الحلقة(67)
متأكد من قرارك ؟!
عماد: أكثر قرار خديته في حياتي كلها متأكد منه
بوه: باه انت شوف البنيه وأني معاك
عماد بفرحه : بجديات بوي
بوه هز راسه بإيجاب وهو مبتسم
عماد ناض: هيا نستأذن السلام عليكم ..ومشي
بوه"وينك يافاطمه تجي تشوفي ولدك كيف ولا راجل بمعنى الكلمه،،الله يرحمك ويسامحني"
**
تاني يوم
ريما كانت مقعمزة لاهيه باللاب توب
صباح الفل
ريما ابتسمت : صباح الخير
عبدالملك: شويه تانيه وعز جاي
ريما : ورشة العمل حيكون فيها؟
عبد الملك: قالي نحاول
ع خشة نجيب شافهم مقعمزين ويهدرزوا وكانوا بعاد عليه شويه شافلهم شويه"تجري ورا سراب يانجيب خلاص كل شي انتهى لازم تقتنع " ومشي طول ...
***
بعد ندى مشت لإمتحانها واللي وصلها أصيل ،،الحوش قعد فيه جمانه وأريج وأمهم كانوا مقعمزات ع طاولة المطبخ يشربوا في القهوة وكل وحده عقلها في تركينه وأمينه تحوس في الجنان الراديو كان مفتوح وكان فيه برنامج صباحي وجابوا فاصل غنائي كانت أغنية إليسا "لوتعرفوه"
لو تعرفوه لو يوم يقابلكوا أسألوه ليه الأيام ياخدوه
لو تعرفوه لو يوم شفتوه كلموه عن ناس هنا بيحبوه
لوتعرفوه لو يوم يقابلكوا أسالوه ليه الأيام ياخدوه
لوتعرفوه لويوم شفتوه كلموه عن الناس هنا بيحبوه
وفكروه فاتني وبأستناه ..
وكمان بقى عرفوه من فات حبيبوا تاه ..
وأبقوا أسألوه أزيوا وأزي حالوا في بالو أو مش في بالو
مانساش هوانا وأمانه كل اللي يتقال قولوه
وفكروه فاتني وبأستناه وكمان بقى عرفوه من فات حبيبو تاه
جي الفاصل الموسيقي نزلت دمعه من عيون جمانه وعيون أريج شبحوا لبعض اريج شبحت لجمانه بإستغراب وجمانه نزلت عيونها
ف جهة تانيه كان سليمان يدهور في شوارع لندن ويفكر ويفكر ومستاحش هلبه ...
أما ضرار فكان موجود في إجتماع شركه عنده برا ويحاول يتناسى حد الزين اللي عايشه في روحه وقلبه💔
لوتعرفوه لو كان في بينكم كلام حد يسلملي عليه
لو تعرفوه قولوله ببعتلوا السلام لعيونوا وقلبوا وليه
وفكروه فاتني وبستناه
وكمان بقى عرفوه من فات حبيبوا تاه
وأبقوا أسألوه أزيوا وأزي حالوا في بالوا أو مش في بالوا
منساش هوانا وأمانه كل اللي يتقال قولوه
وفكروه فاتني وبأستناه
وكمان بقى عرفوه من فات حبيبوا تاه...
***
نجيب يتكلم بالتليفون
نجيب: عجبتني الفكره هلبه
معز: تمام كلم عمي فرج وقوله ينسق مع بوي
نجيب : هو هذا الواحد يبيها تغيرة الجو هادي
معز: صح
نجيب : شن جو الخدمه
معز: الحمد لله ماتوقعتش بعد نولي نلقا مكاني قاعد يستنى فيا
نجيب: وين بيلقوا زيك كفاءة وخدمه صح وإنسان أمين
معز: شويه من اللي عندك ياولد العم ،نجيب
نجيب مبتسم: نعم
معز: شن أخر المستجدات في الحادث اللي صارلك
نجيب ملامح وجهه تغيرت للغضب: طلع مدبر
معز: وماعرفتش منو وراها
نجيب: عرفت
معز: شنو بدير
نجيب ابتسم بمكر : اللي لازم يندار مع هالنماذج ..
معز: تبي أي حاجه قول تلقاني في ظهرك
نجيب بإبتسامه: تسلم ياولد عمي
معز: هيا مالا مانعطلش عليك ،،نتلاقوا
نجيب : في أمان الله ...وصكر
وهو ماشي قابله عز العرب : اوووووو نجيب باشا ؛وسلم عليه بالأحضان؛الحمد لله ع سلامتك ،وبعده وشبح لرجله ،فكيت الجبس
نجيب بإبتسامه: الله يسلمك أهو رجعنا للملاعب ،،ضحكوا الزوز
عز: مشارك في الورشه ؟
نجيب: ايه
عز: كويس ،،ماشي للقاعه ؟
نجيب : ايه
عز: استناني شويه بنجيب حاجه من المكتب وجاي
نجيب :OK
تغيرت معاملة عز ونجيب لبعض بعد موقف ريما اللي خلا عز العرب يلغي فكرة الإرتباط بيها برغم حبه ليها ونجيب اللي لماعرف إن مشروع زواجهم التغي احترم عز هلبه وبدت الحواجز والحساسيات بيناتهم تتلاشى بالذات لما عرف أن أول ماصارله الحادث عز جاه طول...
عز طلع من مكتبه وجي لنجيب وتوجهوا مع بعض للقاعه اللي فيها ورشة العمل خاشين مع بعض يضحكوا ويهدرزوا ريما شبحتهم وأبتسمت أما عبدالملك فشبحلهم برفعه حاجب وإبتسامه استغراب ...
***
والله ماوقته ياعماد
عماد: توا وقته ياسرور ارجوك ضروري نشوفك
سرور: مستحيل
عماد بقلة صبر: ماتصعبهاش ياسرور مش جاي نهيدق اني جاي بكلمك في موضوع مصيري
سرور خافت وقعدت ساكته
عماد:هاه شنو
سرور: خل نشوف وتو نعاودلك...وصكرت
عماد: يارب يسر ولاتعسر...
**
عبدو في المستشفى يكلم في ملاك ع التليفون
عبدو: الحمدلله قلتلك من البدايه غيرأنتي تخوفي في روحك ع الفاضي
ملاك: غصب عني ياعبدو
عبدو: أمس كلمته بوك وماشاء الله حتى صوته فيه حيويه
ملاك: ايه قالي كلمني عبدالحميد 😍
عبدو: وشن قال عليا تاني 😁
ملاك: قالي إنتي محظوظه بيه يابنتي😂
عبدو: تتسهوكي ياباردة 😑
ملاك: انت اللي تسأل في أسئله غريبه 🤣🤣
عبدو: تي باهي باهي تو يجي يوم ونوريك😒
ملاك: احم..قولي شن حال أريج 😳
عبدو تنهد: زي ماهي ذابله وحزينه
ملاك : لاحول ولاقوة إلا بالله
عبدو: جمانه مش خير منها بكل مش عارف خيرها معاش نشوف فيها وكان شفتها خطف والمكان الوحيد اللي تطلعله الجامع
ملاك: انت مش قتلي أخر امتحان قالت إنها ماجاوبتش فيه
عبدو : ايه
ملاك: طبيعي تضايق لأن الماده هادي حتعفسلها في التخرج
عبدو: بس حاسس أن في شي تاني
ملاك: زي شنو يعني
عبدو تنهد: والله مانعرف حالها شاغلني هلبه
ملاك: باه حاول تفضي روحك وطلعها معاك لمكان حلو وهدرزوا
عبدو: تونشوف
"دكتور عبد الحميد يبوك في غرفه (****)"
عبدو: هي جاي،، مشت الممرضه
ملاك: هيا مالا حبيبي نخليك تشوف شغلك وطمني شن يصير معاك
عبدو: تمام حبيبتي سلمي ع أهلك في أمان الله
ملاك: حتى أنت سلملي عليهم مع السلامه وصكرت ...
ومشي عبدو يشوف في شغله
***
تمت الورشه ونجيب بيمشي وهو يلم في حاجاته شبح لريما لقاها لاهيه مع مجموعه بنات وولاد وعبد الملك معاها مافارقهاش بكل ،،هي عينها جت ع نجيب لقاته بيطلع قام عيونه فيها شبحوا لبعض نجيب ابتسم بضيق وطاالع
ريما : نستأذن شويه وجايه
عبد الملك : وين
ريما وهي ماشيه التفت: تو نجي ،،ومشت
عبدالملك تنهد...
نجيب نجيب
وقف في مكانه وألتفتلها وابتسم: نعم
ريما: خيرك
نجيب: خيرني ؟!
ريما : حاساتك مش ع بعضك
نجيب ابتسم : لاعادي جدا
ريما قعدت تشبح لعيونه اللي كانوا يقولوا شي تاني
هو حول عيونه للجهه التانيه: هي أني ماشي تبي شي
ريما بنبرة حزينه: سلامتك ...
نجيب لبس نظارته ابتسم ومشي وريما مضايقه هلبه حست كأنه يتهرب منها ...
***
بهمس : انت هبلت؟!!
سرورو عماد كانوا واقفين ورا الحوش ...
عماد بهمس: لا هذا عين العقل
سرور: عين عقل شني اللي تبي تقيا فاتحتي وأمي ماليها عشيه أيام متوفيه
عماد: ماقلتش بندير عرس فاتحه بس
سرور: حول الفكيه هادي من دماغك ايجوك
عماد شد ايدها: ارجوك سرور أفهمي لازم نقرا فاتحتك
سرور لما شد ايدها فهماته غلط وأولت موضوع الفاتحه تأويل مش كويس نفضت ايدها من ايده بالقوة
سرور بغضب ودموع : يقولوا فيها واحد مشنوق وتاني باله في الحلوة ..وفوق هكي جاي تكلم فيا تقول مقطوعه من شجيه ماعندي خوت تكلمهم طلعت يخيصه في نظيك
عماد بصوت عالي : تشن تخرفي ..فنصوا في بعض ووطى صوته ،تشن تخرفي إنتي انا قلتلك بنقرا فاتحتك مش تهربي معاي
سرور: لالا لالاا يعني لااااااااا ومشت وخلاته
عماد تنهد " كيف ندير يااااربي دلني"...
***
مع المغرب...
أمينه مقعمزة في الجنان مع راجلها
أمينه: والله احسن شي تكمل إمتحاناتها ونمشوا
فرج: أمتى تكمل
أمينه: الثلات الجاي
فرج : كويس وحني نحجزوا من الإربعاء للإربعاء وبنكلم حتى عبد الباسط
أمينه : كويس بككل
هرب الضي
أمينه: بدو في الموال الأحرف
فرج : ربي يصلح الحال ،ناض، خل نمشي نولع المولد
ع خشة أصيل ونجيب
نجيب: الضي هارب من (*****) لين وصلنا هني
أصيل : ظلام دامس
فرج : هي تو نولع المولد
اصيل : وين ماشي بوي قعمز تو نولعه أني،،ولع الفلاش ومشي
شويه وولع
امينه: ينور عليه وليدي
نجيب: تقول كلم الشركه باش جابوا الضي 😒
فرج: اي شي يديره انجاز عندها 😂
أمينه: الغيرة واكلتكم انتوا الزوز
نجيب: غيرة شنو بالله ..
أصيل سمعهم وجي: غلاي أنتي مادوري حد
أمينه : ومن قالك مدورتهم خليهم ياكلوا روحهم
أصيل: اقوى عليهم
نجيب:😑
فرج:😂😂
أمينه: ايه حق كلمت بو ملاك
فرج: ايه كلمته حاله باهي وفتحت معاه موضوع العرس اسبوع لبعد العيد أن شاء الله
امينه تنهدت: أن شاء الله مايصير شي ويدير عرسه وليدي
نجيب تنهد :لولا اللي صارلي ره متزوج توا
أمينه: الحمدلله اللي نشوف فيك قدامي صحيح وبخير
نجيب ابتسم وبعت لأمه بوسه طايرة
أصيل: أن شاء الله رضيت توا
نجيب : تي هي مرة في العام حاسدني فيها راني انحرمت من كلامها ليا 6شهور
أمينه عيونها دمعوا
فرج : خلاص انت وياه اهو بتبكوهالي ،،شد ايدها ،هي نوضي ياغاليه وفوتي وجع الراس متاعهم ساد المولد
ضحكوا كلهم وناضت أمينه هي وفرج
اصيل شبح لنجيب : نجيب
نجيب شبحله: شنو
اصيل: صار شي بينك وبين ريما ؟
نجيب: شي زي شنو ؟!
اصيل تنهد: شفتك لما كنت واقف عليها تكلمتوا بعدين انت مشيت وهي قعمزت في تركينه شفتها لقيتها تبكي
نجيب قلبه فز: تبكي؟؟
اصيل: والله بعيني ريتها ؛ضايقتها
نجيب: والله لا ،،طلع تليفونه من الشنطه حط الشنطه ع الطاولة وبعد عن اصيل واتصل بيها
ريما كانت ادير في بيتزا العشي رن تلفونها شافت الرقم غسلت ايديها ونشفتهم بسرعه وردت
ريما: آلو
نجيب: ايوه ريما شنجو
ريما : تمام الحمد لله
نجيب: أمتى روحتي اليوم
ريما : 3...
نجيب: احم..ريما
ريما: نعم
نجيب: ضايقتك اليوم؟
ريما قلبها دق بقوة : لالاا علاش بضايقني
نجيب بإرتباك: حسيت مش عارف 😓
ريما ابتسمت وبمزح: لالا مافي شي انت وليت احسن واحد بعد عطيتك كليتي
نجيب بضحكه: ايه حسيت روحي وليت حنون وقلبي طيب زياده ..هادي كليه وهكي مالا كيف لو عطيتيني قلبك
ريما"عندك من زمان مخلياته": ههههههه
نجيب بضحكه: صوتك فضيع يبدا لما تكوني فرحانه ينغم تنغيم
ريما بخجل: كنت ديما تتسهوك ع صوتي
نجيب بضحكه: صوتك وطريقة كلامك مميزات لكن حلوااات هلبه
ريما تحشمت وسكتت بعدين:هيييييييييييييييي😲
نجيب انخلع: خيرك؟
ريما : البيتزا انحرقت 😨
وسكرت عليه ،،ونجيب قعد يضحك "نحبها يااارب ردهالي ارجوك " تنهد وخدي حاجاته وخش ...
**
وائل يتكلم في التليفون.
وائل: طيب فينا اللي دورتنا
سليمان بضحكه: شنو حالكم
وائل: الحمد لله ،قالوا مسافر
سليمان: ايه ومروح غدوة بإذن الله
وائل: توصل سالم
سليمان: آمين،،تسلم
وائل: شنو صاير
سليمان تنهد: نروح إن شاء الله ونهدرزوا
وائل: حتى أني عندي مانقولك
سليمان: به سلملي ع الشباب هي السلام عليكم
وائل: يوصل وعليكم السلام....
يتبع .....
#GomanFared
