الحلقة(32)
فاتوا أيام بساعاتهم ودقايقهم وثوانيهم
جمانه بدت تراسل في سليمان شبه يوميا وكلامهم كله حول مواضيع عامه بس طبعا سليمان خلا جمانه تراسله ع حساب الشخصي بعد نبهه وائل إن ممكن اللي يحاربوا في صفحة "صوت الحق "يهكروا الصفحه ويطلعوا المحادثات ويزيدوا عليها للتشويه ،جمانه عرفت اسمه لكن هو مازال ماعرفش اومايبيش يعرف وهي كانت متحفظه ع حكايه الإسم
أريج علاقتها بضرار كل يوم تقوى برغم إنها متعباته لكنه حبها بجنون مايقدرش يصبر عليها وهي تعلقت بيه لين خلاص
نجيب وضعه متقلب مع لارا مرة يهتم بيها ومرة يتجاهلها وهي صابرة عليه وتساير فيه..
اما ريما فقوت علاقتها بعز العرب وولوا أصدقاء بس ماتعرفش إن عز العرب "يحبها"
ندى وقاسم زي ماهما لاجديد الإتنين متحفظين ويحاولوا يخفوا مشاعرهم ورا مسمى الصداقه
ومافيش أحلى من عبدو وملاك عسل في عسل وأمورهم في السليم وملاك توتي للعرس ع قدم وساق
عبدو: حلو هلبه
ملاك : بجديات عجبك
عبدو بحب: حاجه أنتي أخترتيها ماتبيهاش تعجبني
ملاك: سلمهولي 😚
عبدو: 😂
****
ندى: ماتملش
أصيل: انتي اللي مولية مسمومه الأيام هادي
ندى: لامسمومه لاشي طلع صاحبتي من راسك
أصيل تنهد: شن تشبحي فيا واحد ملاعب ولاضاحك ع بنات الناس من قبل ولابالك سامعه عليا شي غلط
ندى: حاشاك لكن ياأصيل هويدا مازال صغيرة وعندها طموحات للقدام أني وياها مخططين نقروا بشري وتعرف قداش يبي سنه وعندنا هلبه خطط مش بيناتهم الزواج
اصيل بتهكم: شنو بتترهبنوا مالا
ندى: نحققوا ذاتنا وبعدين نفكروا فيه
اصيل ضحك: يعني الوحده ماتقدرش تحقق ذاتها وهي متزوجه
ندى بسخريه: مالا أنتم بتوقفوا مع نساوينكم بش يحققوا احلامهم تي انتم مجرد تاخدوا المرأة من هني تقتلوا فيها شعور حب الحياة تخلوها عايشه من قلة الموت
أصيل:😲
ندى: هذا الحق
اصيل : تعرفي كيف أني بنكلمها بروحي ويصير اللي يصير
رن تليفونه أريج ملوحه عيونها ع الشاشه لقت قاسم يتصل بك
اصيل: هي بري ديري القهوة اللي قتلك عليها الراجل جايني
ندى: حاااااضر😍 وطارت للمطبخ
أصيل: هادي خيرها😕
***
اريج: لا
ضرار: علاش
اريج: هكي
ضرار: شن هو اللي هكي ؟!
اريج: هكي
ضرار بقلة صبر: نعرفك غدوة غادي ماتجيش ياويلك
اريج بغضب: مانيش جايه يعني مانيش جايه وصكرت الخط والتليفون مرة وحده "تو نوريه كيف يخلي العنزة مها تنظمله محاضراته😡"
عند ضرار
مروة: خيرك
ضرار تنهد: تعبتني
مروة: انت من الأول تعرف إنها صغيرة والباين أنها دلوعه وواخدة ع الدلال بتتحمل
ضرار: والله شبيتلي باقي شعري قعدت نصبغ وخلاص
مروة بضحكه: ماقالك حد حب
ضرار : علاش هو بأيدينا نحبوا ولالا
مروة: تعرف خايفه منك تسيبها
ضرار: كان درتها معناها اني ميت هادي الحاله الوحيده اللي نسيبها فيها
مروة ابتسمت: بعيد السو عليك ❤
***
جي اليوم اللي بعده أصيل كان يوتي في روحه ماشي لزرده في الجبل ومعاه نفس القروب ومنهم قاسم ندى دارتلهم كيكه بالشكلاطه وحطتها في حافظه ودارت معاها كعك ملون
اصيل: والله ماليه لزوم 🤣
ندى: مبردك ماتتسهوكش كولوه في الطريق
اصيل : باهي ياستي بارك الله فيك 😁
جمانه : اصيل نسمع في كلاكسات
اصيل : هادوا الجماعه هي هوينا
جمانه : استودعكم الله الذي لاضيع ودائعه
وطالع لقي أمه في الجنان مشي باس أيدها
اصيل : هي بالسلامه ياست الكل
أمينه: رد بالك ع روحك
اصيل : حاااضر فتح الباب
أصيل قام راسه فوق شاف أريج مطلعه راسها من الروشن وتأشر بإيدها 🖐
اصيل بعتلها بوسه طايرة😚وطلع
***
نجيب يكلم في لارا
نجيب بعصبيه: الفترة هادي موليه منكده
لارا تبكي: انا هلأ صارت نكديه وانت ليش مابتطلع ع حالك عم تعاملني بمزاجيه يوم منيح ويوم سيء يوم بحسك بتحبني ويوم وكأنك مابتعرفني
نجيب بغضب: إنتي انانيه وماتقدريش تشبحي في ضغط الخدمه والوضع الصعب وتفكري في أمور تافهه
لارا : حبنا صار أمور تافهه لاوكمان طلعت أنانيه ومابقدر وأني صارلي شهر عم بتحملك واتحمل معاملتك السيئة،،ولاكأني بني آاادم لحم ودم بحس مطلوب مني كون متل مابدوا نجيب بيك يوم يهتم ويوم يهمل
نجيب بتهكم:هذا غير تحبيني وقلتيلي أنك حتعرفي كيف تتعاملي معاي وتتأقلمي مع طبعي !!
لارا: حاولت بس تعبت ،،
نجيب: والمعنى!
لارا : إذا بظلك هيك بفضل انوا..نترك..
نجيب: كويس بكل اعتبرينا تركنا سلام وصكر وقفل تليفونه
لارا بصدمه: ريما كيف كانت متحملتك سنتين!!؟
***
تاني يوم
في كلية القانون
سوسن : مانكش ماشيه
أريج: انلاااااا
سوسن: ع خاطره أريج
اريج بعصبيه: وهو خيره ع خاطري ماخلاش حد غيرها ينظم محاضراته !!
سوسن: يابنتي هي في اتحاد الطلبه وهما كلفوها بهالشي شنو بيدير
اريج: لاحبيبتي يقدر يدير هلبه غير هو مايبيش وعاجبه الجو
سوسن بخبث: خلاص اقعدي ع عنادك واخليلها الساحه 😒
اريج خافت فكرت وبعدين قالت: هيا نوضي
سوسن : وين
اريج: وين يعني للمحاضرة
سوسن فرحت: هيا
مش معقوله بجديات انت هههههههههه
ضرار: هو هذا لو صار غلطه في الصوت ذنبه ع جنبه قوليله
ضرار كان متكي ع حافة المسرح ومها واقفه عليه ويتكلموا ع التنظيم متاع محاضراته خلال اسبوع دورة تطوير ذات لطلبة الكليات
ضرار: من الربكه اليوم طلعت من غير ساعه
مها: مش اول مرة تحاضر
ضرار: صح لكن هالمرة في ناس مهمه حتحضر
مها : ايه
ضرار شاف لإيدها لقي ساعه بحركه عفويه جبد إيدها بش يشوف الساعه مها عجبتها الحركه حطت إيدها ع كتفه
ضرار: واقفه ساعتك !!غير مش عارفه شنو العبرة من لبست ساعه واقفه البنات بجديات مش عارف كيف تفكروا
ضحكت مها،، وهما بهالوضعيه خشت اريج وشافتهم
سوسن:😨😨😨😨
اريج قريب ماتت قعدت واقفه تشبحلهم وعيونها تعبوا دموع لقطتهم بايخه وأي حد يشوفها يفسرها غلط والمشكله إن ضرار ديما يقول لأريج أنه مايطيقش مها
"هذا غير مايطيقهاش "
طبعا هما لوطا لإنها خشت من الباب الخلفي للمسرح قعدت واقفه تبيه يشوفها
ضرار وقف ع حيله: هي بري كملي شغلك مازال نص ساعه
مها: تمام ومشت
هو قعد يدور يعيونه في المكان لين لمح اريج فرح لما شافها لكن هالفرحه مادامتش لأنها طلعت بسرعه
سوسن تجري :استني اريج وين ماشيه
اريج: بنروح
سوسن : قصدك جيتي بسيارتك
اريج ودموعها ينزلوا زي السيل : إيه
سوسن:كيف بتسوقي هكي اريج استني
وطبعا لأنهم كانوا في مسرح كلية العلوم فأريج غيرت طريقها وخشت للكليه دور في جمانه وهي تبكي
وسوسن معاها
ضرارطلع من المسرح يدور فيها: "وين مشت هادي !!الله ياخدك يامها"
جمانه كانت في قسمها
منيرة: مش هادي اختك اريج
جمانه: اريج!!
جمانه شافت لقتها اريج فعلا وصلت اريج قدامها
جمانه: اريج خيرك ليش تبكي
اريج تلقائيا ارتمت في حضن اختها: روحي بيا جمانه ارجوك
جمانه تشبح لسوسن وسوسن وطت راسها لوطا وهي مضايقه
**
طبعا حاول جهده يلقي المحاضرة ع أكمل وجه ومها تجاهلها نهائي، كمل من هني طلع وروح طول وهو في مشغول على اريج
**
اريج راقده في حضن جمانه اللي كانت تقرا عليها وامهم وندى بحداهم
أمينه: كان نعرف شن جاها
جمانه بش اطمن امها: ع القرايه محصله درجه مش كويسه وتعرفيها بنتك قداش حساسه فهالموضوع بالذات
ندى كانت حاسه إن اللي صاير لأريج ليه علاقه بضرار وكانت خايفه ع أختها
اما عند ضرار كان يتصل قريب فوق 70مكالمه واكثر من 30رساله لارد ،،تليفونها اصلا قاعد في شنطتها وملوحه في دارها
ضرار قعد يقربع ويكسر مروة طقت ع الباب
ضرار في قمه العصبية: وديني يامروة تخشي نحدفك باللي في إيدي
مروة خافت تعرف غضب خوها كيف زي البركان كان ثار يمسح اللي قدامه
***
فاتت هديكا الليله واريج راقده في دار جمانه وجمانه عند راسها رن تليفون جمانه
جمانه: السلام عليكم سوسن
سوسن : وعليكم السلام كيف حال اريج
جمانه تنهدت: راقده وكان ناضت تقعد تبكي
سوسن :😔😔😔
جمانه: خيرها اريج
سوسن : نبيك تطمني مافي شي يخوف ولو تبي تعرفي اعرفي منها هي أفضل
جمانه ابتسمت: صحيتي ياسوسن وكان ولت باهيه تو نقوللها تكلمك
سوسن : تمام تصبحي ع خير
جمانه: وإنتي من أهله
**
ضرار كان مقعمز ع الأرض ومتكي ع الحيط في داره اللي ماتنشافش من الدخان دخن 4 باكوات ورا بعض ولاكلي ولاشرب
***
الساعه 3:00 الليل
جمانه: من وانتي صغيرة غيوره بزايد وحساسه
اريج: وهالشي ماتعبني لما نحب حد او حاجه مانبيش من يقرب منهم
جمانه: مسكين هو بجديات اكيد تعب هلبه في جرتك
اريج نزلت دمعتها: مانعرفش علاش اللي نحبهم ديما نجرحهم ونندم هلبه بعدها
جمانه فهمت إنها تقصدها حتى هي: لإنك تخافي من حبك الزايد ليهم وهذا اللي صايرلك مع ضرار
اريج شبحت لجمانه : ومعاك إنتي
جمانه ابتسمت : كنتي تحبيني بس تغاري ع بابا وخوتي مني لإن يتهيألك إنهم يحبوني اكثر منك
اريج بحزن: طبعي خييي
جمانه ضحكت: بالعكس حلو وميزك بس لازم ماتخليش غيرتك وتعلقك الزايد يرجعوا عليك بسلبيه
اريج خشت في حضن جمانه: اقريلي قرآن بصوتك
جمانه ابتسمت: حاضر
***
خشت تشوف خوها قريب اختنقت من الدخان فتحت البالكونه والرواشن ولقاته راقد ع الأرض ومغطي وجهه بذارعه شبحتله هلبه بعدين طلعت وسكرت الباب..
***
الفجر أذن سليمان في الجامع يعطر فيها ويبخر فيه ويراجي المصلين يخشوا سليمان كان يساوي في المصاحف وقف عليه شخص
: السلام عليكم شيخ سليمان
سليمان قام راسه وفتح عيونه ع الآخر من المفاجأة..
**
الصبح الساعه 9:00
المطر تصب بقوة والبنات قعدوا في الحوش لأن المطر من بعد الفجر لهاللحظه ماوقفتش والشوراع غرقت
وهما يفطروا
امينه: الجو يبي رشده برمه
اريج بحماس: أني تونديرها
عبدو: حمار منوبيموت😂😂😂
كلهم :ههههههههههههه
نجيب ناض: خليك في الدحي المقلي اليوم بنروح بكري ونبي غدي سمح وماحد يعرف يدير رشدة برمه قنينه ألا مراة وحده في هالحوش "يقصد امه" ،،سلم بأيده 🖐وطلع
كلهم يشبحوا لأمهم اللي ناضت طول وخشت لدار المعيشه بش تبكي براحتها
اريج: ماتوقعتش امي تصبر ع نجيب هكي
عبدو : حتى أني ع قد ماتحبه ع قد مازعلانه منه وعليه
جمانه: ربي يهديه ..
**
طلع من تحت الدوش ولف الفوطه ع خصره طلع حوايجه ولبس
وخدي شنطه صغيرة وبدي يوتي في حوايجه
طق الباب
"خشي"
خشت مروة لقاته يوتي في شنطته
مروة: بتسافر
ضرار: ايه وتي روحك حجزت ليا اني وياك
مروة: علاش
ضرار تنهد وقرب من أخته: نبي نبعد شويه نبي نرتب نفسي واموري
مروة: وأريج؟
ضرار شبحلها وبعدين مشي لشنطته بيطلعها
"معاش في أريج"
انصدمت مروة لكن مابتش تناقشه نهائي
**
مع الظهر
اريج حولت تليفونها من الشحن خشت ع الأرقام واتصلت بيه
عند ضرار
مروة : تليفونك
ضرار: خليه
مروة تشبح في الإسم وساكته عاود مرة اتنين تلاته
مروة تشبح لضرار وهو يشرب في قهوته بهدوء
" هاتيه"
مدتله التلفون رد
ضرار بحزم : من الأخير يابنت الناس اني وياك ماننفعوش لبعض اعتبري موضوعنا منتهي معرفه خير سكر الخط وقفل تليفونه
مروة بتتكلم اشرلها بإيده تسكت فسكتت
في هالوقت جمانه ادور ع أريج خشت لدارها
"ارييييج"
يتبع .....
#GomanFared
