အခန်း (၅ဝ)
"မဟုတ်ဘူး ဟိုင်ရွှမ်းမှာ စွမ်းအားရှိတယ်"
ယွင်ချဲ့ ရုတ်တရက် ဝင်လာကာ ပြောလိုက်သဖြင့် အခန်းထဲရှိသူ အားလုံး သူ့ကိုလှည့်ကြည့် လိုက်ကြသည်။ လှေကားထောင့်မှ ယွင်ချဲ့ ထွက်လာပြီးနောက် ကျိုးဇယ်ယွီ မနေနိုင်တော့ဘဲ ...
"အစ်ကို ချဲ့ မင်းသိလား ဟိုင်ရွှမ်း ..."
"သိတယ်"
ယွင်ချဲ့ သူ့ကို လက်နှင့် ကာလျက် တားလိုက်ပြီး ရှင်းဖုန်း အနားသို့ ဦးတည် သွားလေသည်။
"ဟိုင်ရွှမ်းရဲ့ စွမ်းအားက ထူးခြားတယ် .. အဲဒါက သူ့ကိုယ်သူ အတွက်ပဲ ကုသလို့ရတဲ့ အလင်းစွမ်းအား တစ်မျိုးပဲ"
စစ်တပ်က ဘာကြောင့်များ အစွမ်းရှိသူကို သတ်ပြီး အလောင်းကို မီးရှို့ပစ်လိုက်တာလဲ။ ယွင်ချဲ့၏ စကားလုံးများက သူတို့၏ခန့်မှန်းချက်ကို အတည်ပြုလိုက်ပြီး အကြောင်းပြချက် များမှာလည်း တဖြည်းဖြည်းနှင့် ပျက်စီးစ ပြုလာသည်။
"တောင်းပန်ပါတယ် ငါ့အမှားပါ"
ရှင်းဖုန်း သူ့အမှားကို ဝန်ခံရဲသည်။ စစ်တပ်က ယွင်ချဲ့ လူများကို နာကျင်အောင် လုပ်လိမ့်မည်ဟု သူလုံးဝ မထင်ထားခဲ့ပေ။
"ဟင့်အင်း ဒါခင်ဗျားနဲ့ မဆိုင်ပါဘူး ပြီးတော့ ခင်ဗျားလည်း ဘာတတ်နိုင်မှာလဲ"
ရှင်းဖုန်း ဘေးတွင် ယွင်ချဲ့ ထိုင်လိုက်ပြီး အရှေ့တွင် ရှိနေသော ကော်ဖီခွက်ကို ယူလိုက်သည်။
"မင်္ဂလာပါ ငါက ကျောက်ယန်း အဖွဲ့ရဲ့ ဒုတိယခေါင်းဆောင် ကူးမင်ရွှမ်း ပါ"
သူတို့နှစ်ယောက်ကြား ဆက်ဆံရေးကို ကြည့်ပြီး ကူးမင်ရွှမ်း လက်ထုတ်ကာ ရင်းရင်းနှီးနှီး နှုတ်ဆက် လိုက်သဖြင့် ယွင်ချဲ့ သူ့လက်ကို ကြည့်လိုက်သည်။ ယွင်ချဲ့လည်း လက်ကိုထုတ်ကာ နှုတ်ဆက်ရန် ပြင်လိုက်သော်လည်း ချက်ချင်းပင် သူ့လက်ကို လေထုအလွှာပါးလေး တစ်ခုနှင့် ပိတ်ကာလိုက်သည်။ အတိတ်ဘဝတွင် ကူးမင်ရွှမ်းကို သိထားသဖြင့် သူ၏ စိတ်ဖတ်နိုင်သော စွမ်းအားကိုလည်း သိနှင့်ပြီးဖြစ်သည်။
YOU ARE READING
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)