الحلقة( 115)الاخيرة
(القسم الثالث والاخير)
الوفاة ..تأثرت أمينه..وقالتلها بري وصغارك ماتخمميش فيهم
جمانه : مش حنعطل ساعه ونولوا...
امينه: ماتفكريش في شي ياماما..
جمانه باست ع راس امها وركبت لدارها غيرت حوايجها ولبست ملايتها وشبحت لصغارها هلبه بعدين باستهم وشمتهم...وهي طالعه شبحت خاتم سليمان ع الزيانه لبساته وكان واسع ع صبعها هلبه لبست فوقه القوانتي وطلعت..نزلت لقت اصيل يستنى فيها برا ركبت وانطلقوا..
: هادي فرصتي
:في معاها حد تاني
: مش مهم تاري لازم نخلصه اليوم معاش في وقت..
...
خش لدراه وبدي يلم في حوايجه جبد تليفونها من قجر ..لقي مكالمات ولقي رسالتين قري الأولى
(نبيك ضروري )
والتانيه فتحها وقراها قلبه كان ينفطر وهو يحس بيها قداش متألمه وهي تكتب فيها وأكيد كانت تبكي "اليوم حتكوني معاي ونزعل منك براحتي وترضيني براحتك نعشقك "
كمل وناض ..طلع
...
قطع اصيل مسافه وكيف طلع من طرابلس خش في طريق سفرتح فاضيه...اصيل كان مركزع سيارة ماشيه وراهم مافارقتهمش بكل ..ماباش يحسس جمانه بشي..
: الطرق هادي يطلعوا منها الشاحنات
: وهو المطلوب...وبدي يتحرك بالسيارة بطريقه يضايقهم بيها ..
جمانه : هذا خيره
اصيل وهو يشبح من المرايه : مادوريش ..
قرب اكثر وقعد يضايق فيهم اكثر...
اصيل يشبح وساكت
جمانه : شن يبي هدا ..
اصيل كان يشوف ويتفادي فيه ..زاد في المضايقه وحف السياره ووخر..
جمانه بخوف شديد : اللهم اكفنا اياهم بماشئت وكيفما شئت
كانت في طانطا جايه من بعيده شافوها الملتمين الزوز وشافوها اصيل وجمانه ..بدوا يضايقوا فيهم بشكل اكبر
اصيل كان يحاول يتماسك ويقاوم ع قد مايقدر..وجمانه اللي كانت ميته خوف مافترش لسانها من الذكر والدعاء والقرآن ..
قربت الطانطا..واللي وراهم خلاهم محصورين بطريقه لامفر فيها من مصير اسود محتوم ...
اصيل في لحظه : جمانه شدي حيلك
جمانه: لاحول ولاقوة إلا بالله ..اللهم اني استودعك عمر وعلي مايضيعوش من بعدي وانت وليهم ياالله...
في لحظه انتهي كل شي في لمح البصر...
...
الساعه 9:30 الصبح
خشوا يجروا ...فرج ونجيب وعلامات الصدمه الممزوجه بالخوف ع وجوههم وصلوا في الإستعلامات...
نجيب : جابولكم توا اتنين دارو حادث
الموظفه: ايه من ربع ساعه ..حاله في غيبوبه والتانيه حالة وفاة.....💔
...
بتمشي تجيبها
سليمان بإبتسامه : ايه
فتحيه : برغم اني حاسه ان في شي بيناتكم لكن مابتش نكلمك وقتها وتوا نقولك..مرتك مافيش منها ياولدي ..رد بالك تخسرها ياولدي رد بالك
سليمان ابتسم وباس راسها ع خشة عمران ..
عمران : حتى اني عندي علم والباين انت حكمت وحكمك لأول مرة يكون ظالم
سليمان شبحله بإستغراب
عمران : اللي عاودلي كلامك انت ومرتك خوك ضو منه هو عرفت بسفرتك وباللي مدرقه علينا ..
فتحيه : قصدك هو يحساب جمانه هي اللي قالتلك
عمران : ايه ولااني غالط ياشيخ
سليمان كان مصدوم ع الآخر ..كيف جاه يوم وظلم مخلوق ..اقرب الناس ليه وأحبهم لقلبه..عذبها جفاها بكاها ع الفاضي بدل مايعاقبها كان لازم يعاقب روحه ..بس الظالم اللي يعاقبه الله ..الله اللي يعاقب الظالم..سليمان قلبه انقبض ..خدى طاسه اميه بيشربها رن تليفونه حول الطاسه شاف الرقم قلبه قعد يرجف رد..
سليمان بخوف شديد: السلام عليكم...........................
صوت كسر الطاسه كان يشبه لصوت كسره هو ايه هو اللي انكسر...كيف طلع يجري مش عارف...كيف ركب للسيارة مش عارف...كيف ساقها...كيف وصل بيها للمستشفى مش عارف..
خش يمشي بخطوات ثقيله خايفه سأل ع تلاجة الموتى..دلوه ..مشي معاه واحد..ولما وصلوا فتحله درج الثلاجه وهو قعد واقف في الباب ويقول في نفسه"الهي ماتختبرنيش بيها يالله اتوسل إليك ماتختبرنيش بيها متعاقبنيش فيها "
:تفضل هادي الجثه ليها ساعتين في الثلاجه ..
قدم وهو يجر في رجليه جر ..كانهم يجروا فيه لحكم الإعدام ..وقف ع الجثه لما شافها انهار .....
****
24\2\2019
لااااااا مش معقوله هكي مش معقوله
: هادي ماما كشفتنا يابنتي حي ع بوك حي...
زينب وهي تحرك في باكو العصير: معقوله هكي ابوبكر..المشكله تم معاش عندي غيره
ابوبكر يتظاهر بالصدمه: حقا ..باه مادامك عارفه روحك خلاص كملتيه علاش ماقلتليش نجيب غيره
زينب برفعة حاجب: اني اللي كملته صار
ابوبكر: ياسلم بنياتي اني ايه يابابا ماما شريره
زينب بتذمر: والله مايجي عصيري كملته شاميتي كليت نصها شكلاطي كل يوم تنقص طرفين..
ابوبكر: والحلوه حتى هي
زينب: يااااهمي
ناض حضنها : من الأخير حاجاتك حلوة وطعمتها مميزة لهالسبب حنبدا ناكل زيك وخلاص
زينب بخجل: احسن حل
قرب بيبوسها ..بنتهم دارت صوت تزرييك عالي ..
ابوبكر شبح لبنته: مااتفقناش هكي حني ..
مشتلها زينب وقامتها وطلعت بيها من بحداه وهي تضحك
وهو يضحك"آااه ربي يخليكم ليا ياسكراتي ❤❤"
***
خدمه المعمل انسي امها..
سرور : دسكة كل يوم..حني مش مدايين بالدوي..
عماد: معاش يمشي معاي الدوي متاعك ..طلعولي قرون بناويتك
سرور: اللي يسمع يقول بناويتي بيوحي ..اسمع مش فاضيه عند مانديي سلام وصكرت
عماد:🤤..😲 تي تعالي هني يافرخه وين ماشيه....
***
مرت خمس سنوات منذ ذلك اليوم إلى هذا اليوم..هو ذات الشعور الذي احس بيه عندما أتي إلى هذا المكان..المكان الذي كان قد جمعنا لأول مرة هو من اجمل بقع الدنيا في نظري لأنه يحمل ذكرى لكي ..ارى عمر وعلي وقد اصطحبتهم معي لأول مرة إلى هذا المكان ..متسائلين بنظراتهم البريئه لماذا اتي بنا ابي إلى هنا،اردت اخبارهم أنهم ثمرة لحب بذوره قد زرعت في قلبي امهما وأبيهما في هذا المكان...
وقف كتيبه..بعد شاف شاب يجري ووراه شباب في جرته يضربوا فيه بالدحي وخيوط الضيي..
عمر: ابي علاش هكي يضربوا فيه ..لازم نساعدوه
سليمان بضحكه؛ هادم صحابه يلعبوا معاه..
علي : لما نكبر نلعبها عادي
سليمان: لا هادي اللعبه مش للأبطال...وانت بطل
علي ابتسم ..
عمر: ابي علاش حني هني..
سليمان: ماه المكان هذا حلو وأني نحبه ..
عمر: مش حلو ياأبي
علي : لالا حلو ابي قال حلو ..
هز عمر كتافه بالرفض وعلي شبحله بنظرة غضب..وسليمان يضحك..رن تليفون سليمان كان صامت وعمر شبح الشاشه اضوي..
عمر: ابي نقالك يرن
سليمان ضرب بإيده ع راسه : نسيته صامت ..رد طول
سليمان : السلام عليكم
: وعليكم السلام قولي وينكم لتوا ..
سليمان : ندهور اني وولادي
: والله...واني مخليني هني بروحي بين اربعه حيوط كان هما اولادك اني مرتك وحامل وفي شهري الأخير ..
سليمان: تو مش انتي قلتيلي طلعهم..
: ايه نص ساعه مش تلاته ساعات ...
سليمان : الله المستعان..
: هيا روحوا توا
سليمان سكت ويشبح لولاده وهما يشبحوله...
: سليمااااان ...آااااااه سليماااااان شكلي بنجيب خلاص...
صكر وخدي الصغار وانطلق طول للسيارة وبطريقه الحوش...
....
بعد ساعة
بنوته زي العسل ..
وعيونه لوطا: باه نقدر نشوف أمها
الممرضه: ايه تقدر ..مشي سليمان ومعاه ولاده
الممرضه التانيه : ياعليك عسسسل ياناس يجنن
الممرضه الأولى : اسكتي خيرلك ...
...
طقطق
خشوا الصغار هما الأولين ..جروا طول لحضنها
سليمان: بنتك نسختك
جمانه بضحكه: اني كان نجيبهم فريق كلهم حيطلعوا يشبهوني ..
سليمان ضحك..
عمر: ماما وين بطنك
جمانه : ههههههههه كانت فيها اختكم وطلعت
علي: يعني ولت عندي اخت ..
عمر: مش انت بروحك
سليمان وجمانه : هههههههههههههه
قعدوا الصغار يسألوا في امهم وهي تساير وترد وهو يتأمل فيها واذكر هذاكا اليوم ...
فلاش باك ..
كانوا يضايقوا في السيارة وواضح ناويين القتل
سليمان : ربي سلم ..
ضابط: السايق تصرف بحكمه وواضح انه سواق محترف طلع بالسيارة ع التراب وقدر ييتحكم فيها وخلا الطانطا تخش فيهم هما..
سليمان تنهد وسكت ..
الضابط : اني ماشي نحقق مع خوها لبين انت تشوف زوجتك..مشي المحقق ..وهو مشي للغرفه اللي راقده فيها كانت معبية اسره وكانت بيناتهم ستارات كفواصل .."مستشفى عام ..قدم ولمح اختها وطى عيونه ولماقرب من سريرها : احممم ..السلام عليكم
انسحبوا فرج وأمينه وندى..سلم عليهم ع الماشي ومشوا وهو خشلها وقف قدامها يشبحلها وقلبه يخبط بأقوى مافيه راسهل كان ملفوف بفاشه..لإنها حصلت خبطه لما السيارة خشت في التراب ..كانت تشبحله بنظرةشوق عتب حزن زعل حب..وهو كانت نظرته اسف ندم شوق عشق...
سليمان : تسمحيلي نقرب ولا لا
نزلت عيونها ودمعه نزلت منها ...
سليمان : حاضر حنطلع المهم ماتبكيش ..
جمانه بنبرة باكيه: تعالى ..
مشالها بلمح البصر قعمز مقابلها وقريب عليها شد ايدها وقعد يبوس في بأسف شديد: آسف ..أسف ياروحي أني..أسف ..اسف ياعشقي آاسف ..
جمانه : ماتتأسفش ولاتعتذر اني مسامحتك قلبي مايعرفش غير يحبك وبس يحبك ويموت عليك اما يزعل منك فمستحيل ..كلامها خلاه يفقد صوابه للحظات انهال بالقبل علي وجهها كله راسها عيونها خدودها خشمها...واخيرا..بوسه طويله مش مستعد ينهيها ابدا يبعد بش ياخدوا النفس ويرجع من جديد .
جمانه: أاه راسي
سليمان وهو قاعد شاد وجهها بكفوفها: شن تحسي..
جمانه : صداع ودوخه..
سليمان حنطلعك من هني لمكان احسن ..المهم توا راضيه حوريتي ..
جمانه: حوريتك تحبك وتموت في حبك بس
سليمان بضحكه: اني لو طولت هني حندير فضيحه ...
جمانه: هههههههه
سليمان: نجيلي هالضحكه وصاحبتها ..باسها وطلع..
..
اللي نجى اصيل وجمانه من الموت المحقق هو المعروف اللي صنعوه في حياة هلبه ناس وع الأغلب فك الكربه للأبله خديجه وادخال السرور ع قلب اليتيم كان هما المعروفين اللي وقاهم مصارع السوء
اصيل وهو يسوق كان يدعي في نفسه"أسألك يالله بكل عمل صالح عملته كان خالصا لوجهك انك تنجني وأختي" وربما هالدعاء ايضا بالمختصر..احفظ الله يحفظك...
محمود هو الشخص اللي خطط للأنتقام من سليمان لإنه كان يشوف فيه سبب موت أمه بعد خروجه من السجن بواسطه من احد المساجين اللي ليهم معارف ثقال في البلاد مشي للشرق ...وانضم لداعش..وكان حاط سليمان في راسه ووصله وكان ناوي ينتقم منه في زوجته...بش يعيشه طول عمره يذوق في عذاب الفراق...لكن ربي خداه وريح سليمان منه نهائيا ومع هذا سليمان توجع عليه هلبه...
***
بعد شهر في حوازة الحاج فرج ..
كانوا معزومين عيلة الحاج عمران فتحيه وسلمى وراجلها ..ومعاهم عيله ناصر وباسط كانت شبه زرده
اريج : ووواك معز خود ولد عليا غادي قريب يقتل اخته
معز: هههههههه ناغر منها..هيا تعالى ضرار بابا تعالى شد في ايده ومشوا ...وهي خدت بنتها في غمرها ومشت لريما اللي كانت تتكلم مكالمه فيديوماسنجر..
اريج : فرخخخه ندي
ندى: تحشمي ع وجهك يادبه راني مراه متزوجه توا
اريج: هههههه مصدقه عمرك يابقه
ندى بهمس: كنان يسمع فيك ياحمارة
ربما واريج : ههههههههههه
ناضت ندى: شوفوا
اريج : يااااروحي تهبلي زي البريمس..
ريما ضربتها وقعدت تضحك..
ندى : بالله نوضي اقلبي وجهك عجبك منظرك يابتيه ..
اريج : بتيه عينك..ناغت بنت اريج
ندى: حليلي من البنيات مريوة باي حبيبة خالتوا..دارتلها باي
ندى ضحكت: وين جمونه
ريما: مختفيه من بكري ..
اريج : هي وابو عمر اشبح وين ماشيين يتصيعوا
ريما : تحشمي يامراه
ندى: اني بنسكر هادي لسانها فلت ع اخر سكرت ندى
ريما: كان شديتي لسانك كنان بحداها
اريج بضحكه: نسيته بكل..جت لريما رساله صورة فتحتها
ريما : حلاتها تهبل ..
اريج: ايه استاحشتهم ...عبدو ربي يهديه مايجي إلا بالسيف..لكن امتى تجيب ملاك حنمشيله ..شكلها حامل ببنوته لأنها محلوه
ريما : مش شرط..هو اني لما جبت اويس كنت محلوة ..
اريج : هما هكي يقولوا....
....
ورداتك..
جمانه : اممم ماشاء الله قدمت تشم فيهم
سليمان : معاش عرفت منوا الورد فيكم
جمانه ضحكت ..
سليمان : عمممممر..علييييي تعالوا جاي ...
نعيم : ماتخااااافش حنييييي معاهم ...
سليمان : رد بااالك..
جمانت واقفه ورا سليمان : ماتخافش عليهم ..
سليمان التفتلها: رتيل راقده
جمانه : بطلوع الروح...
سليمان : ههههههههههه...
سلمى : وأخيرا لقيتكم ياعصافير الحب ...يللا اشبحولي
قولوا عترييييس ...
جمانه وسليمان : ههههههههههههه وهي خدتلهم صورة...
....
جي رمضان وجمانه وسليمان مشوا للعمرة..برغم الحرب اللي قاعده ادمر في العاصمه اللي باديه من شهرين مشوا لمكه حاملين معاهم أماني وأدعيه ...
هما واقفين قدام الكعبه ويدعوا في نفوسهم..
سليمان"اللهم اخمد نار الفتنه في بلادي واصلح ذات البين والف بين القلوب واصلح الحال يامن علي كل شي قدير..احفظلي كل نعمة رزقتني اياها وباركلي فيها ربي ادخلني برحمتك في عبادك الصالحين"
جمانه"لك الحمد إن وهبتي زوج وذريه وجعلتهم لي قرة عين احفظهم ياالله ولاتريني فيهم بأسا..اصلح حال ليبيا واطفئ نار هالحرب ورد الناس النازحه لحياشهم يااارب العالمين
ربي ادخلني برحمتك في عبادك الصالحين"..🌹🌹🌹❤
.....
كتبت هالروايه والحرب رحاها ادور بالقرب من مكان سكني تعودت ع صوت المدافع والصواريخ نكتب في الأجزاء وأني مقعمزه في الجنان وبكل برود لأني تعودت ...برغم كل شي قاعد يصير إلا إن الأمل في الله كبير إن بعد سواد الليل حيطلع الفجر لامحاله....
..كل ماسردته في الروايه هو من وحي الخيال حتى وأن لامس الواقع ولو بشي بسيط..نتمنى إن افدت بيها وسليتكم ونسيتكم اوجاع وأحزان ..وطلعتكم من جونا الكئيب في هالبلاد🌸
إن اصبت فمن الله ..وإن اخطئت فمن نفسي والشيطان
رواية...♡عقد الحب الفريد♡
بقلمي انا....جمان فريد...
تحياتي ....وإلى اللقاء في روايه أخرى إن شاء الله
#GomanFared
