Unicode
အခန်း (၃၁)
ဖြစ်ရပ်အစအဆုံး တိုင်အောင် ယွင်ချဲ့မှာ အေးဆေး တည်ငြိမ်လျက်ပင်။ ယောက်ျား နှစ်ယောက်၏ အင်္ဂါကို ဖြတ်ခဲ့သော်လည်း သူ၏မျက်နှာမှာ ပြုံးမြဲပြုံးနေလျက်။ ထိုအခြေအနေမျိုးတွင် တည်ငြိမ်စွာ နေနိုင်သည်မှာ မာန်မာနကြီး နေသောကြောင့်လား၊ အလွန် သန်မာလှသဖြင့် အကြောက်တရား ကင်းမဲ့သွားခြင်းလားပင်။
သူ၏နူးညံ့သော မျက်နှာနှင့် ပိန်သွယ်သော ခန္ဓာကိုယ်ကြောင့် မာနကြီးခြင်းသာ ဖြစ်မည်ဟု ယူဆကြပေလိမ့်မည်။
"သူတို့ကို ဘေးအခန်း ရွှေ့လိုက်"
ယွင်ချဲ့ ဘေးတွင် တစ်ယောက်နှင့် တစ်ယောက် တီးတိုးပြောဆိုနေသော သူတို့ကို ကြည့်ကာပြောလိုက်သဖြင့်ထိုသူတို့က ကြမ်းပြင်ပေါ် လဲနေသူ နှစ်ယောက်ကို ဘေးအခန်းသို့ ဆွဲခေါ်သွားကြသည်။
"ဒီကို ဘယ်လိုလုပ်ပြီး ရောက်လာတာလဲ .. ဒဏ်ရာရော ပျောက်သွားပြီလား"
သူတို့လူ အချင်းချင်းဖြစ်သည့် ဒဏ်ရာရ လူနှစ်ယောက်ကို ဆက်ဆံပုံမှာ ကြမ်းတမ်း လှသည်ကို ယွင်ချဲ့ သတိထားမိ လိုက်သော်လည်း ခဏကြည့်ပြီးနောက် ထိုနေရာမှ ထွက်လာခဲ့သည်။ သူတို့၏ ဆက်ဆံရေးကို ယွင်ချဲ့ စိတ်မဝင်စား မစွက်ဖက်လို သကဲ့သို့ ကျန့်ယာဖေးနှင့် ရှင်းဖုန်း တို့လည်း ထိုနည်းတူပင်။
ထိုလူတစ်စုတို့ အကြောင်းကို မေ့ထားလိုက်ကြသည်။
ကျိုးဇယ်ယွီ သယ်လာသော အိတ်ထဲမှ ဓာတ်ဘူးနှင့် နို့မှုန့်ဘူးကို ယွင်ချဲ့ ရှာတွေ့ သွားသည်နှင့် ချန်ချန်လည်း အလိုက်သိစွာ သူ့အိတ်ထဲမှ နို့ဘူးကို ယူထုတ်လိုက်သည်။
"ဦးဦးရေ သားဗိုက်ဆာနေပြီ နို့သောက်ချင်တယ်"
လက်တစ်ဖက်တွင် နို့ဘူးကိုင်ကာ ကျန်တစ်ဖက်တွင် ကျောပိုးအိတ်ကို ကိုင်ထားပြီး ချန်ချန် ခုန်ဆွခုန်ဆွနှင့် ယွင်ချဲ့ အနားသို့ လာခဲ့သည်။ အခန်းထဲတွင် ဖြစ်ပျက်ခဲ့သမျှနှင့် ထူးဆန်းသော အခြေအနေကို ချန်ချန် လျစ်လျူရှု ထားပြီး သု့အတွက် ယွက်ချဲ့ သာလျှင် တရားမျှတမှု အတွက် တိုက်ခိုက်တတ်သော လူစွမ်းကောင်း တစ်ယောက်ပမာ။ သူ့ကို ဆန့်ကျင် တိုက်ခိုက်သူ မှန်သမျှ လူကောင်း မဟုတ်နိုင်သဖြင့် ထိုသူတို့ကို အပြစ်ဒဏ် ပေးသင့်သည်ဟု မှတ်ယူထားသည်။
CITEȘTI
ကမ္ဘာပျက်ကပ်ကစစ်သည်တော်
Dragosteဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
