصميم واتمنى لو الباش مهندسه تبدا من النهارده
نجيب معصب ويهز في رجله ولارا تشبح لرجله كيف تهز وتوترت
لارا: خلاص من بكرا رح نبلش بالشغل
مجد وعيونه قلوب: كويس جدا
نجيب لاإراديا خبط بإيده خبطه قويه ع الطاوله لارا انتفضت من الخلعه ومجد قعد يشوفله ومتفاجئ
نجيب: تمام أستاذ مجد تو نجوك غدوة بإذن الله للأرض اللي حتبني عليها حوشك ، وناض ومدله يده وبإبتسامه صفرا ،مع السلامه
مجد ناض وهو مستغرب سلم عليه وطلع
نجيب وهو يلم في أوراقه: غدوة ماتمشيش إلا وأني معاك بروحك غادي لا
لارا: كيف يعني بدك تترك شغلك وتضل ورايي
نجيب شبحلها بحده وغضب
لارا خافت: نجيب هيك مابيصير
نجيب: يصير ونص ، لارا مانبيش نرجع نعاود نفس الكلام
لارا بقلة حيله: حاضر متل مابدك 😔
وناضت بتطلع
نجيب: حاولي تخلي لبسك واسع شوي والسروال هادا معاش تلبسيه
لارا انصدمت وقعدت تشبحله وهو كان واخد شنطته بيطلع وفتح الباب:هيا اطلعي ، وطلع وراها، لما يتم الدوام ماتروحيش أستنيني
وفات من جنبها وطلع
لارا في نفسها"رح أتعذب كتير معك يانجيب الله يعيني"
*******
المطر خيط من السمي والجو كان روعه
رويدا: أستغفر الله توا الدنيا بتغرق
منيرة: ايه في هالبلاد مافيش حاجه نتهنوا بيها
جمانه: ربي يصلح الحال ، بس مع هذا مافيش احلى من المطر بعدين ضحكت وقالت خاطرى لو الكليه تفضى ربع ساعه يخلوني نلعب تحتها لين توقف
منيرة ورويدا: 😂😂😂
رويدا: شوفوا مالك
مالك كان واقف تحتها مع صحابها وينقزوا زي المهبله 😂
منيرة: ياعليك مختشين 😂
رويدا: سعدودهم الولاد يديروا اللي يبوه ماحد يحسب عليهم شي
جمانه : تضحك شوفوا كيف طاح صاحبه
منيرة رويدا جمانه : 😂😂😂😂😂😂
بعد شويه مالك انتبه للبنات مشي جيهتهم
منيرة : جاي جيهتنا
جمانه وخرت بعيد ع البنات ورويدا شبحتلها وأستغربت ومالك لاحظها ابتسم
مالك: شنج
البنات: تموم
مالك: معاش عندكم محاضرات
منيرة : مازال وحدة من 2ل 3
مالك: أها ، ويشبح لجمانه رويدا لاحظت وأضايقت
رويدا: انسجمت مع الوضع
مالك : أما وضع!!
رويدا: وضع البلاد
مالك ضحك : أيه
منيرة : حييييه
رويدا: خيرك!!
منيره مشت لجمانه
منيرة: جمانه فيصل هني
جمانه انصدمت : شن تقولي
منيره : والله بعيني ريته ويدور
جمانه :الله المستعان تعالي نخشوا القسم
مشوا منيرة وجمانه طووول
وهذا كله تحت عيون مالك
مالك: خيرهم
رويدا فكرت وبخبث: لاشي غير واحد تعرفه جمانه بيخطبها قريب جايها للكليه فهي مشت بش تشوفه
مالك أنصدم: تعرفه قبل
رويدا بخبث اكثر: ايه اللي فهمته أنهم يبوا بعض من زمان وعائلاتهم صحاب جاها حتى المده اللي فاتت وهدرز عليها حاجه عشرة دقايق وروح
مالك بكسرة القلب: أها ،، يللا ربي يتمملها ع خير💔
رويدا: آمين ☺
مشي مالك ورويدا خشت داخل وطبعا فيصل دور دور لما مالقهاش روح وهو طايرتله
******
الساعه 5:00
المطر وقفت بعد مادارت بحيرات في طرق طرابلس وشوارعها
اريج كانت متكنطيه ومتجه لسيارتها في البركيدجو: عليك أيام غبر كان لازم نسكر راسي ونزل هالماده توا كان رجيت لين نزلتها سوسن ره ماقعدتش بروحي في هالوقت والدنيا تنفض
: نسايرك ياحلوة عادي اعتبرني صاحبتك
اريج قريب ماتت من الخوف تمشي بسرعه وتدعي في داخلها "ياااربي احميني ياااربي"
:تي غير خيرك تجري ماناكلش في الحلو عندي سكر هعهعهعهعهعهخخخ
اريج بتموت من الخوف وحست الطريق ولت طويله لسيارتها
قرب الولد منها وقعد يصفرر ويغني : اكثر حاجه بحبها فيكي هو ده أه هو داااه ،آااااه وهو داااه هههههععهعع
اريج "عطيك ديي مايعرفوله دوا"
وصلت لسيارتها بتفتح الباب صكره بيده
الولد: شنو ماتبيش تعدلي قايمه خشمك
اريج: حول خير ماوالله نعيط ونلم عليك الناس
الولد: ههعهههع عيطي ترا
اريج بيتعيط سكرلها فمها بأيده وقرب منها بحركه مفاجئة نتشتله إيده وهو حولها طول وكملت عليه بالشنطه ع راسها وهي ميته خوف
الولد شاد راسه: ووووه نموت في نوعك الشرسات نوعي المفضل وقرب منها
اريج خلاص كانت حتنهار
والولدوهو يقرب منها ،مايندريش ع روحه لين لقي روحه مرفوع فوق وملوح زي شرتوله
اريج حولت إيديها وفتحت عيونها وشافت الولد ملوح وواحد لابس توب أبيض وسروال جينسز أزرق ولابس برنوص التوب ع راسه مشي جيهة الولد وقعد يخبط فيه
أريج تجمدت وهي تتفرج ع العركه وكيف الولد اللي كان يعاكس فيها ينحدف إيمين ويسار من البوني اللي ياكل فيه والردس وبعدين شافته ملوح واللي يضرب فيه حط رجله ع رقبته ويكلم فيه بعدين حول رجله والولد ناض وطار يجري هي تشبح تبي تشوف من هذا وهو جي جيهتها بس قعد بعيد
: اركبي سيارتك وأطلعي هياااا
زبطت الصوت طوووول شافت زين لقاته هو إيه ومن غيره قلبها يطق ومداير مهرجان داخل
ضرار وهو معصب : خيرك واقفه هكي تحركيي
اريج خافت كيف كشخ عليها ركبت طول لسيارتها وطلعت وطلع وراها قعد وراها وهي تشبح من المرايه وفرحانه بطير وصلت للحوش وهو درس سيارته بعيدشوي لقي مجموعة شباب واقفين في الحوش اللي في جنبهم مشي ع رجليه لين وصلت اريج فم الحوش انفتح الباب وخشت وهو قعد واقف لين الباب تسكر وكيف جي بيمشي انفتح الباب وقف وألتفت لقاها واقفه تشبحله فنص فيها وأشرلها براسه تخش
ابتسمتله وخشت طول
ضرار ضحك ومشي طول وهالإبتسامه دارت في قلبه هوااايل
*******
:مادخليش بيك فلوسي نبيهم مش ساد الطريحه اللي كليتها
قريب رحت فيها
: اني شنو استفدت اللي نبيه ماصارش
: مادخليش بيك نبي باقي الفلوس ع أقل نعالج بيهم روحي كسرني تكسير هال&$#&
: باه أسكت تو نجيبهم غدوة
: وديني مايوصلوني الفلوس ماضال إلا فاضحك
: تي باهي تو يوصلوك الليله ضم فمك
يتبع .....
#GomanFared
