ကူးမင်ရွှမ်း ခေါင်းညိတ် ပြလိုက်ပြီး ရှင်းဖုန်း အတွက် ဆုံးဖြတ်ချက် တစ်ခု ပြုလုပ်စေကာ လုပ်ငန်း တာဝန်များလည်း ခွဲဝေပေးလိုက်သည်။
"မဟုတ်ဘူး ဟွိုင်ရွှမ်း က ငါ့သူငယ်ချင်း ငါသူ့ကို သွားကယ်မယ် မင်းတို့အားလုံး ဟွိုင်ရွှမ်းကို ခေါ်သွားတဲ့ သူတွေကို လိုက်ရှာသင့်တယ် .. ငါခဏ လမ်းသွား လျှောက်လိုက်ဉီးမယ်"
ယွင်ချဲ့ မတ်တပ် ရပ်လိုက်ပြီး အခြားသူများ စိတ်ရှုပ်ထွေးလျက် အပြင်ဘက်ရှိ ညကောင်းကင်ပြင်ကြီးကို မော့ကြည့် ကြလေသည်။ ညသန်းခေါင်ကြီး လမ်းသွား လျှောက်မယ်တဲ့လား။ သုတေသန အသင်းထံသို့ တစ်ယောက်တည်း အလျင်စလို သွားမှာများလား။ သူအလွန် မိုက်ရူးရဲ ဆန်သည်လား သို့မဟုတ် တစ်ဖက်လူကို လျော့တွက် နေသည်လား။
"ငါတို့ အတူသွားကြရအောင်"
စကားပြောနေကြသည့် တစ်လျှောက် တိတ်ဆိတ် နေခဲ့သော လန်ယဲ့ဟန် တုံ့ဆိုင်းခြင်း မရှိဘဲ ယွင်ချဲ့ အနောက်မှ လိုက်ပါလာသည်။ ကျိုးဇယ်ယွီ သည်လည်း ထိုနည်းတူစွာပင်။ ယွင်ချဲ့ လမ်းလျှောက် ထွက်ခဲသည်ကို သူတို့အားလုံး သိကြသည်။ သူတို့မှာ တစ်ဖွဲ့တည်းသားချင်း ဖြစ်သည့်အတွက် အတူတူ ရင်ဆိုင် တိုက်ခိုက်ကြရမည်။
"ဘာလဲ .. ငါတို့လူ အများကြီး စုနေရင် မကောင်းဘူး ငါမကြာခင် ပြန်လာမှာပါ .. သွားအိပ်နေကြတော့ မင်းတို့နိုးလာရင် ဟိုင်ရွှမ်းလည်း ရောက်နေလောက်မှာ"
ယွင်ချဲ့သည် စိတ်ရှုပ်စရာ ကောင်းသော ယင်ကောင်များကို မောင်းထုတ်သကဲ့သို့ လက်ကို ဝှေ့ယမ်း လိုက်သည်။
"ယွင်ချဲ့"
လန်ယဲ့ဟန် ဆက်မရွေ့လျားတော့ဘဲ ယွင်ချဲ့အား စိုက်ကြည့် နေခဲ့သည်။ ကျိုးဇယ်ယွီ လည်း တစ်ခုခုပြောရန် ပြင်လိုက်သော်လည်း ယွင်ချဲ့ ဟန့်တားလိုက်ပြီး ...
"ငါ့ကို ယုံပါ"
သူတို့နှစ်ယောက် တွန့်ဆုတ်လျက် ရှိနေသည်။ ရှင်းဖုန်းလည်း ယွင်ချဲ့ အရှေ့မှ ဝင်ကာ သူတို့ကို ဖျောင်းဖျလေသည်။
![](https://img.wattpad.com/cover/313770620-288-k457957.jpg)
DU LIEST GERADE
ကမ္ဘာပျက်ကပ်ကစစ်သည်တော်
Romantikဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
Part 51
Beginne am Anfang