الحلقة(18)
يوم جديد..
الصبح تسقد الحاج فرج ومرته أمينه للزوايه ،،وطلعوا بعدهم صغارهم وكل منهم ليه وجهته المتعود يطلعها يوميا تقريبا
الصقع بدي يزيد🌬 والطلعه الصبح في الصقع عذاب لهلبه ناس ومن بينهم أريج
سوسن: زدتي صقعتيني
أريج: دددددصقع سم معقوله مش حاسه بيه
سوسن : حاسه لكن أنتي صقاعه
أريج: هذا علاش مانحبش الشتي😣، كانوا يمشوا خشوا لقاعه وقعمزوا
اريج: المحاضرة الساعه 10ولا
سوسن: إيه بكككل نفخ ساعتين اليوم إنتي تروحي ماخر
اريج: لالا معاش حضرتها متاع 3_5 من اللي صارلي أخر مرة
سوسن بخبث : علاش شنو صارلك 🙄
اريج بضيق: ماتفتيحيش هالسيرة بالله عليك
سوسن : خيرك روجتي
أريج تنهدت : ماراحش من بالي نهائي نرقد وانوض نحلم بيه قلبي يوجع فيا ياسوسن ،،خش حياتي بدون مقدمات واختفي بدون مقدمات وأني كأن قلبي ماصدق حبه طول وبدون مقدمات
سوسن : كان تقوليلي كم مرة قلتي فيها بدون مقدمات نفطرك ع حسابي 😂
أريج حرجت: والله ماتتحشمي أني نشكيلك في همي وإنتي تتسهوكي !!
سوسن: ههههههه ياحمارة مش قصدي لكن حسيتك حتبكي قلت نغير الجو😄
أريج: ياريت نبكي بالك نرتاح من الوجع المتجمع على صدري وخانقني
سوسن حطت أيدها ع إيد أريج: تناسيه ولهي روحك بأي شي عنه ليه فوق الأسبوعين مابانش وشكك في إنه مرتبط يخلوني نتوقع إنه يطلع متزوج مرة وحده واللي داره كان مجرد نزوة وراحت
اريج حولت ايدها بسخريه: الله يريح قلبك زي ماريحتي قلبي 😑
سوسن: 😂😂😂هذا اللي طلع معاي
أريج : خيطي فمك خير 🤐
سوسن:😂😂😂😂😂😂
******
الساعه 10:00الصبح
في وحده من مستشفيات طرابلس العامه ،، كانت تمشي بسرعه في الممر وكلها لهفه وشوق إنها تشوفه ليها فوق5شهور ماشافته إيدها معبيات وحده باقة ورد أصفر والتانيه كيسه فيها هديه، متلهفه لردت فعله لما يشوفها
ملاك: عفوا ممكن نسأل عن الدكتور عبدالحميد الشريف
موظفه الإستعلامات: قصدك طالب الإمتياز
ملاك: والدكتور مستقبلا إن شاء الله😏
أبتسمت الموظفه: الدور التاني ع يدك الإيسار عندهم تطبيق توا
ملاك ابتسمت: مشكوره هلبه هلبات😚
مشت طول ودقات قلبها تسبق خطوات رجليها ركبت للدور التاني ولفت يسار شافت ممرضه سألتها في أي حجرة طلبة الإمتياز ؟
الممرضه :اللي جنبك هادي
ملاك: مشكوره 😄
مشت ملاك قعمزت ع كرسي تستني أمتى يطلع حبيب قلبها
ربع ساعه بالزبط بدوا يطلعوا وقفت بحماس شدت الباقه والهديه ودقات قلبها في الألف وتترقب فيه يبان عليها ..
ويطلع ووتشبح فيه وعيونها يضحكوا من الفرحه بشوفته بسرعه ماتلاشت هالفرحه لما شافته واقف مع البنت اللي كانت حتفرق بينهم للأبد يوم من الأيام وشاده إيده
صدمه بحجم شوقها ليه حست بيها ماتوقعتش هكي يصير لما درقت عليه موعد مرواحها بش اديرهاله مفاجأة بس المفاجأة كانت ليها للأسف ، خدت بعضها ومشت وشريط اللي صار زمان أيام سنة التانيه ليها في الجامعه وبداية علاقتها بعبدو بين عيونها دمعت عينها وطلعت من المستشفى تجري
أيه : والله ماقصدي عبدو أسفه
عبدو: باه حولي أيدك خلاص توا اللي صار صار
أيه: باه خليني نداويهالك
عبدو: نعرف نداويها بروحي شكرا ومشي وخلاها
أيه أضايقت ومشت حتى هي
عبدو نزل لوطا ووقف ع الإستعلامات
مروان: بنروح نرقد طووول خلاص شحني تم
عبدو: حتى أني تعب قرايه ومستشفى وإمتحانات والحكايه مفركسه
موظفة الإستعلامات: غريبه شكلها روحت بسرعه
مروان : من هي؟
الموظفه: ملاك
عبدو انصدم: منو ملاك؟!
الموظفه: هي كلها ملاك وحدة بنت الدكتورة ربيعه
عبدو بجديه: تتكلمي بجديات أنتي ولاتتسهوكي
موظفه : وعلاش بنتسهوك والله شفتها بعيوني ويخي سألتني عليك
الممرضه: إيه حتى أني ريتها وسألتني عن الغرفه اللي فيها طلبة الأمتياز وقعمزت حداها تستنى
عبدو انصعق وتذكر لقطة آيه ومشي بسرعه حول اليونيفورم وخدي حاجته وطلع جري
***
شنو غير رايهم هكي مش كان في الصيف
فتحيه أم سليمان تكلم في أختها
رقيه: إيه لكن قدموه لعطلة نص السنه لأن بيطلع بعته ولازم يسافر أخر 2
فتحيه: باهي اللي بديتي تويتلها من وقت تقول كنتي حاسه
رقيه : الحمد لله المهم كله كملته
فتحيه: الباقي نتعاونوا فيه مع بعض، رجاء حستيها طاربه ولامضايقه
رقيه: ياحنه طاااربه ماصدقت
فتحيه :ياكبدي من بنوت هالوقت
رقيه : صدقتي كل شي عندهم بدي عادي
فتحيه: شنو حال زينب
رقيه تنهدت: هادي اللي مكدرتني ياوخيتي تاكل بالسيف وحالها مش عاجبني بكل
فتحيه: جبتولها حد يقرا عليها بالك عين
رقيه: هذا اللي نفكر فيه ويستر الله
فتحيه: صاحب الستر
****
35مكالمه لم يرد عليها في تليفونها و36ترن حاليا وهي تبكي وخلاص وتذكر زمان كيف أيه دبرت لملاك مكيده وخلتها تبان في عيون عبدو خاينه وصلت بعبدو أنه كره حتى يسمع إسمها لمدة سنه انفصلوا عن بعض وأيه كانت تحاول تقرب من عبدو ع أساس أنها هي اللي حداويله جرحه وفعلا الفراغ اللي خلاته ملاك قدرت تعبيه أيه لكن ماقدرتش تاخد مكانها في قلبه لين مرة وحده من صاحباتها تعاركت معاها ومشت فضحتها وفضحت مكيدتها وعبدو قعد في جرة ملاك 7شهور بش ترجعله وبعد عذاب ووجع قلب ولتله لإنها تحبه ومن يومها وعبدو حريص ع حبه لملاك بش مايضيعيش مرة تانيه
وصلت رساله
قعدت تشبح لتليفونها وعيونها غارقات بالدموع وصلت رساله تانيه قامت التليفون وشافتهم
الأولى( ملاك حبيبتي ارجوك ردي نفهمك اللي صار ماتظلمنيش زي ماظلمتك قبل)
التانيه
(ورب العزة ماتردي ياملاك تنسي عبدالحميد لأخر يوم في عمرك وأنت تعرفيني كويس)
رن التليفون وكان هو خدت نفس وردت
ملاك: نعم شن تبي
عبدو بعصبيه: وينك توا
ملاك : مادخلكش
عبدو بصوت : ملاااااك ويييينك تواااا
ملاك خافت: شنو تبي فيا خليك معاها خلاص تعودت ع قلتي شكلك
عبدو: ترا سكري فمك وبلاخترفه زايده
ملاك خايفه وتتصنع في القوة: هييه انت تكلم معاي زين
عبدو: هيييه وانت !!مليح بكل استمري ياملاك وصكر
ملاك:حيييي عليا نعرفه لما يقولي أستمري حرجه واعر شنويرضيه توا أهاهاها ياربي 😣
'نست مرة وحدة إنها هي الزعلانه مش هو😂'
*******
متعب هلبه هالبحث
منيرة تكلم في جمانه
جمانه: الحمد لله سلمناها وأفتكينا
منيرة: وين أفتيكنا مازال الداتا شو
جمانه: عادي مافيش مشكله
منيرة : عندك أنتي لإن عندك جرأة تخليك توقفي قدام مجمع وتشرحي
جمانه تضحك: والله ماجتني هالجرأة ألا بعد تغلبت ع حالات خوف وتوتر اللي كانت تجيني في مواقف زي هادي
منيرة: ربي يمشيها ع خير
جمانه: حتفوت ع خير بإذن الله اطمني😊
إلا وين رويدا
منيرة:دايره صحبه جديده ياحنه
جمانه: حتى اني لاحظت بدينا نتلاقوا خطف ومعاش ادور فينا زي قبل
منيرة: سلامتها
جمانه: إيه صدقتي سلامتها هي حرة
منيرة: بصراحه هي متغيره من الثورة تصدقي كنت خايفه حتى ندوي قدامها لإن كنت شاكه فيها !!
جمانه: كيف شاكه فيها؟
منيرة: نعرف أن عندها قريب مع الكتائب وكنت حاسه إنها كانت تجبد مننا في الدوة
جمانه: الله المستعان وهي توا بعدت علينا لهالسبب
منيرة: في الغالب هكي
جمانه: معقوله شي زي هذا يفرق صحبة سنين؟!!
منيرة: هههههه ضحكي ياجمانه عائلاات تفرقوا وأسر تهدمت بسبب قصة المؤيد والمعارض هادي وفي اللي ولا بيناتهم دم
جمانه: إنا لله وإن إليه راجعون ،هالثورة فتنه حق
منيرة: حني اللي مش متعودين ع ثقافة إحترام الإختلاف في وجهات النظر ،،اللي هذا يبي يفرض رأيه ع غيره ومايتقبلش رايهم واللي هذا يشوف روحه هو الصح وغيره غلط لامش هكي بس نرموهم بكل الصفات السيئة ونخونوهم ونطعن فيهم...
جمانه حست إن هالكلام مر عليها وإذكرت محادثها مع سليمان حست بشعور غريب خلاها تبتسم تلقائيا
منيرة: شنو سر هالإبتسامه 😁
جمانه : لاشي بس قعدت نفكر في كلامك
منيرة: أها به 🙄
ناضت منيرة: بنمشي نحول رصيد تبي نجيبلك حاجه معاي
جمانه أبتسمت : لاالا صحيتي
منيرة مشت وجمانه فتحت الفيس لقت إشعارات خشت عليهم لقت رد ع تعليقها في صفحة(صوت الحق) قراته
"مع الأسف لإننا مانعرفوش عن الدين غير العبادات وهو أعمق بهلبه ،وسعي إطلاعك وحتعرفي أكثر من هكي"
جمانه في نفسها"هذا هو ردوده ديما حاده وفيها كبر!! وكأن هوأعلم الناس "
هالمرة هي خشتله ع الخاص وكتبت( لو عطتيني أسماء الكتب اللي قريتهم حتنفعي أفضل من ردك بطريقه حسستني فيه إني جاهله وسطحيه)
سليمان في نفس الوقت كان في الكليه وفاتح النت ولاهي ببحث يدير فيه جاه إشعار الرساله إنها من "العقد الفريد"
تلقائيا خش عالفيس وخش ع الرساله قراها قعد يضحك ورد عليها
(أني أسف ويعلم الله إني ماقصدت اللي فهمتيه أبدا )
جمانه قرت الرساله وردت
(بس ردودك تبين هكي )
(ردودي تبين هكي لكن أني قصدي مش هكي)
"علقوا في كلمة هكي 😂"
جمانه معاش ردت
سليمان (عموما أسف لو ضايقتك بدون قصد )
وحطلها أسماء الكتب اللي قراها والأماكن اللي تلقاهم فيها
(أخر كتاب أكثر كتاب نقرا فيه حاليا فيه هلبه حاجات حتفيدك)
جمانه ابتسمت وصكرت بدون ماترد
وسليمان قعد يراجي في ردها بس لقاها أوف لاين طلع من الفيس وولا لبحثه
***
الساعه 12:00
سوسن : باه ...يللا جايه ..
أريج: خيرك شن في
سوسن: خوي بيجيني توا
أريج : علاش
سوسن : بيرفعني لحوش جدي حناي شكلها بتفوز خلاص
أريج: 😂😂😂😂والله ماتحشمي ياحيوانه
سوسن: خلاص ياسرها عمرها في الميه
أريج: في وحده تتكلم ع حناها هكي
سوسن: إيه أني ،مادارتش فينا ولافي أمي خير ولاعمرها كانتلنا جده
أريج: خلاص تو هي في أخر أيامها حاولي تسامحيها سوسن لوجه ربي
سوسن: الكلام ساهل ياأريج، اللي ريناه منها عمري مانسيته كيف بهدلتنا وبهدلت أمي هي وبناتها لولا بوي كان راجل حق وكلمته من راسه ره من زمان مطلق أمي بسببهم
اريج: لاحول ولاقوة إلابالله
تليفون سوسن رن : اهو جاي يللا باي روجتي
أريج: تو نكلمك بعدين باي 🖐
اريج قعدت مقعمزة بروحها لاهيه بالفيس وفي عيون تراقب فيها من بعيد
:لوقبل خابت هالمرة حتصيب...
*****
ملاك: اني شنو قايلتلك عليها قلتلك معاش تكلمها معاش تشبحلها حتى الشبح معاش تجي جيهتها ولا ،،ملاك تتكلم بعصبيه ودموعها ينزلوا وتنتور بإيدها
وعبدو يتأمل فيها ومبتسم كانت في نظره تهبل لما تعصب ملامحها وعيونها الصغيرات غارقات بدموعهم وزادواصغروا وهي تكشخ
ملاك : وين نجي نلقاها شاده يدك شن تبيني ندير اصلا مفروض رميت كندرتي وضربتها بكعبها وخليت دمها يبخ😡
عبدو : ههههههههههههههههههه عليك إجرام
ملاك: زيد أضحك زيد 😭
عبدو ابتسم: خلاص ياشفشه معاش تبكي ومسح دمعه نازله منها بإيده وهو يشبح لعيونها ،نحبك والله نحبك😍
ملاك: حتى أني 😿
عبدو: عيني لوشافت غيرك جعلها للعمي
ملاك: بعيد.السو 😣
عبدو: ههههههههه ياحمارة بنشوف بيهم غيرك 😂
ملاك: عادي المهم مايصيرلك شي 💓
عبدو يشبحلها بحب: ملاك بنخبطك خلاص
ملاك ضحكت: أصلا هادي مفاجئتي من الأساس
عبدو بإستغراب: مافهمتش
ملاك: روحت مع عيلتي لهالسبب
عبدو: يعني فتحتي معاهم موضوعنا
ملاك: إيه
عبدو : الخميس الجاي لا اللي بعده بنجوكم😍
ملاك تضحك : مرحبتين بيكم 😊😍
وكملوا عصافير الحب هدرزتهم
نجوا للنكد 😂
في المنتزه حدا مكتب نجيب
نجيب: من الأول قلتلك جو ولاد العيله بتخليه رسمي ولا
لارا: طيب وحده وحده مو ع طول هيك
نجيب: لا عطول هيك لارا ماتحرقليش دمي من البدايه
قلتلك أني طبعي غيور الله غالب هذا طبعي والخلطه اللي ماليهاش لازمه مانبيهاش واللي تعودتي تعيشيه في بلادك بتنسيه هنايا يالارا
لارا سكتت وعيونها لوطا وتفرك إيديها ببعض
نجيب: وبعدين خيره ولد خالك هذا في شي كان بينك وبينه قبل
لارا ارتبكت: شي مثل شو 😟
نجيب: انتي اللي تعرفي مش أني خشيت ع صفحته ره وشفت صور ليك معاه وتاقات وحال لكن مافهمتش شنو نوع العلاقه بينكم
لارا زادت ارتبكت: مافي إشي،، كونا رفقات عادي يعني 😟
نجيب: لارا كلمتك من قبل وقلتلك إحكيلي كل شي ع الماضي وخليك صريحه معاي ولا
لارا بخوف: إيه وانا كنت صريحه معك
نجيب يشبحلها بشك
لارا: صدقني مو مخبيه عليك إشي
نجيب: لارا الثقه أهم من الحب ره وإنتي لو خسرتي ثقتي حتخسريني نهائي حطي في بالك هالشي وراك تنسيه
لارا تشبحله وزادت خافت أكثر وتفكر كيف حتكون نهاية علاقتهم خصوصا بعد عرفت نجيب عن قرب قداش واعر وطبعه صعب
***
الساعه 3:00
طلعت اريج من الكليه بتروح وهي ماشيه لسيارتها في عيون تراقب فيها وناويتلها ع نيه
وقفت قدام سيارتها بتفتحها لاحظت حاجه: هذا شنو لاااياربي العجله مفشوشه ؟!
لادت ع باقي العجل لقتهم مافيهم شي كيف بدير
جربت تتصل بخوتها اتصلت بنجيب اكثر من مرة ماردش
اتصلت بعبدو مقفل وأصيل مايردش
اريج: عندي خوت غير بالإسم ياهمي كيف بندير ؛؛وكانت متحشمه تطلب مساعده من حد الدنيا بدت تفضى ومافيش وحد دار حركة جنتله وساعدها اللي هذا ركب سيارته والطريق قعدت قريب نص ساعه والدنيا بدت تفضى
اريج: حييي عليا علاش حظي ديما هكي عاودت أتصلت بخوتها لكن شي وقفت تشبح للعجله : وقتك توا يابلوة واللي نكلمه يامقفل يامايردش ومن حظي الزززفت بابا مش في طرابلس
: هذا حظي الحلو غلب حظك
اريج الدنيا وقفت بالنسبه ليها معاش حست بشي نبرة الصوت ترن في وذنها والعطر المميز نفسه تسلل لأنفها ،،"ياااربي هو والله هو "،،،الفتت بالشويه وتلقاه الوجه اللي استاحشت تشوفه العيون الإبتسامه المغرورة اللي تسحر بنفس الأناقه اللي ماشافتش زيها في راجل قبل
ضرار: ترا حولي شويه
اريج بدون شعور حولت
نزل ضرار وقعمز ع روس صوابع رجليه ويشبح للعجله: عندك غيرها في السياره؟
أريج لاحياة لمن تنادي
قام راسه وشبحلها لاقاها سرحانه فيه
ضرار ضحك: لهالدرجه معجبه 😏
اريج خشت كلمته في وذنها زي اليبرة أستاقضت وبغرور: وعلاش انت فيك حاجه تعجب 🙄
ضرار وقف قدامها ويشبحلها بحده: عندك غيرها في السيارة
أريج موترها قربه ونظرته خوفتها لكن اظاهرت بعكس هكي: إيه في الكوفني
ضرار مشي جيهته : تعالي أفتحيه
اريج: علاش
ضرار بعصبيه:علاش!! بنتكا داخل !! نبي نطلع العجله بش نركبها
اريج خافت ومشت للكوفني وفتحاته وهو قدم حول البالطو الأسود متاعه وهو يشبح للعجله: شدي
أريج خدت البالطو وشادته وهي منسبهه فيه وريحة عطره عبتها
قام كمامه وخدا العجله وحاجات تانيه معاها"مانعرفش شنو يقولولهم😂"
وقعد يبدل في العجل ويركب وهي تشبحله وبس قداش مستاحشاته ومش مصدقه إنها تشوف فيه قعدت لإراديا تحضن في البالطو وهي تشبحله
ضرار: هادي في حد طابقهالك قصدا
اريج في عالم تاني
قام راسه شبحلها لقاها تشبحله بعيون ذابله وركز عليها حاضنه البالطو هو مشي فيها مرة وحدة معاش حس بشي قعد يشوفلهاوهي تشوفله ونسوا كله شي ،،ضرار مايندريش ع روحه ناش صبعه انجرح وبدي الدم يصب ناض شد صبعه
اريج : حييي عليا صبعك يصب دم صبعك وشدت إيده هو نسي صبعه وشنوصايرله ويشبحلها
اريج: خليك شويه مشت لباب اللي جنب السواق فتحت قجر السيارة طلعت منها علبه صغيره فيها إسعافات أوليه تعودت ديما ترفعها معاها هي وخوتها أمهم علمتهم بيها
حطت بالطوه ع كرسي وخدت العلبه وجاته بها وشدت إيده وقعدت اداويله في صبعه بحرص وتحطله في المعقم وتشوف فيه كان توجع ولا لا
وهو والله معاد حس بحاجه غير بمشاعره اللي تلهب في صدره وقلبه اللي قريب يطلع من مكانه وكان يلقى ياخدها في حظنه بالك يهدا قلبه شويه
هي كانت تسمع في دقات قلبه القويه بس حاولت تتجاهل لين تكمل اللي في إيدها كملت وشبحتله
اريج: لازم تمشي لمستشفى اوعياده وتشوفها كان تبي خياطه ضروري
ضرار خدي الحاجات والعجله حطهم في الكوفني بإيد وحده ومتجه لسيارته : اركبي سيارتك هيا وكمل طريقه لسيارته
وهي ركبت ومشت وهو طلع وراها
في الوقت نفسه
: تي من وين تطلع يا $#&$%
لكن أريج والله ماحتكون لغيري........
يتبع .....
#GomanFared
