الحلقة(7)
يوم الجمعه
الساعة 6:00 صباحا
في فراشها قاعده والنوم مجافيها كيف بترقد وحبيب الروح جي بعد غياب طويل وهي قاعده ماشبعت من شوفته وطول الليل بين عيونه كيف زاد جمال وهيبه وزاد ملك قلبها أكثر وأكثر تتمنى لو يصير شي تخليه معاش يولي لطرابلس وهذا أكثر شي مقلق نومها ..
ناضت تتسحب بالشويه بش ماينوض حد لأنها بايته في حوش خالتها مش هي بس العيله كلها باتت العمات والخالات لإنهم بيديروا غدي الجمعه لباقي أقاربهم اللي بيجوا للبلاد بعد عزمهم الحاج عمران....
طلعت من الدار تمشي بالشويه ويادوب حاطه وشاحها ع راسها خدت من شنطتها دواها وماشيه للمطبخ وقفت قدام الباب تسمرت في مكانها ومعاش قدرت تتحرك حركه زياده تشوفله إيه هو قاعد في المطبخ ع طاولة الأكل ةقدامه صونية تمر وطاسة إميه وياكل بهدوء لابس سوريه عربيه بيضا فيها نقش أسود بكلام باللغه العربيه تشبحله وناسيه كل شي وكأنه مافيه حد في الدنيا غيره ماتشوف في شي معاه في عقلها"آااااه ياقلبي حتى وهو ياكل جذاب ويهبل عمري ماريت حد وهو ياكل يزيد حلاوة آه ياقلبي ياربي عيني مش قادرة نتحمل"
هو للحظه حس بأن في حد قام راسه شافها واقفه قدام الباب وتشبحله ،،هي انخلعت طاح وشاحها من ع شعرها الأسود الطويل قعد يشبح شويه بعدين أستاقض وناض من مكانه فتح باب المطبخ البراني وطلع يجري وخبط الباب بقوة
زينب اضايقت حست بموقفها بايخ ولقطتتها خييي هلبه سبت روحها وقعدت تقول :تو بيقول عليا خفيفة ومانتحشمش ،أضايقت هلبه حطت دواها ع طاوله حدا الباب وولت للدار وغمت روحها بغطاها وقعدت تبكي....
**********
الساعه 9:00
أريج: تو منوضيني من عز نومي ع خاطر العصيده
أصيل : وخيرها العصيده في أحلى منها فطور في الصقع
أريج: أععع مانحبهاش
حست بحد جبدها من شعرها بقوه عيطت
نجيب : ماتبيش نوضي ديري حاجه كوليها ولاإطلعي ماتقعديش تعجبي ع النعمه
مشت للثلاجه وهي شاده راسها وعيونها يدمعوا ودور في حاجه تاكلها
نجيب: وينك معاش نشوف فيك
أصيل : أنت اللي مهناش ياغالي
نجيب: دورني باهي زي ماندور فيك
أصيل : سامحني ياالحب قعدت غير نجري وناخد في المحاضرات اللي فاتوني في أسبوع الزردة
نجيب : رد بالك تهمل قرايتك وأستعجل في التخرج نبيك معاي
أصيل: إن شاء الله ياغالي
فرج وعبدو: صباح الخير
كلهم : صباح النور
أمينه كانت في الجنان وخشت هيا ياحاج قعمز نحطلك فطورك
عبدو: أووووعصيده ما فيش أحلى منها في الشتي
فرج: درتهالي بالعسل ؟
أمينه: إيه ودرت بدل السمن زبده مش باهي ليك
الولاد ياكلوا بروحهم وأمهم وبوهم بروحهم
فرج: وين جمانه وندى
جمانه خشت: صباح الخير
كلهم: صباح النور
فرج: غريبه نايضه ماخر بنتي
جمانه: إيه ماه رقدت شويه بعد الفجر
نجيب: وين الزغدة هديكا
جمانه: ههههههه جايه وراي
فرج : أريج خيرك تاكلي وإنتي واقفه؟
أريج تشبح لنجيب بغل : لالا هكي مرتاحه
فرج: على كيفك
أمينه: تدلع ماتبيش العصيده
أريج شبحت لأمها
فرج: على راحتها كل واحد وشنو يحب
أمينه : بنتي جمانه صونيتك أنتي وندى بحدا الكوشه
خشت ندى طول بدون ماتصبح ووعيونها منفوخات من النوم
نجيب: ماتعرفيش تتصبحي ؟!
ندىانخلعت : أووو نجيب صباح الفل "من الخوف معاش عرفت شنو تقول 😅"
ضحكوا عليها
نجيب :بري بري أفطري مع أختك بكري تراجي فيك
فرج: الحمد لله هيا نص ساعه تانيه وبنمشو لحوازه عبدالباسط
جمانه فنصت وهي تاكل قريب غصت
أمينه : إن شاء الله
طلع بوهم من المطبخ
جمانه : ماما مانبيش نمشي
أريج قعدت مركزه في جمانه
أمينه: علاش
جمانه: بنقرا الإمتحانات النصفيه قريب
نجيب: وشنو بتقعدي بروحك ؟؟
جمانه : كلكم بتمشوا؟
عبدو: إيه عمي عبدالباسط قال تعالوا كلكم حوش خوه جايين من برا ذابح وداير غدي وعزمنا كلنا قال مايغيب حد
نجيب: مافيش قعاد في الحوش ولاحقه ع القرايه
جمانه قعدت تشبحله لين طلع وبعدين مشت للاوندينو وغسلت إيديها وطلعت
أريج مركزة معاها وأستغربت فيها وطلعت وراها ولحقت عليها
اريج: خيرك أضايقتي لما قال بابا بنمشو لحوازة عمي عبدالباسط قبل أنتي أول وحده
جمانه : مانبيش نمشي ع خاطر القرايه أخر سنه نبي نشد ونكمل ونكتب المشروع
أريج : أهااا ببببه وفاتت من بحداها
جمانه وقفت: هادي خيرها 😕
أصيل: بالله جومانجي حدديلي السوريه تلقيها ع السرير
جمانه: 😒😒😒😒
أصيل : هههههههههههههههه خلاص خلاص ياأحلى جوجو
ضحكت ومشت لدار أصيل وتفكر كيف بدير كان شافت فيصل وكيف بيفوت هاليوم
**********
وائل يحدد في سوريته وسورية عماد للجمعه
عماد: هذا وينه من أمس لليوم تليفونه مسكر
وائل: أكيد بايت في حوش خوه وتعرفه الجمعه ديما يرقد
عماد: هذا غير أمس موصيه ع عشي خلاني نرقد ع نص دحي
وائل: حتى أنت كثرت عليه أمس عنده الحق يفوتك
عماد يتصل ويعاود : حدد وأنت ساكت
وائل: مصحححح وجهك
عماد طلع وخلاه
***********
هههههههههههههههه
رضوان : أما أنت قييسطو يا بشير
