unicode
ကမ္ဘာပျက်ကပ်က စစ်သည်တော်
အခန်း (၁၃)
"ရှောင်ချဲ့ .."
အပြင်ဘက်မှ အသံကြားရသဖြင့် ယွင်ယောင် အခန်းထဲမှ ထွက်လာပြီး ယွင်ချဲ့ကို ဆူပူသည့်ပုံစံနှင့် ကြည့်လေသည်။ ထိုအခါ ယွင်ချဲ့မှာ အပြစ်လုပ်ထားသည့် ကလေး မျက်နှာချိုသွေးဟန်ဖြင့် ပြုံးပြကာ စားပွဲပေါ်ရှိ အစားအစာများကို ကြည့်ပြီးနောက် လေထုထဲမှ စားပွဲတစ်လုံး ယူထုတ်လိုက်ပြီး မနေ့က သူချက်ပြုတ်ထားခဲ့သော ငါးပေါင်း၊ အမဲသားနှပ်၊ ဝက်သားစွပ်ပြုတ်၊ ဂေါ်ဖီထုပ်ကြော်တို့ကို တုံ့ဆိုင်းခြင်းမရှိ ယူထုတ်လိုက်သည်။ တစ်ဖက် နယ်မြေဒေသမှာ အစားအစာများ၏ အပူငွေ့ကို ကောင်းမွန်စွာ ထိန်းသိမ်းထားသဖြင့် ပူနွေးလတ်ဆတ်လျက်ရှိနေသည်။
"ရှောင်ချဲ့ ... ဘယ်လိုလုပ် ..."
သူ မှော်အစွမ်း တတ်ကျွမ်းသည်လား။ ယွင်ယောင် အံ့အားသင့်လျက် ယွင်ချဲ့ကို တစ်လှည့်၊ လေထဲမှ ပေါ်လာသည့် အစားအစာတို့ကို တစ်လှည့် လက်ညှိုးထိုးလျက် ကြည့်နေသည်။ သူဘယ်တုန်းကများ စွမ်းအားနဲ့ ဖြစ်သွားရတာလဲ။
လေထုထဲမှ ပစ္စည်းများ ထုတ်ယူနေသော ယွင်ချဲ့ကို ကြည့်ကာ အခြားသူများမှာလည်း မှင်သက် နေကြလေသည်။ ပျက်သုဉ်းကာလ အစဖြစ်သောကြောင့် စွမ်းအားအကြောင်းကို မသိကြသေးပေ။
"ဝါး .. ဉီးဉီးက အစွမ်းရှိတာပဲ"
မှော်အစွမ်းရှိသည်ဟု ထင်လိုက်သော ချန်ချန် တစ်ယောက်တည်း သာလျှင် စိတ်လှုပ်ရှားစွာ လက်ခုပ် တီးလေသည်။ ယွင်ချဲ့ ကိုယ်ကိုကိုင်းကာ ချန်ချန်ကို ချီယူလိုက်ပြီး သူ၏ဇွန်း၊ ပန်းကန်လုံးနှင့် တူတစ်စုံတို့ကို ယူကာ အံ့အားသင့်နေသော အစ်မဖြစ်သူအား ...
"ဒါက လေဟာပြင် စွမ်းအားပါ .. မမ အမြန်လာစားလေ ဗိုက်ဖြည့်ပြီးရင် ရှောင်ချန်ဆီ အမြန်သွားရမှာ"
လေဟာပြင် စွမ်းအားမှာ ကမ္ဘာပျက်ကပ် အစတွင် အလွန်ရှားပါးသော စွမ်းအင် တစ်မျိုးဖြစ်ပြီး မိမိအနားရှိ လေထဲတွင် ဂိုထောင်တစ်ခု ရှိနေပုံနှင့် တူသည်။ ထိုစွမ်းအား ရှိသူတို့မှာ ကြိုတင်ပြင်ဆင်ခြင်း မရှိဘဲ ထွက်ပြေး သွားလာနိုင်ပြီး ပစ္စည်းတစ်ခုခု ပျောက်သွားမည်ကို စိုးရိမ်ရန်မလိုပေ။ ထိုစွမ်းအား ရှိသူများသည် အစတွင် မိမိအစွမ်းကို ဖုံးကွယ်လေ့ရှိပြီး အကယ်၍တစ်ယောက်ယောက် သိသွားခဲ့လျှင် ထိုသူ၏ကိုယ်ပိုင် ဂိုထောင်အဖြစ်သို့ပင် ပြောင်းလဲ သွားနိုင်ပေသည်။
YOU ARE READING
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
