ကမ္ဘာပျက်ကပ်ကစစ်သည်တော်

Part 103

Unicode
အခန်း (၁ဝ၃)

ယွင်ချန်မှာ ရေအောက်တွင် ရုန်းကန်နေလျက်ရှိပြီး အဆိပ်အတောက် သန့်စင်ခြင်းမှာ အလွန် ကြာလှသည်။ ယွင်ချဲ့လည်း ဟေးယွီ နှင့်အတူ တောင်ပေါ်သို့ သွားကာ ရစ်ငှက်၊ တောယုန်များကို လိုက်ဖမ်းကြသည့်အပြင် နှင်းကဲ့သို့ ဖြူဖွေးနေသော မြေခွေးတစ်ကောင်ပင် ဖမ်းမိလိုက်သည်။ ထိုမြေခွေးလေးကို ချန်ချန် ချစ်လိမ့်မည်ဟု ယွင်ချဲ့ တွေးမိသောကြောင့် သူနှင့်အတူ ခေါ်လာခဲ့သည်။

အမဲလိုက်ပြီးနောက်တွင် လေးကီလို အလေးချိန်ရှိ ငွေရောင် ငါးကြင်းကိုလည်း ဖမ်းမိခဲ့သေးသည်။ စမ်းရေအိုင်ကို စောင့်ကြည့်နေရန် ဟေးယွီကို မှာထားခဲ့ပြီး ယွင်ချဲ့ ဖမ်းမိခဲ့သော အကောင်များကို ယူကာ အပြင်သို့ ပြန်ထွက်သွားသည်။

"ဝါး ဒီဟာတွေက ဘယ်က ရလာတာလဲ .. ဒါမြေခွေးလေးလား အသက်ရှင် နေသေးတာပဲ .. ချန်ချန်ရေ လာပါဉီး ဒီမှာ သားရဲ့ဦးလေးက အကောင်လေး ယူလာတယ်"

တိတ်တဆိတ် လာလို့သောကြောင့် ယွင်ချဲ့ အောက်ထပ်သို့ မဆင်းဘဲ အပေါ်ဆုံးအထပ် ပြတင်းပေါက်မှ ခုန်ကျော်ကာ အိမ်ရှေ့တံခါးမှ ဝင်လာရန် စီစဉ်လိုက်သည်။ ထိုအချိန်တွင် အိမ်ရှေ့တံခါးမှ ထွက်လာသော ဝမ်စူးဟွာနှင့် ထိပ်တိုက်တွေ့ကာ ယွင်ချဲ့ လက်ထဲမှ အကောင်လေးများကို မြင်လေရာ ကလေး တစ်ယောက်ကဲ့သို့ ဝမ်းသာအားရ ဖြစ်လျက် အိမ်ထဲတွင် ရှိနေသော ချန်ချန်ကို လှမ်းခေါ်လိုက်သည်။ ချန်ချန်လည်း အိမ်ထဲမှလထွက်ပြေးလာသဖြင့် ဟင်းချက်ရန် ပြင်နေသော ယွင်ယောင်မှာ ထွက်လိုက် လာရလေသည်။

"ဦးဦး ဒီငါးက အကြီးကြီးပဲ ပြီးတော့ ဒါကရော ဘာကောင်တွေလဲ လှလိုက်တာ"

ငွေငါးကြင်းကို ချန်ချန် ကြည့်နေပြီးနောက် သူ၏အာရုံက ရစ်ငှက်များထံသို့ ရောက်သွားသည်။ ထိုရစ်ငှက်များမှာ သာမန် ငှက်များနှင့် မတူဘဲ ဒေါင်းကဲ့သို့ အရောင်အသွေးစုံသော အမွေးအတောင်များကြောင့် အလွန်လှပပေသည်။

"ဒါက ရစ်ငှက်တွေလေ"

ရစ်ငှက်တွေကို ချန်ချန် သဘောကျပုံ ရသဖြင့် ယွင်ချဲ့လည်း လက်ထဲရှိ ရစ်ငှက်များကို ချန်ချန် အရှေ့သို့ ရွေ့ပေးလိုက်ရာ ချန်ချန်က ....