အခန်း(၆၁၆) သွေးနည်းနည်းထုတ်ပေးစမ်းပါ
ရွှမ်ဝမ်ကလပ်၏ ကျောင်းတွင်းလှုပ်ရှားမှုပွဲပြီးသွားခဲ့ပြီးနောက် ကျိုးဝမ်သည် အဆောင်သို့ပြန်သွားပြီး နတ်ဧကရီထံသို့မက်ဆေ့ခ်ျ တစ်စောင် ပေးပို့ခဲ့သည်။ ပစ္စည်းများသည် အဆင်သင့်ဖြစ်နေပြီ ဖြစ်သောကြောင့် သူမအတွက် လက်ခံရန် အသိပေးခဲ့ခြင်းဖြစ်သည်။
[ သူတို့ကို ပို့လိုက်ပါ.. ]
နတ်ဧကရီမှ စာပြန်လာခဲ့သည်။
ကျိုးဝမ် သည် ပစ္စည်းများကို လေဟာနယ်ပန်းရှိ ဝင်ပေါက်မှ တစ်ဆင့်ဖြတ်သန်းပြီး ပို့ပေးခဲ့သည်။ ပစ္စည်းများသည် အများကြီး အဖိုးမတန်သော်လည်း သူသည် တစ်သိန်းကျော် သုံးစွဲခဲ့ရသည်။ သူ့နှလုံးသားကို အနည်းငယ် နာကျင်စေသည်။
[ နတ်ဧကရီ… မင်းအရင်က ပြောဖူးတာက အဆင့်သတ်မှတ် ချက်မှာ ပထမဆုံးတွဲဖက်သားရဲကပဲ အကျိုးခံစားခွင့်ရှိတယ်ဆိုတာ လေ.. ဒါဆိုရင် အနာဂတ်မှာ ပထမနေရာကဘယ်လိုအကျိုးအမြတ် တွေ ရနိုင်မလဲ.. ]
ကျိုးဝမ် စုံစမ်းလိုက်သည်။
[ မင်းက ဘာလို့ မေးတာလဲ.. မင်းရဲ့ တွဲဖက်သားရဲက ပထမ အဆင့်ကို မတက်နိုင်ဘူး.. တကယ်လို့ မင်းသိရင်လည်း အသုံးမဝင် နိုင်ဘူး.. ]
[ ပထမနေရာကို မရယူနိုင်ခဲ့ရင်တောင် ပိုမြင့်မားတဲ့အဆင့် အတွက် ငါ အစွမ်းကုန် ကြိုးစားယှဉ်ပြိုင်နိုင်ပါသေးတယ်… တခြား အဆင့်တွေက ငါ့ကို အကျိုးအမြတ်ရနိုင်လား.. ]
ကျိုးဝမ်သည် နတ်ဧကရီ၏ လေသံအရ ဆန်ဒီပြောခဲ့သလို အမှန်တကယ်ဖြစ်နိုင်သည်ဟု ပြောနိုင်နေပြီ..။
[ ရတယ်.. ဒါပေမယ့် မင်းက ထိပ်တန်း ၁၀ ယောက်အတွင်းကို မဝင်နိုင်ဘူးဆိုရင် အကျိုးအမြတ်တွေက အရမ်း အကန့်အသတ်ရှိ နေတယ်.. မင်းရဲ့ တောင်ပံခြောက်ခုပါကာကွယ်သူနဂါးမှာရှိတဲ့ ကံ ကြမ္မာဘီးက တွဲဖက်သားရဲတိုက်ပွဲမှာ လုံးဝအသုံးမဝင်ဘူး.. အဆင့် ဇယားမှာရှိတဲ့ တွဲဖက်သားရဲများရဲ့ ပုံပန်းသဏ္ဍာန်အရ မင်းရဲ့သားရဲ က နောက်ဆုံးမှာ ထိပ်တန်း ၃၀ ထဲဝင်ရင်ကို မဆိုးဘူး.. မင်းနားထဲ က တစ်ကောင်ကလည်း ဒဏ္ဍာရီလာအဆင့်တောင်မရောက်သေး ဘူး ... အဲဒါဆိုရင် ထိပ်ဆုံး ၁၀၀ တောင် ဝင်ဖို့ မဖြစ်နိုင်ဘူး..]
YOU ARE READING
ဂိမ်းလေး အေးဆေး ဆော့ပါရစေ Book 1 ( Ch 1 - 990 ထိ )
AdventureGameလေးဆော့ခွင့်ပြုပါဗျာ ရေးသားသူ=Twelve-Winged Dark Seraphim ဘာသာပြန်=မင်းနောင် အကျဉ်းချုပ် သွေးတစ်စက်=အသက်တစ်ခု လူတိုင်းဂိမ်းတစ်ခုကို ညလုံးပေါက်ဆော့ဖူးကြလိမ့်မလား ကျွန်တော်လည်း ဂိမ်းကိုညလုံးပေါက်ဆော့နေရတယ် ကမ္ဘာကြီးကို စကြာ၀ဠာနယ်မြေချိတ်ဆက်ခြင်းမု...