ယွင်ယောင်မှာ သံသယစိတ်များနှင့် တွေဝေလာသော်လည်း ယွင်ချဲ့ ရှင်းပြရန် အချိန်မရှိတော့ပေ။ မနက်ဖြန် မနက်အချိန်တွင် ဖုတ်ကောင်များစွာ အုံကြွခြင်း ဖြစ်ပေါ်လာတော့မည်။ ယခုညတွင် အနည်းငယ် ရှိနိုင်သော်လည်း သာမန် လူတို့သိနိုင်မည် မဟုတ်ပေ။
"အင်းပါ .. နေရော ကောင်းရဲ့လား"
မောင်ဖြစ်သူက ထိုတမျှ တောင်းပန် ပြောဆိုနေသည်မှာ ပထမဆုံး ဖြစ်သောကြောင့် ယွင်ယောင်လည်း မငြင်းဘဲ လက်ခံလိုက်သည်။
"ကျွန်တော် နေကောင်းပါတယ် .. တစ်ခုကျန်သေးတယ် ခဏနေလောက်ဆိုရင် နှင်းကျလိမ့်မယ် အဲဒီအခါ ပြတင်းပေါက်ကို သေချာပိတ်ထားနော် .. ဘာကိုပဲမြင်ရ ကြားရပါစေ ပြတင်းပေါက်ကို လုံးဝမဖွင့်ပါနဲ့ ကြောက်လည်း မကြောက်ပါနဲ့ ...ကျွန်တော့်ကိုယုံပါ ကျွန်တော်လာခေါ်မယ်နော်"
ယွင်ချဲ့မှာ လက်တစ်ဖက်က ဖုန်းကိုင်ထားလျက် လက်တစ်ဖက်က သူ၏ပစ္စည်းများကို အပြိုင်နယ်မြေသို့ ပို့နေသည်။ ဒီညတွင်းပင် သူအခြားမြို့သို့ ဉီးတည် ပြောင်းရွေ့တော့မည်။ ဖုတ်ကောင် အုံကြွခြင်းမှာ မနက်ဖြန်ထိ မဖြစ်လာနိုင်သေးဟု မျှော်လင့်ထားသဖြင့် မနက်ဖြန် မနက်မတိုင်မီ သူ၏အစ်မ၊ တူလေးနှင့် ညီငယ်တို့ကို အမီခေါ်ထားရမည်။
"မမကို လန့်အောင်မလုပ်ပါနဲ့ ချဲ့ .. ဘာဖြစ်နေလို့လဲ"
ယွင်ချဲ့ သူမကို မရှင်းပြတော့ပေ။
"ဘာမှမဖြစ်ဘူးနော် မမ .. နားလိုက်ဉီး ကျွန်တော် ကာကွယ်ပေးမှာမလို့ စိတ်ချလက်ချနားနေနော်"
"အင်းပါ ဂရုစိုက်ဉီးနော်"
ယွင်ချဲ့လည်း ဖုန်းချလိုက်ပြီး ကျောပိုးအိတ်ကို သယ်ကာ ရှင်းလင်းနေသော အခန်းကို တစ်ချက်ကြည့်လိုက်သည်။ အခြားမြို့သို့ သွားနိုင်သော အမြန်ရထား လက်မှတ်မှာ မနက်ဖြန် မနက်အထိ ရနိုင်တော့မည် မဟုတ်သောကြောင့် ယွင်ချဲ့ အမြန်ထွက်ကာ နှစ်ဘလောက် အကွာအဝေးရှိ ဂိုထောင်ထဲမှ သူငှားခဲ့သော ကုန်တင်ကားငယ်သို့ အမြန်ပြေးကာ ကိုယ်တိုင်မောင်းနှင်လာခဲ့သည်။
![](https://img.wattpad.com/cover/313770620-288-k457957.jpg)
ČTEŠ
ကမ္ဘာပျက်ကပ်ကစစ်သည်တော်
Romanceဘာသာပြန်သူ - Swae Nyoe Team (တစ်ဦးတည်း ဘာသာပြန်ဆိုခြင်း မဟုတ်ပါ)
part 9
Začít od začátku