الحلقة(38)
:ينبشوا ورانا قداش ليهم
:متأكد
: إيه عيوننا داخل جابولي الأكيد
:وماعرفتش لتوا شن قدروا يعرفوا
: في تكتم واضح
: باهي من هما اللي قاعدين يلعبوا بعداد عمرهم
:عقيد وزوزتحته واحد برتبة رائد واحد نقيب
: جيبلي عليهم معلومات تامه وماتتصرفوش أي تصرف قبل لاتعرفوا شنوعرفوا علينا لتوا ...
:حاضر....
***
عرفت طبه من البدايه همه مصالحه بس
الأستاذ :كويس ،،المهم خلال اليومين اللي فاتوا نبيك تسافر ل***** في ناس نبيك تشوفهم عابي عليك ياضرار وعارفك قدها
ضرار بإبتسامه ثقه: قدها قدها زي ماتعرفني خليك مطمن..
***
طرابلس اللي يشوفها خلال هالفترة من بعيد يقول أنها مدينه هاديه واهلها عايشين بسلاام بس اللي يقرب حيسمع هلبه حاجات تشيب شعر الراس فوضى اتتشار السلاح خلت القتل ساهل والسطو ساهل والخطف ساهل وغياب القانون بدت نتائجه واضحه ،،خلال هديكا المرحله الناس بدت تحس أن البلاد بكبرها متجهه نحو هاويه تسقط بيها في الصراعات السياسيه اللي حتأدي بطريقه أو بأخرى لضياع البلاد مع الأسف
سليمان: اللي قاعد يصير في بنغازي مش حيمشي ع خير
قاسم: هذا اللي قلت عليه من الأول وكنا متوقعينه خلال الثورة في ناس واجدة خشت بين الثوار وناس تسلقت وناس لبست ثوب الثورة لغرض معين ولأن وقتها شغلنا الشاغل إسقاط القذافي مكناش مركزين واجد ع هالأمور كنا نقولوا أنهن حاجات جانبيه وغلطنا أكبر غلط
سليمان: تبي تقولي إن كلام القذافي وولده صح
قاسم: إيه صح بس تقدر تقول حق أرادوا بيه باطل هما كانوا عارفين شنو دايرين في البلاد كويس هما اللي أسسوا النظام اللي مشت بيه نظام دوله دمى العرائس اللي خيوطها كلهن كانن بإيدين شخص واحد وسقوطه سقوط الدوله بأكملها ومافيش داعي نذكرك شنو دار ولده خلال السنين الأخيرة
سليمان: إنا لله وإن إليه راجعون،،رد بالك ياقاسم انت في خطر توا
قاسم شبحله وابتسم: دام إني مع ربي ..
سليمان ضحك: ربي حيكون ديما معاي
***
:معاش يمشي معاي شغلك البطيء هذا نجيب الشريف خدي مشروع الشركه والكافي ع البارد المستريح بعد تعبت وأني نتقرب لصاحبهم بش يختار مكتبنا
: هو متحفظ هلبه وإنك توصل لتصاميمه وشغله كأنك تبي توصل لأسرار دوله
: اني حاطك غادي وقاعد نصرف عليك بتقعد هكي صدقني مكانك الشارع حتى عند نجيب مش حتلقى مكان
:باه شن تبي واني حاضر
: نبي تصاميم الشركه والكافي يوصلوني قبل ليعرضهم ع رجل الأعمال (*****)
: هو (*****)مسافر خلال الفترة هادي
: إيه وحيروح بعد اسبوعين خلال اسبوعين التصماميم تكون عندي
: تم
: ره هادي أخر فرصه
***
الصبح
ندى: اسمعي قريب نوصلوا فيك نديرلك تشرينه تطلعي..باي
شبحت لخوها اللي كان يساوي في شعره في مرايه السيارة
ندى: وحق ربي غزال حتى وأنت نايض من النوم
أصيل :اسكتي ياقمله🤣🤣
ندى: رد بالك تبصر عليا البصارة البايخه هادي قدام البنت
اصيل : باه باه أهو هذا حوشها؟!
ندى : اللي في جنبه
درس اصيل قدام الحوش ودارت ندى تشريينه طلعت هويدا وهي في قمه الخجل وركبت للسيارة وجت ورا اصيل،اصيل فرح قريب طار وندى تشبحله كيف يشوفلها من المرايا وهي موطيه راسها ووجهها احمر
هويدا: صباح الخير ندي
ندى: صباح الورد هويدتي
اصيل شبحلها من المرايه مع رفعه حاجب: وحني مايجيش علينا الصباح ولاكيف
هويدا تلخبطتت وقريب تنصهر من الخجل: صباح الخير😳
اصيل وندى ضحكوا عليها ،،وأصيل تحرك للمدرسه..
**
ريما: بجديات فرحت هلبه بالعرض اللي جانا
عزالعرب بأبتسامه: ومازال الخير جاي
ريما بمزح: فكنا من هالجمله ارجوك
عز العرب قعد يضحك وريما حتى هي ،،ع خشة نجيب اللي النار تطلع من عيونه وهو يشبح فيهم واقفين مع بعض وقف عليهم
نجيب بأبتسامه صفرا: صباح الخير
عز بنفس الإبتسامه: صباح الخير
ريما تتصنع اللامبالاة: صباح الخيراستاذ نجيب
قعد يشبحلها بحده وهي تشبحله بإبتسامه كلها ثقه
عز العرب : شن جو الكليه معاك بعد غياب
نجيب بغرور: زي ماخليتها
عز العرب: بالعكس تغيرت
نجيب: مالاحظتش التغيير
عزالعرب بضحكه وتهكم: إيه انت من زمان عندك قلة ملاحظه😏
نجيب:💢💢💢
ريما قعدت تشبح لنجيب كيف عصب
ريما: حتى اني ماحسيتش بتغيير
عزوجهه تغير ونجيب ابتسم إبتسامه نصر
ريما حست إنها احرجت عز
ريما : بس في حاجات جديده مكانتش موجود ع أيامنا
نجيب تلاشت أبتسامته عز خداها منه 😂
ريما : لكن كل مالها طريقة التدريس والمناهج تصعب
عز : لاحظت هالشي وتكلمت عليه مع رؤساء الأقسام والعميد نفسه
نجيب: الطريقه لازم تطور غير الطلبه في هالوقت مايبوش يتعبوا
ريما: بالعكس قاعدين يتعبوا هلبه ماتنساش كليتنا من زمان نظامها صعب
عز شبحلها وأبتسم : صح💘
نجيب منغاظ لين خلاص بس يتظاهر بعكس هكي: حني توا مسؤوليتنا نعطوهم اللي تعلمناه بضمير ونساعدوهم
ريما ابتسمت بإعجاب: صح❤
نجيب ردلها نفس الأبتسامه ❤
ريما مش ع ارض بكل ..عشقها لنجيب خلاها تنسى كل جرح تسبب فيه وقاعد معلم في قلبها وكأنها تعيش كل شي من البدايه أول ماتعرفت عليه
"مرحبا"
..سرعان مارجعت لأرض الواقع الجاذبيه اللي فقدتها للحظات رجعتلها في لحظه خلتها تنزل من السما وتسقط لسابع أرض
:شو رأيك بالمفاجاءة
هو انطمس مرة وحده معاش قدر ينطق
شافت لارا لريما وعز
لارا: صباح الخير
عز بتعجب مع رفعة حاجب شبحلها وشبح لنجيب: صباح الخير
وريما استجمعت قوتها وبلامبالاة مصطنعه: صباح الخير وابتسمت
لارا: اتفقنا نلتقي بس انا قلت فاجئك وشدت إيده
عز شاف لقطة وشبح لريما لقاها تشبح بعيون مدمعات
عز: هي حني نستأذنو هيا ريما
ريما : هيا
مشوا هما الزوز ونجيب اللي تجمد تماما تبعهم بعيونه بعدين بغضب التفت للارا وبهمس: شن جابك هني
لارا بحده وبنفس الهمس: شكلك ماصدقت تخلص مني
نجيب: أنتي اللي اخترتي
لارا: انا ماأخترت انا خيرتك
نجيب: وأني مايخيرني حد
لارا ضحكت بأستهزاء: حللو، بس حط ببالك ياحضرة المهندس مارح فرط فيك ولااسمحلك تتركني بمزاجك ،،انا موش ريما
شد نجيب ايدها بقوة ووجعها: ولاعمرك حتكوني وطلق إيدها ومشي طوول
لارا قعدت تشبحله بحقد وعيونها تعبوا دموع: مارح خليك لغيري يانجيب مارح سلم فيك
وولفت وطلعت...
***
اني نبي نفهم علاش معصبه هكي في وحده تزعل لما اللي تحبه يخطبها
اريج : مازال ياضرار مازال وبعدين كيف ادير حركه زي هادي بدون ماترجعلي
ضرار: لأني لوقلتلك حتقولي لا
اريج لفت وجهها عنه وهي معصبه
ضرار بجديه: اريج انتي تبيني ولالا؟
اريج تلقائيا : ومانبيش غيرك
ضرار بتعجب: باهي وين المشكله لو خطبتك توا ولابعد سنتين !!؟يااريج افهمي اني مش صغير نبي تزوج نبي ندير صغار نربيهم وأني بصحتي
اريج شبحتله بتساؤل:خيرك تحسس فيا أنك من جيل بابا
ضرار : لو عطلنا في الزواج بعد 5 سنين حنولي جنبك زي بوك
اريج : والله ياضرار مايبان عليك بكل ،،هذا غير إنك تهبل وأصغر مني يتمنوك
ضرار بيأس: مش فاهمتني ياأريج
اريج : فهمني
ضرار تنهد وقدملها وبهدوء : اريج حبيبي بيني وبينك 15سنه اشر بإيده 🖐تلاته مرات ،،يعني لو ماتزوجتش بكري امتى نلحق نربي صغاري ويكبروا معاي ولالما يوصلوا للعشرين سنه تلقي روحك حاصله فيهم بروحك وتندمي ع أنك خديتيني
اريج انفجرت ضحك
ضرار : مليح زيدي اضحكي 😒
اريج : والله تفكيرك غريب، لأنك ماتعرفش مكانك في قلبي تتكلم هكي والله لين شعرك يصفيه الشيب وظهرت يتقوس وسنونك يطيحوا ووجهك يتكرمش حنقعد "نحبك بنفس الدرجه وممكن اكبر وحنربوا صغارنا ونكبروهم مع بعض ،ضحكت،وصحابات بناتنا مش حيصدقوا أنك بوهم وحيطبسوا فيك واني حنحرم عليهم خشوش الحوش نقطع علاقتهم بيهم
ضرار وهو يتأمل فيها وهي تحكي: اريج من الاخير اني مش قادر نصبر عليك
اريج تحشمت وسخنت مع بعضها: ضرااااار
ضرار قعد يضحك : والله نقلي ع وجهك دحيه اطيب 😂
اريج تغير في الموضوع: المهم توا بابا حيرد عليك ويقولك ماعندناش مانع لكن أي شي رسمي بعد تكمل
ضرار: وأنتي ليا يعني اللي يخطب يقولوله معليشي عاطيين فيها كلمه؟
اريج: إيييييه مالاشنو
ضرار تنهد : آاااااااه يارب الصبر
اريج : الصبر باهي
ضرار : تي باهي باهي تو يبانلك
اريج :😳
ضرار يضحك وبعدين قال: بنسافر غدوة
اريج : وين
ضرار : ل(*****)
اريج : وأمتي تروح
ضرار حط ايده في جيبه وشبح فوق : مش معروف اسبوع اسبوعين شهر
اريج بزعل : تمشي وتجي بالسلامه
ضرار قعد يشبحلها: ومرات مانكلكمش هلبه
اريج : علاش
ضرار : حنكون مشغول اغلب الوقت
اريج ودموعها في عيونها: ربي يعاونك
ضرار قدم وشد إيدها وحطها ع قلبه : هذا اللي تسمع فيه يدق بقوة بنخليه عندك
اريج بعيون مدمعه : في الحفظ والصون
ضرار: نحبك ونموت فيك ومن غيرك ياحد الزين
اريج جبدت إيدها : هي خلاص بنمشي عندي محاضرة ولفت ومشت ودموعها بدوا ينزلوا
ضرار: "يارب ماطالب منك شي غيرها "..
****
يتبع .....
#GomanFared
