الحلقة(101)
اعتدال : قتلك خزرطهم قريب ماتوا من الخوف وتعرفي موسى انتي يخدم مع منو..
سرور ببكي: والله مامصدقه لهالديجه توصل بيهم وأني اللي صدقتهم وفتحتلهم حوشي وحوش ناسي وساعدتهم فوقها ..هذا المنتصي حالته تغييت من لما ولا يخدم مع سلفي الكبيي
وخوك مييعي ساعدناه في مشيوعه هادا جزائي !!
اعتدال : خوتك هذا حالهم مايجروا غير علي مصالحهم ونساوينهم العقارب الحسد قاتلهم منك ..تصدقي كانوا ناويين يدبسوها في راس سلفتك اللي اشتركت معاهم ويديروها هي اللي دارتلك السحر ..وحتى سلفتك هادي محقرها..
سرور: ملاحظه ع سلفاتي حيكات مش تمام لكن كنت نطنش وماتوقعتش توصل لهني بكل ...حسبي الله ونعم الوكيل..
اعتدال: توا ردي بالك وافتحي عيونك وماتأمني لحد من ماكان اخطى راجلك وشيبانيك..
سرور: والله ميت صاحب عماد ماعايفه كيف نشكيها لولاها اشبح شنو صايي فيا توا ..
اعتدال: ايه والله ربي يحبكم اللي خلاها تكشف اللي صار هذاكا اليوم..
***
كل من جرايره من فعايله من الأول قلتكم ولدكم هذا بيجيبلنا مصيبه كبيره
فتحيه: اسكت ياضو تربح ..
في دار سليمان وجمانه....
جمانه بخوف : تعوذ من الشيطان و قول لاإله إلا الله
سليمان بغضب : ماتسمعيش فيه شنو يقول...؟
جمانه : اهدى ارجوك ..
"لو هو راجل حق وقد اللي يدير فيه يطلع ويدور خوه وين"
سليمان دف جمانه وفتح الباب وطلع ..
سليمان بعصبيه مكتومه ويأشر بسبابته: الزم حدك ياضو ماسكتلك شوي ..ديما نحط في اعتباري انك خوي الكبير لكن هالأعتبار ساهل عليا نحطه ع جنب
ضو بتهكم : شن بدير بتضربني !!؟
سليمان : لو اضطريت حنديرها
فتحيه : هذا اللي مازال تتضاربوا وانتم خوت لااني ولابوكم ربيناكم هكي..
ضو: والله قوليها لولدك الشيخ اللي ديما وانتي مفضلتيه علينا
سليمان: هيييه انت راك تكلم في امك استاقض لعمرك..
ضو : مش انت اللي تعلمني كيف نكلم امي ..وتوا دير حل وطلع خوك اللي لينا ايام مانندروا عليه وكله في جرايرك السود ..
خش رضوان اللي كان يسمع في دوشتهم وكلام ضو طاح في وذنه: شن دخل سليمان ياضو
ضو: شن دخله؟!!!تي هو اللي دخله ..قولي كم مره هددونا في جرته ..
رضوان : باهي هددونا لكن هذا من قبل ما سيدي يدخل ويحلها معاهم من بعدها معاش تهددنا ..اللي صاير لرمزي مالاش دخل بسليمان ..اللي صاير لرمزي شي تاني ..وأشر بسبابته عليه ..وانت تعرف وكم مرة نبهتك وقلتك خوك مش عاجبني اشبح شن صاير معاه ..
سكت ضو وغير عيونه لجهة تانيه ومط شواربه بإستياء
رضوان بإستعجال: المهم توا تعالوا معاي بسرعه
سليمان : شن في
رضوان: مش وقت أسئله توا اطلعوا معاي هي سيدي يراجي فيكم
فتحيه بخوف: وين ماشين كلكم نكون في واحد نصبح في اربعه..
ضو بتهكم: شدي وليدك عندك كان تبي.. وطلع
سليمان بغضب : الله المستعان ..
رضوان: فوته مادوراش وهي تعالى ..وطلعوا...
جو الكناين يجروا ..
جمانه وشاده فتحيه: إن شاء الله خير ياعمتي ادعيلهم بس وربي حيردهم سالمين كلهم
فتحيه: سكينه وين
جمانه: رقدت بعد هلكت من البكي ..
فتحيه : يااارب
امباركه: كنا مرتاحين عمرها ماصارتلنا هالمصايب..
لطيفه: ربك يستر من الجاي
جمانه عطت شبحه تحرق لإمباركه وخدت فتحيه ودخلتها داخل
امباركه بغيظ وبهمس : إن شاء الله تترزا فيه ياااربي
***
شن خطر عليك عمرك مادرتها
كنان بضحكه: واهو درتها ..
ريما : خيرك رنا فوق مامسيب قرايته وبيطلعنا
رنا : الا ع سيرة قرايتك كيف صار في امتحناتك اللي فاتوك..
كنان بغرور مصطنع : حليتها وكلمت الدكاترة ولأن خوك مستواها ممتاز ساعدوه ..
ريما : نجيلي الممتاز
كنان : الصببببر ياريما..
طقطق
ريما : بالله رنا افتحي ..
رنا مشت فتحت الباب : اهلاااااا ندو
ندى بأبتسامه : كيف حالك رنا
رنا : بخير الحمد لله خشي ندو..خشت ندى ..عيونها في عيون كنان اللي كان يشبحلها بحب ومبتسم
ندى: احمم كيف حالك كنان
كنان : توا بس وليت عال العال 😍
ندى:😳
ريما ورنا:😌😌
ريما: ندوشي كلمت نجيب وقال باهي ..
ندى : كويس ...
رنا : من متوفيلكم
ندى: واحد من اقارب بابا في الزاويه
رنا: الله يرحمه..
ريما : ندوشتي بتباتي عندي طبعا
ندى بأبتسامه : ايه قالي نجيب
ريما : خل نمشي نلبس وشاحي..
رنا : ارفعيني معاك ...ومشوا لدار ريما ..
ندى بخجل: شن جو
كنان: بيك احلو 😍
ندى: كنان معاش تحرجني قدام خواتك 😳
كنان: هههههههه عارفين اللي فيها قايللهم غير اتم السنه هادي بتخطبوهالي
ندى: حيييي حقه!!
كنان ويقلد في صوتها: إطيييه حقه
ندى بضحكه: مبردك..
كنان : ILove you to much💖
ندى : 💕💕💕
***
قلبها يغلي من الخوف عليه من لما طلع هو وخوته لاحس عليهم ولاخبر..تظاهر بالقوة قدام امه اللي كانت ع شفا حفرة من الإنهيار وتهدي فيها ..وهي تبي من يهدي عاصفه الخوف اللي تهب في داخلها...كانت عيونها ع سكينه ..اللي مالحقتش تفرح زوجها بالخبر اللي ليهم فوق سنتين يستنوا يسمعوه..كانت منهاره تنوض تبكي لين ادوخ ترقد وتسأل وين رمزي ...فاتوا ساعه ..اتنين..تلاته ..الأقارب سمعوا وعبوا الحوش ..والكل يترقب.ع قد ماأتصلوا بيهم لارد..الساعه 10في الليل ..سمعوا زوز سيارات جو...خش اكرم يجري :عمي رمزي روح ..عمي رمزي روح ..
قعدوا يزغرطوا من الفرحه ..طلعتلهم امهم رمزي ورضوان وضو..بس لحظه ..وينه ...سليمان وين ...!
رضوان وجهه مقلوب: ماجاش بكل هني؟
فتحيه وهي ترعش: حي عليا ماجاش ماجاش خوكم وينه
رمزي : اهدي يام تونكلمه ..يتصل لارد مرة اتنين اربعه مافيش رد ...
فتحيه بإنهيار: سليمان ياكبدي وينك يما ..وجت مقعمزة وولادها سندوها ع جية عمران ..
عمران بقلق مخفي: اهدي يافتحيه مش هكي..
فتحيه ببكي: شن هو اللي مش هكي!! التفتت لضو ورضوان ..هو طلع معاكم كيف صار فهموني ؟
رضوان: حني وصلنا للمكان اللي قاللنا عليه بوي وبعد لقينا رمزي ..هو جاه تليفون رد عليه وجانا قاللنا ماشي مشوار وحيسبقنا للحوش ..
فتحيه : وينه باهي وينه ...
عمران : لاإله إلا الله وخلاص
فتحيه شبحتله بخوف شديد: شن قصدك...لاياعمرااان ووووووه عليا
...
جمانه بتموت من الخوف مش فاهمه شي ..هما كانوا داخل ..وعزوزتها مع ولادها برا ...
امباركه جت تجري: انظر شن تراله سلفي سليمان
جمانه بخوف ونظره مليانه دموع : خيييره ؟
امباركه بتشفي واضح بعض الشي:روحوا خوته وهو مش معاهم ونشبح في عمتي تندب ..
جمانه فاتحه عيونها ع وسعهم من الصدمه قعدت ترعش كلها مع بعضها ...وشويه حست روحها فشلت تماما ..ومعاش تندري ع شي...
رفعوها شيبانيها وعزوزتها للمستشفى .. كان عندها هبوط ركبولها تغديه ومافاقتش ..الحمل ماانضرش..و سليمان مافيش عليه ولاخبر...
***
راكبين في السيارة ومتوجهين للحوش بعد عزومه عشي حلوة من كنان ..كانت مقعمزة وراه وهما ماشيين وهما مروحين ..قريب دار بيهم اكثر من حادث لأنه مركز معاها هي 😂
وهي كانت متحشمه وقليل ماتشبحله ..وخواته ملاحظينه بس مدايرين الحولة..
رنا: عاودها كنانو...
كنان : كان ندى معاكم اكيد
ريما بضحكه: خلاص ياندى بتفضيلنا روحك كل اسبوع مرة
ندى: هههههه😳
رنا : اشبح للطريق راك تودرنا 🙄
كنان : مركز ماتخافيش 😍
رنا بضحكه: ايه مركز هلبه حتى اني نشبح فيك 😏
ندى😳
كنان:😂
***
امباركه : جعله مايولي ...
لطيفه: امباركه مش عارفه علاش حاستك تكرهي سليمان لأسباب تانيه كرهك ليه بزياده
امباركه بربكه: لاأسباب تانيه ولا الفري..اني مانطيقاش لله في لله وخلاص ..
لطيفه شبحتلها بنظرة شك وسكتت..
...
زينب ببكي : يااارب وينه وشن صار فيه
وداد : وانتي علاش واجعك ..اللي داره فيك لقاه
زينب: حرام عليك هو مادارلي شي ..بالعكس هو مارضاش فيا ناخده وهو مغصوب عليا ..وممكن نولي مطلقه بعدين ..
وفي النهايه هو ولد خالتي شن بنكسب لما نسود قلبي عليه..
وداد: درويشه وعبيطه
زينب ناضت: درويشه خير مانكون خبيثه وقلبي اسود ..ومشت من حداها..
...
سكينه : ياناري عليها مسكينه ..أن شاء الله مايصيرش لحملها شي ويرجع راجلها سالم
سميه : ماليهمش شهرين متزوجين ياناري ..ربي يردهولها سالم يااارب..
فاتت الساعات وجمانه كملت التغديه واصرت تروح للحوش تراجي راجلها ..اللي مافيش عليه اي خبر ..للساعه 3في الليل مافيش عنه شي نهائي ...جمانه تصلي في القيام وتدعيله ودموعها سيل قريب تموت..الحوش فضي اللي هذا روح ..وقعدت فتحيه نايضه هي وجمانه وكل وحده قلبها نااار...
وعمران قاعد يدير في اتصالاته ..وباعت جماعه يدوروا عليه ..
عمران: كان نعرف منو اللي كلمه بس
رضوان : هو من لما كنا في السيارة كان يدير في اتصالات وكلامه مكانش مفهوم ..
رمزي: كله مني في جرايري اللي صار تصير فيه حاجه مش حنسامح روحي لين نموت
عمران شبحله بنظرة صارمه: انت حسابك بعدين ..غير نطلعوا من اللي حني فيه ع خير بس ...
....
كانت راقده وتحلم بكابوس خلاها تنوض مخلوعه ..شبحت للسقف هلبه ..جبدت تليفونها اللي بحداها لقت الفجر مأذن من نص ساعه ..ناضت والدنيا صقع زي السم ..راسها يوجع فيها ..وحاسه روحها فاشله ماكلت شي وناسيه انها حامل
الجو هادي فاتت من حدا الصاله لقت عزوزتها تصلي وتدعي وتبكي ..فهمت إن مافيش عليه خبر..دموعها نزلوا ..وقلبها معصور عصر ..خشت لدارها ومشت للحمام توضت وطلعت صلت ..وتدعي وهي تبكي ربي يردلها حبيبها راجلها حياتها كلها..رقدت ع صليتها وهي تبكي وتبكي لين خداها النوم من جديد...
الساعه 8:00 الصبح
راقد ع رجل امه ..وهي تبوس في راسه وتشم في ريحته ..
فتحيه ببكي : قريب قتلتني ياولدي
سليمان : سامحيني بس تليفوني مكانش معاي ومكانش عندي وقت نتصل ولانكلم حد.
فتحيه: والمسكينه اللي قريب ماتت لاماكله لاشراب وراعشه وهي حامل ...
سليمان ناض: معقوله ياامي تخلوها هكي ..
فتحيه : ع قد ماداروا فيها البنات مابت تحط في فمها حاجه ..لين اغمى عليها ورفعناها ودارت تغديه ..
سليمان وقف : ربي يهديها ويهديكم ..ومشي للدار..فتحها لقاها راقده بملاية الصلاة ع الصلايه ..ودموعها ينزلوا وهي راقده .."اااه ياحوريتي سامحيني انشغلت عنك"
قدم وقعمز ع ركبيه ..نزل وباسها من خدها ..هيا حست بيه..شمت ريحته ..فتحت عيونها بالشويه شافاته ..قعدت وضعيتها وتشبحله وبس ..هو حط ايده ع خدها :حوريتي سامحيني ..حطت ايدها ع ايده شدتها وناضت وقعدت تشبحله شويه ..وبعدين حضناته بكل قوتها وقعدت تبكي ..
سليمان بضحكه: قتلتيني ..
جمانه : اسكت .
سليمان : هههههههه..💖
....
تبيعلهم الحوازة وانت عارف البلي اللي يديروه فيه ...!!
رمزي: مكانش هامني اللي يديروه المهم حصلت في االحوازة بيعه كويسه ..مش خاطر في بالي الراجل اللي درته صاحبي يجرني لهالمعامع ..
عمران : اخرتها الحاج عمران عبدالمقصود يديروه من جماعه تجارة البشر..!!
رمزي قعد ساكت ..
رضوان : الحمد لله اللي سليمان تصرف ورجع شري منهم الحوازة بطريقته ومعارفه كان هذا جرونا كلنا في القصه ..
عمران: من اليوم وغادي اللي حطيتك عليه يارمزي كله تسيبه وتسلمني كل المسؤليات اللي سلمتهالك في الرزق ..ووجهك درقه عليا الأيام هادي مانبيش نشوفه ..
طلع رمزي بسرعه ع جية سليمان..
سليمان شده: شن صار..
رمزي بتهكم : ماصار شي غير انك ديما تطلع بطل وحني اللي ماننفعوش زي العاده ...ومش وخلاه وسليمان اضايق لأبعد حد..كل مايحاول يصلحها معاهم تخرب...
***
في احد الأماكن في ليبيا ..
: مايهمنيش المهم تاري بناخده ..
:تارك مش هنا في طرابلس
: ايه بس توا مش وقته تو يجي وقته وزي مابكيت الدموع حنبكي اللي يحبوه عليه دم...
"اويس ..قتاده ...انظما لساحة التدريب في الحال"
: سمعا وطاعه...
يتبع .....
#GomanFared
