الحلقة(10)
يوم جديد
صبح جديد
ماطلعتش فيه الشمس كانت السمي مغطيه بالغيوم الجو بارد وكان الباين حتنزل المطر ،،بالنسبه ليها هالمنظر ليها راحه نفسيه ❤ع عكس هلبه ناس تشوف فيه كآبه
جمانه ياجمانه خشي ،،خشت جمانه بعد نادتها أمها
أمينه: تعالي أفطري عندك محاضرة التمانيه وقت عليك
جمانه: حاضر هي
أمينه جبدت الكتاب من ندى اللي كانت تقرا بدل ماتاكل وقالتلها : افطررري
ندى: ليش ياماما بالله عليك الكتاب شويه حاسه المعلومات طارت
جمانه ضحكت: هي حطير لو تقعدي متوتره هكي
خش نجيب: افطري وأسكتي
سكتت ندى وقعدت تاكل وهي بتبكي
نجيب : صباح الخير
جمانه وأمها : صباح النور
جمانه تشبحله
أمينه: هاك فطورك ولدي
نجيب: تسلم إيديك أمي ❤
جمانه قاعده تشبحله قام عيونه لقاها تشبحله
نجيب هز راسه بمعنى خيرك
جمانه أبتسمت وهزت راسها بمعنى شي
نجيب ردلها الإبتسامه وكمل ماكلته
أصيل : صباح الفل ع الناس الكل
كلهم : صباح الخير
أمينه : صباحك مبروك وعدوك مهلوك وليدي تعال أفطر
أصيل : لاوالله مافيها كيف بنخطم ع الولد وبنرفعه معاي
امينه: تعالى كول حويجه وأطلع
أصيل يلبس في سبيدروه لحقاته أمه ببريوشه بالشكلاطه وقالتله كولها في الطريقه
أصيل أبتسم خداه منها وباس راسها وطلع وهي ولت للكوجينه
ندى: والله هالدلع حتى مصماصة الكرشه ماحصلاته 😒
جمانه: بدينا بالغيرة😁
امينه : هو مايحبش يفطر وديما يطلع من غير فطور
نجيب: مافيش داعي تبرري ياأمي غير هادي تخفف في دمها ع الصبح
ندى:😑😑😑😑😑
خشت أريج : صباح الخير
كلهم:😰😰😰😰😰😰😰
أريج قعمزت ع الكرسي
شبحتلهم كيف يشوفولها : ماما وين فطوري
امينه: شنو تغييرات جديده
أريج: إيه شن رايك مامي حلو ولا 😉
ندى: شنو جد عليك
أريج: نبي نتحجب
جمانه: مبارك ياقلبي وإن شاء الله للأحسن
أريج أبتسمتلها إبتسامه صفرا ☺
جت عينها في عين نجيب وطت عيونها طول وهو ناض نجيب: هيا امي ماتبي شي
امينه: سلامتك وليدي ربي يفتح في وجهك أبواب خيره
نجيب أبتسم وطلع لحقانه جمانه
جمانه: نجيب نجيب أستنى
نجيب: خيرك
جمانه: نوجي توصلني في طريقك
نجيب حك خشمه وضحك وقاللها : نوجي بغبرتها
ضحكت جمانه: باه شنو
نجيب : خيرها سيارتك
جمانه: ماخيرها شي غير ماخاطريش نسوق اليوم نبي نتأمل الجو بس 💓
نجيب ابتسم وحط إيده ع راسها وشفشفلها شعرها :عندك 5دقايق تفوتيهم بنفوتك
طارت جمانه توتي في روحها وهو طلع للسياره
في المطبخ
ندى: قصدي إنتي حاطه الوشاح حطان ونص شعرك برا ره هذا مش حجاب
أريج شبحتلها ع جنب: بتدريج يامتخلفه
ندى: 😏😏😏😏
أمينه : هيا إنتي وياها كملوا فطوركم وتسقدوا يللا
***********
خطم حفني شيع عيونه فيا سلمت مارد السلام عليا
هذا كان صوت الراديو في شقة الشباب صحاب الشيخ وهما يفطروا
عماد: ماعنديش نيه اليوم نطلع
وائل: إيه بش يلزوك من الخدمه وانت ماحصلتها لين كويت عند جازيه العورة
عماد:خيرك بديت تدوي زي حناي هنيه الله يرحمها
وأئل: 😑
قاسم : 😂😂😂😂
قاسم : زعم سليمان في الحوش
وائل: لالا يقعد في الجامع لين تطلع الشمس وبعدين يتسقد للكليه
قاسم : عنده كل يوم
عماد: تلاته أيام الأحد والثلات والخميس
قاسم: انا مروح الثلات بكرا معزوم عند وليد صاحبي هنا قبل نبي نقمعز معاه ونشاوخوا لكن الباين مافيهاش كيف
عماد: ياراجل لهجتكم عسسسل
وائل: لكنتكم مش لهجتكم
عماد: إيييح كنا في واحد صبحنا في 2
قاسم ووائل:😂😂😂
عماد: باهي من هو صاحبك اللي هني غيرنا
قاسم : وليد تعرفت عليه لما طلعت اخر رزدة أسبوع قبل اللي فات
عماد : اها
***********
جمانه حطها نجيب ومشي ولقت منيره قدام الباب سلموا ع بعض سلام البنات المعروف اربعه بوسات يمينا ويسارا بالتبادل😂😂
جمانه: السلام عليكم صباح الخير منو
منيره: صباح الحب ياحبي
جمانه: خيرك العفو😂😂😂
منيره: نقولك وعليا الأمان
جمانه: قولي
منيرة: خوك نجيب ياكبدي هذا شنو يطيح الزرزور من فوق السور زي مايقولوا التوانسه
جمانه: ههههههههه وكان يسمعك عز الدين "خطيبها"حيييه عليك
منيره: شن بندير مافيهاش كيف خوك حاجه ماحصلتش
جمانه: به اسكتي تماديتي راك😒
منيرة: 😂😂😂
جمانه: وين رويدا
منيرة: قالت حتخش المحاضرة في نصها خوها عطل في النوضه
جمانه : أها
*********
الساعه 10صباحا
ابراهيم : انه النفخ محاضره كله دششش وخلاص
سليمان: اسلوبه هو السبب مفروض يناقش ماده زي هادي تبي فهم
ابراهيم: والله ياشيخ مأساة نستغرب من الأجانب اللي يجوا يقروا عندنا في الدين
سليمان: مش لهالدرجه في أساتذه ماشاء الله وعطاءهم ممتاز وعندهم علم
ابراهيم: ايه لكن مش هلبه
سليمان: في هلبه غير انت خاش الكليه غصب عنك
ابراهيم: فاهمني 😆
سليمان ضحك
ابراهيم: شنو اليوم ع افرنجي
سليمان: ايه الجو بدي يصقع
ابراهيم: وحق الله انت الصقع العيون عليك من بكري
سليمان 😑😑باه امشي وأنت ساكت وغض بصرك
ابراهيم: 😂😂😂
سليمان : وين عمر
ابراهيم: ماقلتلكش
سليمان : لا
ابراهيم : عمر حينحبس
سليمان انصدم ووقف : شنو 🤤
ابراهيم: مسكين الراجل وشكله رايح فيها مؤبد .
سليمان: شنو تقول انت؟!!تتكلم بجديات!!
ابراهيم: والله زي مانحكيلك الفال لينا إن شاء الله
سليمان : شنو تفتفت
ابراهيم 😂😂😂 قصدي بيخطب ياراجل
سليمان بحركه تلقائيه ضربه عنفقه : والله ماتتحشم
إبراهيم : هذا شنو ياشيخ ايدك سخطه 😣
سليمان: تستاهل اكثر،اللي يستظرفوا هذا جزائهم 😂
كملوا طريقهم وهما يهدرزوا في موضوع زواج عمر وكيف صار بالزبط
أما في كليه القانون
سوسن فرحانه بقرار أريج ومستغربه في نفس الوقت
أريج: يابنتي واااك خيرك نبي نتحجب هذا هو
سوسن: غير قولي بالك انخطبتي من وراي
أريج: مصح وجهك وعلاش ننخطب وراك إنتي أول من حيعرف لو صار ياحبي 😚😚
سوسن : تسلميلي 😍😍
اريج وهما يمشوا لمحت إعلان وقربت منه
سوسن: فكينا من النفخ
أريج: المحاضرة مهمه ياغبيه
سوسن : في شنو مهمه بنديروا منها إمتحان 😑
أريج: ياحمارة لازم تثقفي في مجالك ماتعتمديش ع كتب القرايه بس
اريج تقرا في الأعلان : في كلية الزراعه والساعه 12ماعندنا شي مليح بكل
سوسن: ترا مو حيعطيها؛ تقرا في الأسم
ضرار عبد الحفيظ أستاذ في القانون الدولي ،،كثروا الجماعه هادم بعد 2011
اريج: غير همابس اللي كثروا خليني ساكته
سوسن : صدقتي ،،شنو خلاص حتحضريها؟
اريج: يب يب ☺
سوسن : به😧
**********
في كليه العلوم منيرة ورويدا يشوفوا في جدول الإمتحانات
وجمانه واقفه بعيد عليهم مع دكتورة في مادة عندها
جي واحد وقف ع منيرة ورويدا
: طلاب علم
شبحوله
منيرة ورويدا : 😍😍ممااالك
مالك:😂😂😂قاعدات مختشات
منيرة :حمد الله ع سلامه امتي روحت
مالك: من اسبوع قريب
رويدا : الحمد لله ع السلامه نورت ليبيا
مالك :منوره بناسها 😀
منيره: قصدك بمولداتها 😂😂
مالك: ايه وصلتني الأخبار 😂😂
رويدا: ومازال الخير جاي🤣🤣
مالك: قاعده طحلوبه شكلك
رويدا : وأفتخر 😏
مالك ومنيره : 😂😂😂
مالك: مالا وينها
رويدا وجهها تغير 😔
منيرة : جمانه؟؟
مالك: منو غيرها
منيره: هونها واقفه غادي
مالك قعد يشوف لقي وحده مختمرة واقفه تناقش في دكتورة
مالك : لبساته❤
منيرة : بعد ماانت سافرت بيومين
مالك:💖💖💖💖
رويدا : اسمع رد بالك تسلم عليها خلاص ره حتى الدكاترة ماتكلمش فيهم إلا للضرورة القسوى
مالك: عارف مادام لبست الخمار سلمولي عليها هي نستأذنكم
مالك مالك
مالك قلبه يطق بالقوة 💓💓💓وألتفت
جمانه : الحمد لله ع سلامتك هكي بتمشي ماتراجيش تسلم عليا ؟؟
مالك: لاوالله مش هكي 💓بس لقيتك مش فاضيه
منيره: حني قلناله فوتها مرات ماتسلمش عليك
جمانه: عاد مش لهدرجه صاحب الفضل عليا في اللي اني فيه من بعد الله هو
مالك: هيا كلمه بسيطه ومش قاصدها
جمانه: قاصدها اولا المهم توا عايشه في جنه بسببها الله يجازيك عني خير الجزاء
مالك : بارك الله فيك😍
رويدا : هيا المحاضره
مالك: باه هاني ماشي وإنتي تلزي 😁هي نستأذنكم السلام عليكم
البنات : وعليكم السلام
رويدا: ماتوقعتش تسلمي عليه ؟!
جمانه: عنده جميل في رقبتي 😊
منيره:بيخش الدكتور
خشوا يجروا للقاعه..
