الحلقة(6)
نرجعوا شويه لوقت ماخش الشيخ للبلاد ووصل لمزرعة عيلته نزل من السيارة شافه واحد من اللي يخدموا في المزرعه
العامل: ياأهلاوسهلا يا 300مرحبا دي بلد نورت
الشيخ: الله يبارك فيك ياعمي حسين منورة بيك وبالناس الطيبه اللي زيك
العامل: تسلم ياشيخنا
الشيخ ضحك:ربي يحفظك
رضوان: سليمان معقووووله وجي حضن خوه بقوه اللي ليه عام ماشافه
رضوان :تي وينك ياراجل معقول هكي عام كامل والله أستاحشتك ياراجل واجد
سليمان يحضن فيه ويعاود : وأني أكثر والله
رضوان : واضح ماه عجل سيارتك ذابوا من مشيك وجيك للبلاد
سليمان: وخيركم انتم ماتجوش وتشوفوني يارضوان
ضو: سليماااان علاش جيت
رضوان شد ع يد ضو وشبحله متاع شن تقول!!
سليمان: بعد عام اول ماتشوفني هكي تستقبلني ياخوي!!!
ضو شد يد سليمان وقاله: مش هذا قصدي وأنت عارف لكن بوك هني وطايرتله منك
ع جية وليد صغير عمره 6 سنين
أكرم : عمي سليمان
سليمان: كروومه ياغالي تعالا ياحبيب عمك
تعنق أكرم عمه ورفعه فوق ويبوس فيه
: باهي اللي عرفت طريق البلاد وأذكرت إن عندك أمالي
سليمان نزل أكرم ومشي بيسلم ع بوه وبوه رفع يده بمعني اقعد في مكانك وقاله
عمران: عام كامل حتى تليفون ماتقيمه وتسأل ع بوك ولاتقول نجي نشوف بوي نستسمح منه نطلب رضاه
سليمان: كلمتك يابوي كم مرة وبعتتلك حتى ناس لما رفضت تقابلني
عمران: تجيني مرة 2و3 ونردك وتجيني أني بوك واجب عليك ادور رضاي ولاماقالولكش عليها الحاجه هادي اللي قروك الدين يااا شيخ...!
سليمان سكت
رضوان: صل ع النبي يابوي أهوا جاك وطالب رضاك ولدك هذا وماعنده أعز منك ومن أمي
عمران: جاي ع خاطر فرسه مش عخاطري ولامدورني أن شاء الله ننحرق
سليمان :بعيد السو عليك يابوي
ضو ورضوان : ربي يحفظك ياسيدي
فتحيه: سليمان ولدي
سليمان يشبح في أمه وقريب يهبل عليها مستاحشها عام كامل ماشافها علاقه سليمان بأمه قوية هلبه أكثر من خوته التانيين وهي تفضل فيه ع خوته في الحب لأن أصغر ولادها ولأسباب تانيه نعرفوها بعدين
عمران : تمشيله معاش تقعدي ع ذمتي
كلهم أنصدموا بالذات سليمان وفتحيه
: ترا ياسرك هبال وعناد أحرف شنو اللي داره ولدك بش اديرله هكي ترا
عمران: معليشي يمي بيني وبين ضرايريا
الحاجه تبرة: اسكت وماتخلينيش انطيح قيمتك قدام وولادك وبنتك ،،قلبك شنو حجر هذا ولدك قداش دار باش تسامحه لكن انت قلبك قسي عليه وبعدين علاش هذا كله في شنو غلط معاك ، لأنه وقف مع الحق لأنه مايبيكش تحط ذنب في رقبتك يولي عليك وعليهم ،،انت مفروض تفرح بيه انك ربيت راجل يخاف عليك من عقاب ربي تو كان هذا مش بر مالا شنو هو البر
كلهم ساكتين
الحاجه تبرة : اسمع ياعمران اختار يارضاي ياغضبك ع سليمان
عمران يشبح لأمه وفتحيه وسلمى يبكوا ورضوان وضو يشبحوا لبوهم وسليمان يشبح لحناه ومبتسم عمران وطى راسه لوطا والحاجه تبرة شبحة لسليمان وهزتله براسها مشي سليمان جري كب ع رجلين بوه ويبوس في كندرته نهضه بوه فوق وقعد سليمان يبوس في أيديه ظهر ووجه ويقوله سامحني يابوي سامحني وتعنقه وقاله سامحيني كله ع خاطرك يابوي باس راس بوه وبوه قاله مسامح وبرا ربي يسامحك ...
والحاجه تبرة هذاكا اليوم قررت اديرعزومة عشي والناس اللي شهدت ع خلاف سليمان وبوه يشهدوا على صلحهم
♡♡
خل نحكيلكم ع عيله سليمان "الشيخ"شويه
بوه عمران راجل ربي فاتح عليه في رزقه أراضي محلات في البلاد وأراضي ومحلات و عمارات في طرابلس هذا غير المزارع اللي عنده في طرابلس وبراها من جد جده في العز والخير وعنده علاقات ديمابالناس اللي عنده نفوذقبل أوبعد 2011راجل ماكر ويعرف كيف يخدم مصالحه
أمه فتحيه تزوجها عمران وعمرها 15كانت جميله لدرجه كبيره قد وبيوضيه وشعر طويل لفخدها زي الذهب لونه وعيونها حور وعسليه عمران برغم قسوته عشقها ودار هلبه ع خاطرها بش خداها لأن بوه برغم علاقتها الكويسه ببوها لكن كان رافض يزوج ولده وحده فيها عروق طليانيه لأن بوه فتحيه أمه طليانيه تزوجت ليبي وعاشت معاه في ليبيا
ولإن عمران كان الولد الوحيد ع 7بنات بوه رضخ لطلبه وخطبله فتحيه ،هي مراة طيبه بس فيها شويه وعاره متعلقه بصغارها وتغار عليهم بالذات سليمان اللي كان فيه شبه كبير من بوها
خوته 5 ضو الكبير متزوج وعنده بنتين ولد اسمه أكرم جاه بعد شوووق وعلاجات وحاله
بعده رضوان متزوج وعنده توأم ولاد ومرته قعدت بعد تحمل وترمي مسكينه لين هو قرر يلغي فكرة الأنجاب من راسه ولإنه يحب مرته ماباش ياخد عليها قد مادارو فيه
بعده رمزي متزوج من سنه ومعنداش صغار
وبعده خوه لافي متوفي بحادث من 3سنين
وسليمان بعد لافي
وبعدهم سلمى أخر العنقود والبنت الوحيده متزوجه ليها3شهور يعني عروسه وبوها يموت فيها
طبعا أهل سليمان كانوا عايشين في طرابلس من 2006 بس بعد 2011 كلهم ولوا للبلاد وطبعا أهله من الناس المحايده في الثورة
********
سلملي عليه ،،روح وسلملي عليه ،،قلوا مشتاقه ليه
هو اللي مافي متلو حدا حبيبي وع طول المدى روح
وسلملي عليه: الله الله ع الصوت والإحساس
: مش وقتك بكل طيري
: شكلك حلمتي بيه
:وأنت أمتى مانحلمش بيه نحلم بيه في كل وقت وأني راقده وفايقه
: ربي يحنن قلبه عليك ويحس بيك ويجعله نصيبك
:آااااااامين ،، أستاحشته واجد واجد فوق ماتتصوري يااارب نبي نشوفه ولو شويه يارب جيبه يااارب
زيييييينب زيييييينب
وداد: زينب زينب سليمان سليمان
زينب : حي عليا خيره تكلمي
وداد: سليمان يازينب
رجاء: تي تكلمي يابلوة أختك سكرها يهبط تكلمي
وداد : جي جي وحق ربي جي
زينب: شنوووو بالله عليك قولي الحق
وداد: والله العظيم
زينب داخت جتها رجاء شدتها وقعمزتها وداد جابتلها حلوه من المترد اللي قدامها عطتهالها
رجاء: شدي روحك زينب يمشي بتموتي وكان جي بتموتي
أمهم جت
رقيه : يابنات ره.....حييييي عليا بنتي خيرها
رجاء: شي ياأمي داخت شويه
رقيه: خديتي دواك
زينب: أيه يما ماتشغليش بالك دوخه بسيطه
رقيه : كان فيك شي قولي نقول لخوك يرفعك
زينب : لايما والله مافيا حاجه مش لازم ،شنو جيتي بتقولي
رقيه: إيييه ولد خالتكم سليمان جي وتصالح هو وبوه وبيديروا عشي كبير وخالتك بعتت قالت تعالو
زينب تنطرت زي الجن : هيا هيا وتوا رواحكم بسرعه بش نلحقوا نساعدوهم ومشت تجري للدار وخواتها يضحكوا وأمهم مستغربه : خيرها البنت قلت عشي مش غدي علاش من توا بنوتوه
رجاء: هيا وداد هيا خل نوتوا ارواحنا لازم نمشوا بكري ياأمي لازم حني الأولين غادي ولحقوا أختهم ،وأمهم مشت توتي في روحها وع راسها 100علامة إستفهام
*******
طرابلس
الساعة 7:00مساءا
" فبأي آلاء ربكما تكذبان ◇تبارك إسم ربك ذوالجلال والإكرام"
الشيخة أم حمزة : أحسنتي ياجمانه حفظك جيد وماتاخديش وقت بش تحفظي السورة بأحكامها وتجويدها
جمانه : الحمد لله كله من فضل الله ثم حرصكم في تعليمنا كتاب الله
أم حمزة: جزاك الله خيرا
جمانه: معليشي ياشيخه ممكن ناخد من وقتك شويه
أم حمزة : باهي لحظه ياأخوات سلموا الأجهزة وروحوا جزاكم الله خيرا
اللي هذا بدت تطلع وتسلم الأيباد اللي يساعد في الحفظ اللي مخصصينه الجامع لطالبات وطلعت "طبعا هادي فكره من راسي "
أم حمزة : تفضلي ياجمانه شنو تبي تقولي بنتي
جمانه: شفت حلم ياشيخه البارح في الليل شغلني هلبه
أم حمزة : باهي إحكيه ياجمانه وكان قدرت تو نفسره
حكت جمانه الحلم في البدايه أم حمزة بان ع وجهها أن الحلم كويس وفيه خير بس بعدين وجهها تغير وأختفت إبتسامتها
جمانه : خير إن شاء الله قوليلي ياشيخه
أم حمزة : خيرا رأيتي وشرا كفيتي ،،ماعرفتش نفسرها بس اللي نقدر نقوله تصدقي يابنتي
جمانه سكتت وشبحت للشيخه وحستها تعرف ومابتش تقول وبعدين قالت: حاضر
جت وحده من المشرفات: أخت جمانه خوك جي
ناضت جمانه سلمت اللي عندها وهي طالعه قالتلها أم حمزة
أم حمزة: بنتي ماتشغليش بالك بيه هلبه
ألتفت جمانه إبتسمت للشيخه والشيخه ردت نفس الإبتسامه وطلعت وقلب جمانه مش مرتاح
***********
رجاء : خيرك تزربزي
زينب قربت من أختها بهمس: نبي نشوفه قريب نهبل
رجاء: عارفه يازوبه بس اهدي شويه ماتخلي حد يلاحظك
سلمى خشت للمطبخ
سلمى: ها بنات شن جوكم اليوم كيف حالكم
رجاء : الحمد لله
سلمى : شنجوك زوبه
وزينب في عالم تاني هزتها أختها
زينب : خيرك
سلمى: أني قلتلك كيف حالك
زينب: أها سامحيني سرحت شويه إيه الحمد لله كويسه
سلمى : ماشاء الله تكبري وتزيدي حلاوة غير شن تاكلي بس
زينب تحشمت ع الآخر
رجاء : قريب تذوب في حوايجها من الحشم
سلمى : ههههههههههه إيه ،، شنو رجيوه مازال العرس
رجاء : الصيف الجاي
سلمى : تمام ربي يتمملك ع خير
رجاء : سلمك يارب
سلمى : هي تعالوا نطلعوا نقعمزوا حداهم ترا جيبي زوبه نطلع معاكم
زينب: لاوالله ماصارها
سلمى : سلمها يارب
زينب:😳😳😳😳
طلعوا قعمزوا برا مع الخالات والعمات والهدرزة والجو
عمته فوزيه: والله قريب طرت من الفرحه بعد سمعت
خالته رقيه: غير وينه هو أستاحشناه نبوا نشوفوه
عمته سعاد : إيه والله ضبحولنا عليه يافتحيه
فتحيه : هي شويه كرووومه ياأكرررم
أكرم جي يجري: نعم أمي
فتحيه برا نادي ع عمك سليمان قوله خالاتي وعماتي يبوا يسلموا عليك
أكرم :حاضر ياأمي
زينب قريب اطير من الفرحه بتشوف حبيب القلب بعد عام
غياب وشوق
كريمه : شن جو تركيا سومه
سلمى: تهببببل ياكريمه بالذات أنطاليا فضيييعه
وداد: مشيتوا لأسطنبول
سلمى : إيه نزلنا فيها أصلا
وداد: شفتوا ممثلين غادي
البنات :هههههههههههههههههههههه
سلمى: نشبح في صورهم في الإعلانات في الشوارع بس
سميه: كان نمشولها حتى حني
سلمى: رغم إنك درتي أوروبا ياسميه ماقدرتيش تمشيلها ؟!!
سميه: خدمه عبدالعاطي معطلتنا ع كل شي
سلمى: ربي يعاونه ملحوق ع مشي
خشت أمباركه مرت ضو وحده خبيثة ومنافقه ومش محبوبه بكل
سلمت ع عزوزتها : طيب فيك ياعمتي اللي ولدك ولالبوه
فتحيه:ايه والله ربي يديم ودهم ويخليهم لبعض ويبعد عليهم المحقديه والمحاسيد
فهمت إمباركه قصد عزوزتها سلمت ع كل وقعمزت جنب سلفتها لطيفه اللي ماتتخيرش عنها
حدهم عمته: غير كان ترتاحي ياأمي تو أحني نديروا العاله
الحاجه تبرة: مادخلكش أني هكي مرتاحه
ضحكوا كلهم سلمى: ربي يعطيك الصحه ياحنينه
الحاجه تبره: سلمك ياكبدتي
إحم حححم أمي
ياكم قلب طار من مكانه وين سمع هالصوت مش غير زينب بس اللي هايمه بنات العيله وبالذات سرور ورانيابنات عماته اللي علقوا عيونهم في الباب ويراجوا في خشته بس مش زي زينب اللي تعشق تراب رجليه وتتنفسه من صغرها
لبست السلفات وبنات العمات والخالات حاجابهم
فتحيه : خش ولدي خش سلم ع عماتك وخاالاتك
خش سليمان اللي طلته كانت تبهر العيون وتفرر القلوب وهو لابس عربي طرابلسي لونه حني وفي زخرفه بالذهبي سلم ع عماته وخالاته وأحضان وبوسات ووخر بعيد حدا الباب يهدرز وعيونه لوطا
سليمان : كيف حالكم يابنات
البنات كلهم بصوت واحد: الحمد لله
عمته حدهم : قعمز شويه حدانا
سليمان : معليشي عمتي والله المربوعه تملى وتفرغ مانقدرش نعطل عليهم
عمته فوزيه: ربي يحفظك ولد خوي ربي كل ماله يزيدك في الزين اللهم صل ع النبي
عمته حدهم: غير إن شاء الله بنيات طرابلس قاعدات بعقولهم
سليمان تحششششم ع الآخر وزينب تشبحله وكان تلقى مايتحرك من قدام عيونها ومايشوفه حد غيرها من غيرتها
حناه: برا سلم ولدي للرجاله برا وفكك من قطاف عماتك
ضحكوا كلهم وسليمان أستأذن وطلع
خالته رقيه: خلاص لازم تزوجوه شنو تراجوله
فتحيه: غير يقول باهي
سلمى : قاعد مسكر راسه
فتحيه :نجيبله سيرة الزواج يسكر ع موضوع ويقول مش وقته
سلمى: خدي ع الحريه يسافر ويخدم ويقرا ويدير في نشاطاته ومايبي شي مقيده
فتحيه : لأمتى يعني
حناه : مادخلكمش فيه أمتى يبي تو يجي ويقول ماتغصبوشي ع شي ويحصل حصلة غيره
إمباركه وجهها تغير في نفسها "عزوز الستوت موت ترفعك وتفكني من وجهك"
فتحيه غيرت الموضوع هيانوضوا خل نبدا نسقوا هيا الصفر وتوهم البنات هي .......
************
ربيع : يلاا هاني جاي خلاص ،،،باهي خلاص ياعش ياحصله ،باه ياودي ،،،هيا طير
هههههههههههه ياعليك حاله هالعماد بطنه قبل وطنه
جو سيارات يجروا وحده وقفت قدامه ووحده وراه ضربوه ع راسه طبوه ومشوا ........
رايكم
#GomanFared
