နောက်ဆုံးတော့ အတန်းပြီးသွားတဲ့အခါ မုရှောင်းရှောင် ဆက် သည်းမခံနိုင်တော့ဘဲ မတ်တပ်ထရပ်ပြီး အပြင်ကို ထထွက်သွားသည်။ ဒီတစ်ကြိမ်မှာတော့ ယုကျန် က သူမကို မတားဘဲ စိုးရိမ်တကြီးနဲ့ နောက်ကနေ လိုက်လာခဲ့သည်။
ထို့အတူ ပိုင်မိန်ကျောင်းက လည်း အမှတ်တမဲ့နဲ့ မုရှောင်းရှောင် နောက်အတူတူ လိုက်ပါလာသည်။ပိုင်မိန်ကျောင်းက မုရှောင်းရှောင် ယင်းရှောင်ကျဲကို လိုက်ရှာနေမှန်းသိသည်။ သူမသည် မုရှောင်းရှောင်အား ဂုဏ်ယူစွာ ကြည့်ပြီး သူမ နှစ်ယောက်ထဲမှာ ပိုင်မိန်ကျောင်းဆိုတဲ့ သူမကသာ အောင်နိုင်သူ ဖြစ် ကြောင်းပြသလိုသည် ။ ပထမထပ်အဆင်းတွင် သူတို့သည် ဟန်ချီချင်နှင့် ထိပ်တိုက် တိုးကာ ၀င်တိုက်တော့သည်။
" ရှောင်းရှောင် ဘယ်သွားမလို့လဲ"
ဟန်ချီချင် မုရှောင်းရှောင်ကို နားမလည်နိုင်စွာ မေးခွန်းထုတ်လိုက်ပြီး သူမ၏ လက်မောင်းကို ချိတ်ကာ ရှေ့တိုးလိုက်သည်။
ပိုင်မိန်ကျောင်းသည် ဟန်ချီချင်၏ နောက်ခံကို သတိပြုမိပါသည်။ မုရှောင်းရှောင် နဲ့ ဘယ်လောက်ရင်းနှီးတယ်ဆိုတာ မြင်လိုက်ရတဲ့အခါ သူမရဲ့ အမူအရာတွေ ပြောင်းလဲသွားရသည်။
ဟန်ချီချင် က မုရှောင်းရှောင် နဲ့ ဘာကြောင့် ဒီလောက်ရင်းနှီးရတာလဲ။
"ငါ ယင်းရှောင်ကျဲ ကို ရှာနေတာ" လို့ မုရှောင်းရှောင်က လည်ချောင်းတွင် တစ်စုံတစ်ရာ ပိတ်ဆို့နေသကဲ့သို့ စိတ်တိုင်းမကျတဲ့ အသံဖြင့်ပြန်ဖြေသည်။
" ရှောင်းရှောင် ဘာဖြစ်တာလဲ၊ ဒီမိန်းမက ဘာလို့ နင့် နောက်လိုက်လာရတာလဲ"
အခုမှ ဟန်ချီချင် သည် ပိုင်မိန်ကျောင်း ဘက်သို့ လှမ်းကြည့်မိလိုက်ပြီး ထူးဆန်းသော လေထုကို သတိပြုမိသွားသည်။
မုရှောင်းရှောင် သည် အတန်းထဲတွင် ဖြစ်ပျက်ခဲ့သမျှကို ဟန်ချီချင်အား အကျဉ်းချုပ် ပြောပြပြီး သူမအတွက် စကားပြောဆိုပေးသူမှာ ယုကျန်တစ်ယောက်သာရှိကြောင်းပြောလာသည်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
အပိုင်း - ၁၆၉
Start from the beginning