ဘုံး
"ဟေ့ကောင် လန်ယဲ့ဟန် မင်းဘာလုပ်နေတာလဲ”
အခြားသူများလည်း ပြန်လည် တိုက်ခိုက်ရန် နည်းလမ်း စဉ်းစားနေကြစဉ် မီးလုံးများမှာလည်း သူတို့ထံ လွှင့်လာလေသည်။ သို့သော် အဆင်သင့် ပြင်ဆင်ထားကြသည့် အတွက် လူနှစ်ယောက် တိုက်ခိုက် နေကြသော်လည်း ထိခိုက်ဒဏ်ရာရခြင်း မရှိပေ။
"မင်းတို့အားလုံး ယွင်ချန် အတွက် သေစေရမယ်"
"အား ..."
"အ .. သူတို့ငါတို့ကို သတ်တော့မယ်"
လုဟိုင်ရွှမ်း ကျယ်လောင်စွာ အော်လိုက်ပြီး လန်ယဲ့ဟန်၏ မီးအကူအညီဖြင့် ရှေ့တစ်လှမ်း တက်ကာ လူတစ်ယောက်၏ လက်ကို ဖြတ်ပစ်လိုက်ရာ ထိုသူမှာ အလွန် နာကျင်လှသဖြင့် မြေပြင်ပေါ်တွင် လူးလှိမ့်နေသည်။ အားကစားရုံတွင် တစ်ခါမှ မဖြစ်ခဲ့ဖူးသော ကြောက်လန့်မှုများစွာ ပြည့်နှက်နေသည်။ အမျိုးသမီးများမှာ ထိတ်လန့်စွာ အော်ဟစ်နေကြပြီး အနီးအနားတွင် ရှိသော တုန်ရီနေသူများကို ဖက်ထားကြသည့် အပြင် ကြောက်တတ်သော အမျိုးသားများမှာလည်း အားနည်းစွာ ရပ်နေသည့် နေရာတွင်ပင် မလှုပ်မယှက် ရှိနေကြလေသည်။ လုဟိုင်ရွှမ်း လက်ထဲရှိနေသော ဓါးချက် သူတို့အပေါ် ကျရောက်လာမည်ကို အလွန် စိုးရိမ်နေကြသည်။
လုဟိုင်ရွှမ်းမှာ သာမန် တက္ကသိုလ် ကျောင်းသား တစ်ယောက်သာလျှင် ဖြစ်သည်။ သူ့တွင် သူရဲကောင်းဆန်သော စိတ်နေ သဘောထားများ ရှိသော်လည်း ဆိုးရွား ယုတ်မာခြင်းနှင့် ဒေါသအလျှောက် လူသတ်ခြင်းကို စက်ဆုတ် ရွံရှာသောကြောင့် မျက်နှာပေါ် သွေးစများ လာစင်သောအခါ စိတ်ကို အမြန်ပြန်ထိန်းကာ ရပ်တန့်လိုက်သည်။ ထိုလူကို သူမသတ်နိုင်ပေ။
"သေလိုက်တော့ "
"နေဉီး "
တစ်ဖက်တွင်လည်း စိတ်ပိုင်းဖြတ် ထားပြီးသော လန်ယဲ့ဟန် လက်ထဲမှ မီးတောက်ကို ပစ်ကာ ထိုသူလက်မောင်းကို ဖြတ်ရန်ပြင်လိုက်စဉ် ယွင်ချန်ကို ရှင်းပစ်ရန် ကြံစည်နေသော ပါမောက္ခ ဝမ် ရုတ်တရက် မတ်တပ် ရပ်လိုက်ကာ သူ၏လက်ကို ဝှေ့ယမ်းလျက် မီးလုံးကို အခြားဘက်သို့ လမ်းလွဲလိုက်ပြီး သူတို့အရှေ့တွင် သတ္တုဝတ်စုံကို လွှမ်းခြုံလိုက်သည်။
CITEȘTI
ကမ္ဘာပျက်ကပ်ကစစ်သည်တော်
Dragosteဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
part 26
Începe de la început
