الحلقة(16)
(مرحبا)
ندى " ياربي نرد ولامانردش" قعدت تفكر
(ألو)
ندى ردت(أهلين)
(بعتيلي طلب إضافه تعرفيني)
ندى"به مادام ماتعرفنيش لاش قبلته"
ندى(الحق بعتته بالغلط )
(بعتيه بالغلط معناها كنت تشوفي فصفحتي يعني تعرفيني )
ندى" وااك ياربي مايفوتكم شي جماعة الشرطه لكن أني أزقط منكم 😁"
(مش شرط ،طلعتلي في المقترحين وضغطت ع طلب الإضافه بالغلط يعني مانعرفكش)
(متأكده؟)
ندى : "هذا خيره "
(ايه مانعرفكش وتوا نحذفك من الأصدقاء أطمن)
(ههههههههههه)
ندى 😕😕😕
(باه لوقلتلك إني نعرفك)
ندى"حييي شنو"
(بالله !منين بتعرفني؟)
(انبولتك اللي طارت منك وصلتني وخبرتني عن إسمك)
ندى 😲😲😲😲😲😲😲😲😲😲😲😲😲😲
"عرفني طول يانهاري الأزرق"
(ألو)
ندى "بنرد شنو نقول عليك عااار" 😫
(ألو وينك)
ندى تقرض في ضوافرها بفمها من التوتر ومتحشمه ع الآخر
(شكلك ماتبيش تردي ع العموم فرصة سعيده ياندى
تصبحي على خير)
ندى صكرت وحطت راسها ع المخده وحرارتها في الميه من الحشم ووقعدت تتفكر في المحادثه وتضحك لين جاها النوم
*******
يوم الأحد
الساعه 9:00
لارا لاهيه بالخدمه خشت ولاء
ولاء: صباحو لولو
لارا ابتسمت: صباح الورد 😚
ولاء : أمتي جيتي
لارا : 8:30
خش نجيب: ولاء خودي التصاميم هادي أطبعيهم وحطيهم في مكتب المهندس خالد
ولاء: حاضر خدتهم وطلعت
نجيب قدم جيهة لارا خدي مق النسكافيه متاعها ويشرب منه ويشبح لعيونها : هاااه أمتى تكملي
تشبح لعيونه بحب: 2 \2:30 😍
نجيب يشرب في النسكافيه: إممم معناها تطلعي تتغدي معاي اليوم
لارا ابتسمت : أكيييد 😍
نجيب حط المق ع الطاولة وصفق بإيده: مالا يلا كملي شغلك.بش نطلعوا بكري غمزلها وطلع
لارا قلبها بيفرر كل يوم تزيد تتعلق بنجيب أكثر بدي أهم شي بالنسبه ليها وتحاول ترضيه ع قد ماتقدر
******
سليمان مقعمز تحت شجرة وكان لابس كاجوال اسود في أسود وشال بيج في رقبته وكاين يقرا صكر الكتاب وفتح النت يشوف في صفحته الشخصيه وقعد يشوف في تفاعلات أصدقائه ع حفلة الختمه اللي كانت فوق الروعه
بعدين خش ع صفحة(صوت الحق ) شاف منشورات الأدمنز اللي معاه ومنها للإشعارات والتعليقات ،تلقائيا بدون ماينتبه يدور ع تعليقات جمانه مالقهاش ليها يومين مش معلقه أوهكي يتهيئله ماقدرش يمنع نفسه من إنه يشوف الخاص
مش لمحادثها لقاها مغيره إسمها من قاصرة الطرف للعقد الفريد ابتسم بعدين استاقض"خيرني اندور فيها هكي وعلاش مهتم بتعليقاتها لهالدرجه !!"
وأخيرا لقيتك
سليمان: بسم الله شن جابك
عماد: تو في واحد يستقبل صاحبه اللي أول مرة يجيه في الجامعه هكي
سليمان: خيرك ماقلتيش بتجي
عماد: قلت نديرلك سور بايز
سليمان انفجر بالضحك بشكل هستيري الطلبه قعدوا يشبحوله
عماد: تي خيرك شن جاك خلاص اسكت كلهم يشبحولك ره طاحت هيبتك
سليمان هدى ضحك شويه وعيونه مدمعات: ربي يسعدك ياراجل
عماد: وخيرني شن قلت من نكته بش تضحك هكي😒
سليمان: خلاص أسف سامحني 🤣
عماد: خلاص عاد
سليمان: خلاص خلاص
قولي به شن دير هني
عماد: شي قلت نشوفك
سليمان: نسمع فيك
عماد شبحله
سليمان : احكي ياعماد
عماد تنهد وعيونه دمعوا: شفت أمي أمس
سليمان مركز معاه : به كمل
عماد: شفتها في السوق طالعة مع أختي وبنتها ضحك كبرت ياراجل وبدت تمشي تهببل تمنيت لو نمشي نحضنها ونبوسها ونقوللها أني خالو
سليمان يسمع ومتأثر : أمك شافاتك
عماد هز راسه بأيجاب ونزلت دمعه من عينه: دارت روحها ماتعرفنيش
سليمان حط إيده ع كتف عماد: بوك حالفلها بالطلاق ماتلومهاش
عماد: والله مالايم ع واحد حتى بوي نفسه بس وجعتني نفسي اللي يشوف حالي يقول مقطوع من شجره ومايعرفش إن عندي عيله كبيره خوت وخوات وصغارهم كبار وصغيرين
لو نشوف أغلبهم في الشارع لانعرفهم ولايعرفوني ،بدو دموعه ينزلوا موجوع ياصاحبي هلبه
سليمان تأثر لين خلاص وطبطب ع كتف صاحبه : حتفرج صدقني إن شاء الله غير أنت قوي نفسك وخليك عماد اللي نعرفه بصايري رغم الألم
ضحك عماد من بين دموعه : يااارب
******
مع الساعه 2الظهر
لارا ونجيب ماشين يتغدوا كانوا يهدرزوا ويضحكوا وطول الطريق شادين أيدين بعض وصلوا ودرس نجيب ونزلوا وخشوا للمطعم اختاروا طاولة وقعمزوا يهدرزوا وطلبوا الأكل
نجيب التفت صدفه لمح حد يعرفه
"عليك حظ وخلاص لازم نشوفك يعني " لارا ركزت عليه وين يشبح وقالتله: بتعرفوا
نجيب: امم كان زميل ليا في الكليه
لارا: ليش مابتقوم تسلم عليه
نجيب: وعلاش هو مايجيش يسلم عليا
لارا: انت شفتوا بس هو ماشافك
نجيب هز راسه بالنفي وابتسم بتهكم
لارا: الباين ماكنتوا صحاب كتير مهيك 😅
نجيب أبتسم : بالمرة
شبح نجيب جيهة عزالعرب لقاه يشبحله سلم عليه عز العرب بهزة راس ونجيب رد نفس السلام ولارا شاده ضحكتها
جي الأكل وبدوا ياكلوا
جعاااانه ناكل فيل لو يحطوه قدامي
سارة تكلم في ريما
ريما ضحكت : حتى أني وهما بيخشوا للمطعم ريما شافت شي خلاها تتسمر في مكانها سارة شبحت نفس الشي
سارة : هي تعالي نشوفوا غيره
ريما شبحت لصاحبتها وابتسمت: خيره هذا حلو من شن يشكي
سارة: ريما أنتي كويسه
ريما ضحكت: إيه كويسه مش تبيني ننسى كيف تبيني ننسى لو قعدت نهرب لازم نخش ونتعود ع شوفته هكي ونتأكد أكثر إن معاش في بيني وبينه أي رابط وهكي نتعايش مع وضعي الجديد وننسى بسرعه
سارة ابتسمت وأقتنعت بكلام صاحبتها وخشوا الزوز
قعمزوا ع طاوله جيهة الواجهه متاع المطعم بعيد عليهم شوي نجيب اللي كانت طاولته في نص المطعم وطاولة عز العرب مقابلتهم الزوز
نجيب ياكل ولاهي بالهدرزة مع لارا ويضحكوا وجوهم حلو سارة تشبحلهم وحست بقهرة ع صاحبتها وريما شبحتلها لقتها تشوفلهم وتجي في عينها نجيب وهو يوكل في لارا
ريما: فرق كبير بين لماكان معاي وتوا معاها
سارة : والله ماتجي في ظفرك
ريما: بالعكس حلوة هلبه
سارة : ايه بالتجميل أكيد حتكون حلوة هلبه
ريما ضحكت جاهم القرسون وطلبوا وقعدوا يهدرزوا
عز العرب: متأكد هيا ماتغيرتش بكل قاعده جذابه وحضورها قوي
محمد: وقاعده في قلبك زي قبل
عز العرب يشوف لريما: ومانقصت مكانتها ولو مثقال ذرة
محمد : باه مش قلت خطيبه اللي مقعمز غادي
عزالعرب : هذا هو اللي محيرني
سارة وريما ياكلوا ويهدرزوا كانت سارة تفتح في هلبه مواضيع بش تهون ع ريما و كانت متأكده أن قلبها قاعد ينحرق وفعلا ريما كانت هكي بس كانت تظاهر بالثبات والقوة واللامبالاة واتقنت الدور
نجيب قام عينه في عز العرب لقاه يشبح لمكان محدد شبح لنفس لمكان وانصدم ريما مقعمزة تهدرز وتضحك وجوها حلو لدرجه إنه كذب اللي سمعه عنها وعن تعبها بعد ماسيبها لارا انتبهتله وشبحت وشافتها قريب ماتت
لارا: احمم
نجيب مش معاها
ضربت ع إيده بصوابعها : شوبك ؟!
نجيب استاقض وشبح للارا: لاشي غير ارتاح ضميري لما شفتها هكي
لارا: قولتلك رح تنسى وتعيش حياتا طبيعي
نجيب هز راسه بالإيجاب
في هاللحظه تشجع عز العرب وناض بيسلم ع ريما
عزالعرب: إحمم السلام عليكم
ريما وسارة : وعليكم السلام
عز العرب : ريما سالم صح ؟
ريما تشبحله ومشبهه عليه : ايه من حضرتك
عز العرب ضحك: عندك حق ماتذكرنيش الشيب عبا راسي
ريما شبحت زين بعدين قالت: عزالعرب محفوظ
عزالعرب فرح وأبتسم: صح
ضحكوا
سلمت عليه ريما وبعدها سارة عرفته ريما عليها سألوا عن حال بعض بعدين رجع عز العرب لطاولته
ساره: منو الطرف هذا
ريما ضحكت: كان يسمعك نادر
سارة: غير قولي
ريما : كان معيد في الكليه وقراني
سارة : اها قاعد مذكرك🙄
ريما ولت تاكل من جديد وعزالعرب ماحولش عيونه من عليها
وهذا كله شافه نجيب اللي حس بشعور غريب مافهماش وقتها وكإن قلبه والعه فيه النار هو صح يغار على لارا بس شعور اللي حسه توا لما شاف عز العرب يكلم في ريما ويضحك معاها كان غير طلب الحساب وناض هو ولارا اللي حست بيه واضايقت هلبه بس فضلت السكوت
******
سوسن : ماتقوليليش خيرك مش ع بعضك ليك فتره ملاحظاتك ره ونراجي فيك تحكيلي لكن شي شي
أريج شبحتلها بحزن وتنهدت
سوسن : لا الموضوع كبير احكي هيا
أريج شافت للسوسن وحكتلها كل شي من موقف البطاقه للموقف الولد اللي عاكسها
سوسن : حييييي عليك هذا كله يصير وأني مانعرف شي وأني حتى خشتي للحمام نعاودلك فيها ياكلبه 😡
ضحكت اريج: ههههههههههه حقيره😂
سوسن: علاش ماحكتيش به
أريج: والله مانعرف ماحكيت لحدياسوسو أني لما نفكر فيه قلبي يوجع فيا يابال نتكلم عليه والله نحكيلك وشادة دموعي بالسيف
سوسن : شكلك حتحبيه
أريج ابتسمت بتهكم : شكلي!!قولي حبيته وفات
سوسن : باه شنو مضايقك توا
اريج: لإنه طلع مرتبط
سوسن: كيف عرفتي
أريج: شفت صفحته ع الإنستا
سوسن: وباه كان مرتبط علاش يدير هكي
أريج: مش عارفه ياسوسن مش عارفه
سوسن: نحس فيك فاهمه غلط
اريج: ومرات يطلع واحد ملعب
سوسن: مرات لكن كويس انك صدتيه وماعطتيشي مجال
أريج: هذا اللي مهون عليا شوي،بس تعرفي أستاحشته هلبه حاسه روحي فاقده حاجه مني لما اختفي آاااه مشناه الحب
سوسن: إيه والله صدقتي مشناااه بالذات لماتحبي حد مش ضامنه وجوده معاك💔
أريج هزتها كلمه سوسن ووجعها قلبها ع الآخر وحست بخوف وتفكر لوين حترفعها مشاعرها .....
في نفس الوقت في حد كان يسمع فيهم ومشي وهو معصب ......
يتبع.....
#GomanFared
