الحلقة(19)
عيونها في مراية السيارة تراقب في سيارته اللي ماشي بيها وراها خايفه عليه لأن جرح صبعه عميق ولازم يخيطه تسوق ومركزة مع سيارته أماهو
ضرار: أكبر غلط سواقة البنات الطريق اللي تاخد 10دقايق يخلوها تاخد ساعه اللي ربع 😑
وصلت أريج لشارعهم ولقت نجيب كيف واصل معاها
اريج: كملللللت 😖
شافه ضرار" اوووو أبو نسب قريب ودرتك في جرة اختك 🤣"
نزل نجيب ومشالها: خيرك تتصلي شن في
اريج"بعد.تفكرت": عجله سيارتي انطبقت وقعدت نص ساعه واقفه نراجي واحد منكم يرد لكن شي
نجيب: كان عندي إجتماع، خبط خبطه ع باب سيارتها ،هيا خشي
اريج خشت وخش بعدها نجيب وضرار بطريقه لأقرب عيادة
**
يسلموا عليك عدنان وكنان هلبه
أمال تكلم في بنتها ريما
ريما: سلمهم وسلم من جاب سلامهم أستاحشتهم هلبه 💓
أمال: قالوا ممكن ع الربيع يجوا زيارة
ريما : حلو
امال: ريما ماما تمشي معاي غدوة لخالتك
ريما : أمتى
امال: غدوة مع الصبح بنمشي نفطر عندها
ريما : الصبح صعب لو بتقعدي عندها النهار كله نلحقك مع 12
أمال: وعلاش شن عندك الصبح
ريما: بنمشي لكلية الهندسه
أمال: علاش
ريما: بنشوف كان يقبلوني معيده أو نكمل دراسات عليا
أمال فرحت: كويس هلبه ربي يوقفك بنتي ❤
ريما: تسلميلي ياست الكل 😙
**
في الليل
جمانه وخوتها مقعمزين يتعشوا بعد جابلهم عبدو عشي من برا معادا أصيل اللي قاعد ماروحش
ندى: استاحشتها هلبه خاطري نشوفها
عبدو: تو تشوفيها لين تملي منها
جمانه: كلامك يدل ع فرح قريب❤
عبدو: حبي انتي ديما تفهمي فيا ع الطاير😍
أريج: واضحه ماتبيش ذكاء
جمانه:😕
نجيب شبحلها بحده: كولي وأسكتي
اريج: 😑
جمانه : باه أمتى ناوي
عبدو : الخميس هذا لا اللي بعده
اريج: شوف ماما قبل
عبدو: مكلمها أمي قالتلي أمتى ماتبي حاضر
جمانه ابتسمت: ربي يتمم ع خير
ندى بعفويه: تهبببل ملاك طيبه زي ريم..😶
جمانه أريج عبدو😨
نجيب ناض :دايمه تصبحوا ع خير وطلع من المطبخ
أريج: خيرك بلاك
ندى: والله ماقصدي
جمانه: صار خير
خش أصيل
أصيل بصوت عالي: خووووونه شااااورما ياخونه ياعملاء
جمانه:😂 حسبك عبدو تعالى
قعمز أصيل وبدي ياكل: الحوش بلاهم ماينخشش
عبدو: من غير سو
جمانه: يروحوا سالمين يااارب
كلهم آااامين
عبدو : قاسم جي
شبحت اريج لندى وندى قلبها في 1000💓
أصيل: إيه جي
عبدو: شنو حاله
أصيل : كويس جاي لطرابلس عنده خدمه وبالمرة نسقنا لزرده في الربيع
جمانه: حقه نبوا نسافروا في العطله
أريج: حتى أني خاطري نسافر
عبدو: وين باهي
ندى: تركيا
أصيل: مليحه تركيا مشولها جماعه نعرفهم وشكرولي أماكن فيها
عبدو: صعب نسافر قرايه وهم تقيل
جمانه: يعنيك ربي ويوفقك
ندى: نشوفوا نجيب وبعدين نقولوا لماما وبابا
وكملوا عشاهم وهدرزتهم
دار نجيب
كان مكسد ع الفيس ويشوف في صفحة المكتب متاعهم ويرد ع التعليقات جاه إشعار في قروب لطلبة كلية الهندسه
لقاه نشر عز العرب وكان مكتوب إسمه بالإنجليزي خش طول
لقاه ناشر إنه حيولي احد أعضاء هيئه التدريس في الكليه وناشر ع نفسه معلومات كامله مالاش دقيقه منزل للمنشور وبدت تهل اللايكات والتعليقات وكله مدح وشكر فيه من دكاترتهم القدم ومهندسين معروفين وطلبه
نجيب:"هو من قبل مش شايف روحه شنو بيحزها تو"
لفت إنتباهه تعليق ل(الليدي ريم)" طبعا بالإنجليزي مكتوب"
وكان إيميل ريم كتبت" بين الأمس واليوم كنت خلف مقعد الدراسه وقريبا سأكون أمامه"
نجيب "شن قصدها هادي"
خش عز العرب رد عليها
نجيب " ماصدق عاد" وقعد يقرا" تلميذة الأمس زميلة الغد🌷"
نجيب" ياسلام ياسلام ورد وجو وداير روحه شاعر 😑"
ريما دارت لايك بس
نجيب خش ع صفحة ريما وشاف منشورها الأخير
"يخيل لنا أن الحب سجن كبير نذوق فيه ذل الأسر وطعم العذاب ولكننا في الحقيقه نحن من نصنع هذا السجن ونحن الجلاد والضحيه في نفس الوقت عندما نسلم قلوبنا لمن لايستحقها"
نجيب ضايقه هلبه كلامها شعوور خيي يحس بيه مش فاهمه غيرشعور يشبه نسمة الصهد في الصيف"
أذكر اخر لقاء بينه وبينها
فلاش باك 👇
ريما : كيف حالك
نجيب : الحمد لله وإنتي
ريما: الحمد لله 💔
ريما صنعت إبتسامه مزيفه ع وجهها :اممم قتلي تبيني في حاجه حتريحنا الزوز
نجيب: أحممم ،،شبح فوق وبعدين شبحلها ،إنتي بنت كوي...
ريما : خش في الموضوع طول مافيش داعي للمقدمات
نجيب قعديشبحلها
ريما ابتسمت بتصنع:اني حنساعد انت تبي تفسخ صح؟!
نجيب ساكت مش عارف علاش مش قادر يتكلم
ريما : اني عارفه أن هذا اليوم حيجي من 6شهور فاتوا،
بلعت ريقها بصعوبه وابتمست نفس الأبتسامه وتحاول جاهده تمسك دموعها، كل شي نصيب والباين من الأول إننا مش نصيب بعض بس أني اللي كنت نتجاهل هالشي ، شبحت جنبها بعدين شبحتله ، نبيك تطمن مش حنتحسب عليك ع اللي ضاع من عمري ولا عالعذاب اللي شفته معاك
بالعكس حنقعد من كل قلبي نتمنالك السعاده وأنك تلقى الإنسانه اللي تملى قلبك وماتخليش عيونك يشوفوا غيرها وحنعتبر اللي صار معاي تجربه تعلمت منها وفي نفس الوقت ذكرى حلوة حتى لو كانت في حقيقتها مرة ،نجيب تنهد وحط أيده ع صدره "شكله ضميري مش حيرحني جيهتك ياريما"
رن تليفونه لارا يتصل بك رد طول
نجيب : في وقتك ❤
لارا: حبيبي 😍
وكملوا هدرزة الغرام والهيام ونجيب هرب من هذاكا الإحساس الغريب
****
خاطرك تشوفيه ولا
اريج تكلم في ندى
ندى : هلللبه ياروجه لكن مش عارفه كيف
اريج : تو نقولك كيف 😉
******
سليمان مع ربيع وعماد وقاسم في شقته يهدرزوا
قاسم: أغلبها تصفيه حسابات
عماد: كيف يعني
قاسم : صحاب الأمس في الغالب حيولوا أعداء الغد
ربيع بسخريه: الثورة حتاكل أبنائها شكلها
قاسم: أبنائها حياكلوا بعض
سليمان: به شنو قصه الجماعات الإرهابيه
قاسم : للأسف صح موجودين بس في درنه علنا وفي بنغازي زي الخلايا النائمه
ربيع: قاللكم المقملين فيها مابتوش تصدقوه
قاسم وسليمان :😑😑😑
عماد: لنقني ع قولتكم خايف عليك
قاسم ابتسم: ليلة قبري مش حنبات برا
سليمان حط إيده ع رجل قاسم: ربي يحفظك.انت واللي معاك ياصقر 🦅
قاسم: تسلم ياشيخ، هااا الوالدة تسلم عليك واجد وخاطرها تشوفك
سليمان: نحاول نفضي نفسي ونسق أموري ونديرلها زيارة حاضر
طبعا سليمان خو قاسم كان ملتزم وإمام وخطيب مسجد توفى في أول 2011 وأم قاسم قريب ماتت وراه ولما عرفها ع سليمان صاحبه شافت فيه ولدها وحباته هلبه وسليمان كذلك
ربيع: جعااان
عماد: انت امتى شبعان
سليمان: تبي تاكل المطبخ قدامك
ربيع : عيب عليكم ره حالي قاعد مش باهي
عماد: اصح من الجنون نوض من غير تزعبين زايد
ربيع: باه مالا إن شاء الله تتكسر...
وشبح لسليمان لقاه يفنص فيه
رببع : تتكسر عزوم شياطينك 😅
سليمان : 😒
قاسم وعماد: 😂😂😂
انفتح الباب وخش وائل روح من رحله كانت لمدة تلاتة أيام ووجهه مقلوب: السلام عليكم
كلهم وعليكم السلام
قاسم : الحمد لله ع سلامتك
وائل بدون إهتمام : الله يسلمك ،ربيع وين مفتاح الشقه
ربيع مده لوائل: هاك هاه
خداه وائل وطلع جي حدا الباب يشبح لسليمان يبيه ينتبهله شبحله سليمان أشرله وائل بإيده " تعالى"
ناض سليمان بدون مايحسسهم بشي
سليمان : ماشي مشوار وجاي ومشي
عماد: تصالحت أنت ووائل ولالا؟
قاسم : إيه وكان عماي عادي جدا
ربيع: هو هكي لمايروح مرات يبدا مش طايق حد ..
سليمان: خيرك
وائل تنهد بحزن:.......
*****
ندى: وأنتي متأكده
أريج: زي مانشبح فيك
ندى تفكر: يصير خير
أريج ناضت بتشحن تلفونها : أهم شي تنفذيها بحذافيرها ماتزيدش من عندك
ندى: ok
أريج ادور: وينه هذا
ندى : شن هو
أريج: الززفت الشحن
ندى: ع فكره ماريتاش اليوم
أريج ادور وادور بعدين تفكرت: ايييييه نسيته في السيارة
تنزلي معاي نجيبه
ندى: واااك
أريج: وراس ندوشي
ندى: تي باهي ياحصله هي
نزلوا بالشويه ومشوا جيهة السياره
ندى: صقع يامصيبه
اريج: أسكتي تو ناخده ونركبوا بسرعه
فتحت أريج السياره وقعدت ادورفي الشحن: أهوا 😀
ندى واقفه في روشن الباب الكرسي جنب السواق : أريج هذااا شنو ؟؟؟
اريج شبحتلها بخوف : شن هو تكلمي
ندى : اللي تحتك
اريج: ياماما شبحت لوطا وانصدمت 😨
ندى: هذا بالطو رجالي
اريج" حيي كيف نسيته ياهمي"
ندى: اريج قولي متاع منو توا 😤
اريج: اسكتي شويه 😑
خداته اريج حطاته تحت الكرسي الخلفي وسكرت السيارة وخشت هي وندى
ندى بهمس : توا تقوليلي متاع منو
اريج : باهي اركبي تو نقولك
: شنو اديروا اهني
التفتوا لقوه خيال اسود ضخم
اريج وندى يصكوها عيطه ع طول رقبتهم
انفتح الضي
نجيب: ياحمارة إنتي وياها علاش تعيطوا
أريج: انت خوفتنا😖
ندى😢
نزلت جمانه وطلعوا أصيل وعبدو من دارهم
جمانه بخوف: شن في
عبدو: خير بلاكم
اريج وندى: 😢😢
نجيب : شن كنتوا اديروا برا
اريج: ومن قالك كنا برا 🤤
نجيب : من اللي لابستيه ياذكيه
ندى: كنا ندورا ع الشحن
عبدو: شحن شنو اللي ادروا عليه برا
اريج : ماه ه و
اصيل: تكلمي زين
جمانه فهمت: خيركم بالشويه عليهم نزلوا يجيبوا الشحن من سيارة اريج
نجيب: باه ياقردات خيركم ماقلتوش من الأول
اريج: عطتيونا فرصه هجمتوا علينا زي الحيوانات المفترسه ندى قرصتها وجمانه فنصت فيها : خلاص هي تعالوا أركبو خدتهم وركبوا
عبدو: نلقى وحده معتبه عتبه الحوش مرة تانيه في هالوقت نغبرها ليلتها
نجيب ركب وراهم وأصيل وعبدو خشوا لدارهم
جمانه وأريج وندى راكبين الدروج ساكتين نجيب راكب وراهم حفهم وهو يشبحلهم ع جنب ومشي لداره وهما يشبحوله بخوف 👀👀👀
خشوا لدار اريج
جمانه : شنو كنتوا اديروا
ندى: جبنا شحن اريج
اريج طلعاته من جيبها ووراته لجمانه: هاااه تشبحي فيه
جمانه:😑ايه
طلعت جمانه من الدار وقعدت ندى سكرت الباب وجت لأريج
ندى: والله مانك راقدة قبل لتحكيلي
اريج أبتسمت وقعمزت ع السرير وقعمزت جنبها ندى: هذا ياستي ........
****
سليمان: إنا لله وإن إليه راجعون
وائل: كيف يصير توا كيف بنقولوله
سليمان غمض عيونه بألم وفتحهم: أني والله مانحبها هالمواقف
وائل: زيك لهالسبب كلمتك
سليمان يفكر: تو نحاول نقوله لكن مش توا غدوة إن شاء الله
وائل: تمام أني بنركب نرقد
سليمان: تمام تصبح على خير
وائل: وأنت من أهله ،،وركب وائل
أما سليمان فقعد يفكر في الخبر اللي سمعه وكيف حيخبره لصاحب الشأن ...
***
ندى: واااااااو والله قصتك إنتي وياه خيااال 😍
أريج بإبتسامه: لهالدرجه:)
ندى: إمممم والله حلوة وهو الباين عليه شخصية وجنتل مان
أريج فتحت التليفون وورتلها صورته
ندى: حييي ياأروجتي يهبل 😍
أريج تضحك وجبدت منها التليفون: ياسر فيك وإنتي تتأملي 😒
ندى: يهبل ماه😍😂
أريج تنهدت وحطت إيدها ع قلبها: آااااه ياقلبي
ندى تضحك عليها: باه كيف بيصير في بالطوه
أريج : مش عارفه 😞لكن فرحانه إنه نساه عندي بش نضمن شوفته مرة تانيه 😍
ندى : 😂😂😂
ندى : حييي الساعه 2 بنوض نرقد تصبحي ع خير روجي طلعت جري
أريج وهي تتأمل في صورة ضرار : وأنتي من أهله💓
****
تاني يوم
الساعه 9:00الصبح
سليمان طالع هو وعماد
عماد: ع صبح ربي مطلعني في هالصقع ووين مش عارف
سليمان: ماشيين للبحر
عماد: ياوالله حال تو هذا وقته 😑
سليمان: تبي الحق البحر في الشتي أحلى من الصيف
عماد: وعلاش أني بالذات علاش مش ربيع ولاقاسم أووائل
سليمان: ربيع قاعد تاعب وقاسم أمس واصل طرابلس ووائل نفس الشي ولازم يرتاحو
عماد: جت ع راسي
سليمان ابتسم : خلاص اسكت شويه راسي صدع
عماد: هاه سكتنا 🤐😒
*****
أريج وصلت كليتها درست سيارتها وقعدت فيها وطلعت البالطو من وراها وقعدت تتأمل فيه شمت الريحه وقربت البالطو ليها وقعدت تحضن فيه وتشم في الريحه تحسست بإيدها حاجه حطت إيدها في الجيب طلعت منه شيشة عطر صغيرة شكلها مميز فتحتها وشمتها لقته هي نفس الريحه
أريج تضحك: قعد من غير عطر اليوم ،،أحسن بش ماعاد حد يشمه عليه غيري
:عندي منه سيت كامل
اريج انخلعت ولقاته يشبحلها من الروشن اللي جيهة السواق قريب ماتت من الحشم ووجها أحمر وسخنت مع بعضها
حاولت تظاهر بعكس حالتها اللي فيها فتحت الباب ونزلت وقفت قدامه
أريج: صباح الخير
ضرار: صباح الورد والياسمين 💘
اريج مدتله البالطو: تفضل
ضرار خدي البالطو ويشبحلها وهو مبتسم ورافع حاجبه اليسار فوق: يزيد فضلك وشكرا
أريج شبحت لصبعه: خيطه
ضرار شبح لصبعه وقعد يوريلها فيه : ايه وقلتلهم يردولي نفس الفاشه 💓
أريج قلبها يقربع تقربيع وجهها نار من الخجل
اريج: أسفه بسببي صارلك هكي
ضرار يضحك: لا عادي صلحتي غلطتك ولبستيني الدبله 😉
أريج قريب يغمى عليها بس قاعده تتصنع في عكس هكي قامت راسها وقالتله: نستأذن بتمشي شد إيدها شبحت لإيده وشبحتله
ضرار: موضوعي معاك لازم نتمه
أريج بغرور مصطنع: موضوع شنو
ضرار: إنتي فاهمه عليا
أريج بنفس الغرور: لا مش فاهمه
ضرار تنهد وغمض عيونه لف وجهه جهة التانيه بعدين جهتها وفتح عيونه وشبحلها: بالي مش واسع ره لكن وسعته معاك هلبه
أريج: ومن قالك وسعه
ضرار بقلة صبر: فكيني من غرورك الفاضي ره في غيرك تتمنى نلمحها بطرف عيني
أريج ابتسمت بتهكم: برالهم ليش جاييني ؟!!ولاناسي إنك انت اللي تجري في جرتي مش العكس؟!
ضرار تقول من ضربه كف قدم وقربلها وعيونه نظرتهم تخوف هي خافت لكن قاعده تتصنع اللامبالاة
ضرار: تعرفي غير جيتي بنت كان هذا نمدك بقفا إيدي ع فمك نخليه بدمه
اريج خافت وسكتت
ضرار شبح الخوف في عيونها قلبها رق : أنتي بالذات مانتحمل فيك شي هبة النسمه لو جرحت خدك
اريج ذابت راحت مرة وحده
ضرار خدي بعضه وبيمشي وقاللها : عادي مازال موسع بالي لأخر العمر وكمل طريقه لسيارته وركب ومشي
اريج" آاااه ياقلبي اني والله نحبك باه ❤"
***
واقف ع بحر وحاضن نفسه بش يدفى صقع لكن الألم اللي في داخله مخليه يتحمله يشبح جيهة سيارته اللي كان فيها صاحبه اللي خلااه يبكي ويشهق مكانش يبي يحرجه كان يبيه يعبر عن اللي في داخله بدون مايحرجه ،،كان أصعب موقف يتعرضله أصعب شي إنك تخبر إنسان تعزه بموت أحب الناس ع قلبها (أمه) وبالذات واحد زي عماد اللي ليه عشرة ممنوع يشوفها ولايحكي معاه ..
رفع راسه للسمي وقعد يدعي من قلبه لربي إنه يصبر قلب صاحبه ويتخطى ألم هالفاجعه
***
قاسم: لاحول ولاقوةإلابالله
ربيع: وانت منين سمعت
وائل: خيرك نسيت عماد ولد جيراننا
قاسم: الله يسامح باته حرمه منها
ربيع: الله لايسامحه راجل قلبه أسود
وائل: خلاص توا اللي صار صار
قاسم: زعمك كيف حاله توا اكيد سليمان قاله
وائل: إيه كلمته وقالي قلتله قعد يبكي وخلاص
ربيع: ربي يصبره
قاسم ووائل : آااامين
****
واقف في محل تغليف هدايا ويشوف في تغليفة الهديه وهو كله أمل أنها تعجبها
فيصل " أكيد حتعجبها هلبه "
يتبع..
#GomanFared
