unicode
ကမ္ဘာပျက်ကပ်က စစ်သည်တော်
အခန်း (၆)
ယွင်ချဲ့ မနေ့က ဝယ်ယူခဲ့သော ပစ္စည်းများကို သိုလှောင်ရန် ငှားယူထားသော နေရာသို့ သယ်ယူလာခဲ့လေသည်။ စိုက်ပျိုးသီးနှံဆိုင်သို့ သွားကာ ဆန်၊ ဂျုံ၊ ပြောင်း၊ ဂေါ်ဖီမျိုးစေ့များ အပြင် အခြားသော သစ်သီးဝလံ မျိုးစေ့များကိုလည်း ဝယ်ယူလာခဲ့သည်။ စိုက်ပျိုးရသည်ဖြစ်စေ မရသည်ဖြစ်စေ သူကြိုးစားကြည့်ရမည်။ ယွင်ချဲ့သည် စားကြက်များကို မွေးမြူရန် စဉ်းစားခဲ့သော်လည်း ဟေးယွီက သက်ရှိများ နေ၍ မရဟု ပြောခဲ့သောကြောင့် သူလက်လျော့ လိုက်ရသည်။
နေ့လယ်အချိန်တွင် ဆံပင်ညှပ်ဆိုင်ဘေးမှ ဖြတ်သွားသည့်အခါ ဆိုင်ထဲဝင်၍ ဆံပင်ညှပ်လေသည်။ ဆံပင်ညှပ်ဆိုင်မှ ကတ်ကြေးများကို ကြည့်လျက် နောက်ပိုင်း ကာလများတွင် လိုအပ်လာနိုင်သည်ဟု ယွင်ချဲ့ တွေးမိသဖြင့် ဆိုင်မှ ထွက်ပြီးနောက် ကတ်ကြေး ၁ဝ ချောင်း ဝယ်ယူခဲ့သည်။ ပျက်သုဉ်း ကာလတွင်းတွင် ဆံသဆိုင်များ ဖွင့်မည် မဟုတ်သောကြောင့် ကောင်းမွန်သော အတွေးဟု တွေးမိလိုက်သည်။
ယွင်ချဲ့သည် ညဘက်တွင်လည်း အဆောင်သို့ မပြန်တော့ဘဲ သိုလှောင်ရုံမှ တစ်ဆင့် တခြားနယ်ပယ်သို့ ဝင်ရောက် သွားလေသည်။ ထိုနေရာမှာ တဖြည်းဖြည်းနှင့် အနည်းငယ်စီ ကြီးမားကျယ်ပြန့် လာနေသည်။ ဟေးယွီကို အားဖြည့် ချော့ကလက်ချောင်း ပစ်ပေးပြီးနောက် ဟေးယွီ၏ အကြံအရ နယ်မြေကို ၃ ပိုင်းခွဲကာ တစ်ပိုင်းတွင် သိုလှောင်ရမည့် ပစ္စည်းများကို စီရီထားပြီး နောက်တစ်ပိုင်းတွင် ဂျုံ၊ ပြောင်း၊ အသီးအရွက်ပင် အနည်းငယ်ကို စိုက်ပျိုးကာ ရေကန်အနီးရှိ ကျန်သော မြေအပိုင်းကို ယာယီ ဖယ်ထားလိုက်သည်။ ထပ်မံ ဝယ်ယူလာခဲ့သော သစ်သီးပင်နှင့် မျိုးစေ့များကို တောင်ခြေတွင် စိုက်ပျိုးထားလိုက်သည်။ အလုံးစုံ လုပ်ပြီးနောက် ယွင်ချဲ့ ပင်ပန်းလာသဖြင့် ဟေးယွီကို မီလျက် အိပ်ပျော် သွားလေသည်။
အချိန်မှာ အလွန် ကုန်မြန်လှသည်။ ၁ဝ ရက်တာဟူသော အချိန်မှာ မျက်စိတစ်မှိတ် အတွင်း ကုန်ဆုံး သွားလေပြန်သည်။ လူမှုကွန်ရက်များ ပေါ်မှ ချေးယူရရှိခဲ့သော ယွမ် ၂ သိန်းနီးပါးကိုလည်း အသုံးပြုခဲ့ပြီး ပျက်သုဉ်း ကာလအတွင်း လိုအပ်လာနိုင်သည့် စျေးကြီး ပစ္စည်းများကို ဝယ်ယူနိုင်ရန် အတွက် ငွေအလုံအလောက် မရှိတော့သဖြင့် ငှားရမ်းရုံသာ တတ်နိုင်တော့သည်။ သူ၏စွမ်းအားများ ရှိသော်ငြား လောဘကြီးဟန် မရှိသရွေ့ အခြားသူများလည်း သိနိုင်မည် မဟုတ်ပေ။
YOU ARE READING
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
