ကမ္ဘာပျက်ကပ်ကစစ်သည်တော်

Part 132

Unicode

အခန်း (၁၃၂)

စစ်ဆင်ရေးတွင် အဖွဲ့ပေါင်းစုံပါဝင်ပြီး ကျန်သောအဖွဲ့ ၁၈ဖွဲ့မှာ လေတာ့ရှန်နှင့် ချန်းဟွာ ကဲ့သို့ မပွင့်လင်းကြပေ။ အချို့က ယွင်ချဲ့ကို လေးစားကြသော်လည်း စိတ်ထဲတွင် မုန်းတီးနေကြပြီး အချို့မှာ ယွင်ချဲ့၏ နောက်လိုက်ဖြစ်ခြင်းမှ ရလာနိုင်မည့် အကျိုးအမြတ်များကြောင့် လေးစားကြသော်လည်း သူတို့ကို ဘာမှ မပေးနိုင်သည့်အခါ ယွင်ချဲ့ စွန့်လွှန်လိုက်ကြသည်။ စွမ်းအားရှင်အဖွဲ့များကို ဖယ်လိုက်လျှင် တစ်ဉီးတည်းသီးခြားစွမ်းအားရှင် ၁၆ယောက်ရှိသည်။ ချန်းဟွာနှင့် လေတာ့ရှန်က ယွင်ချဲ့တို့ကို မနာလိုဖြစ်သည် ဆိုသော်လည်း စနောက်လိုသဖြင့် ပြောခြင်းသာဖြစ်ပြီး အခြားသော ခိုးကြောင်ခိုးဝှက်နှင့် စက်ဆုပ်ဖွယ် ကောင်းသူများမှာ မနှစ်မြို့ဟန်သည့် ပုံစံဖြင့် မနာလိုကြခြင်း ဖြစ်သည်။ သို့သော် ကပ်ဘေးကာလ ဖြစ်သောကြောင့် စစ်တပ် အပါအဝင် မည်သူကမှ သူတို့ အစားအသောက်ကို မနှစ်သက်ကြောင်း မပြောဆိုရဲကြပေ။ သူတို့က ခြယ်လှယ်ခံနေရချိန် ထိပ်ဉီးအဖွဲ့က အစားအသောက်များစွာကို ရရှိထားကြသဖြင့် ယွင်ချဲ့ တို့နှင့် မပေါင်းသင်းလိုကြပေ။

သို့သော်လည်း ယွင်ချဲ့ ဂရုမစိုက်။ အတိတ်ဘဝတွင် လေးနှစ်ကြာအောင် ကျင်လည်နေထိုင်ခဲ့သဖြင့် အချို့သူများ သူ့အား လေးစားနေသည့် အကြောင်းကို ယွင်ချဲ့ သေချာသိသဖြင့် လူတို့ထံမှ သစ္စာစောင့်သိခြင်းကို သူမမျှော်လင့်ပေ။ ပြောရလျှင် သူတို့၏ ဆက်ဆံရေးက အကျိုးအမြတ်များစွာ အပေါ် အခြေခံထားသည်။ ယွင်ချဲ့က သူတို့ စိတ်ဝင်စားသော အရာများအတွက် တိုက်ခိုက်ပေးပြီး ရိက္ခာများ စုဆောင်းရန် သူတို့ကို ခေါ်သွားလျှင် ယွင်ချဲ့ကို ထောက်ခံကြမည်က အသေအချာပင်။ မိမိတို့လိုအပ်သည်ကို အခြားအဖွဲ့များထံမှ ယူကြသဖြင့် မည်သူကမှ အကြွေးတင်နေခြင်း မရှိပေ။ အကယ်၍ တစ်ယောက်ယောက်က သူတို့အဖွဲ့ကို ထိခိုက်လာခဲ့လျှင် ယွင်ချဲ့ သက်ညှာခြင်း မရှိဘဲ ရှန်းယန် အဖွဲ့ကို ရှင်းပစ် လိုက်သကဲ့သို့ ထပ်လုပ်ပေလိမ့်မည်။