နူးညံ့ခြင်းတို့မှတဆင့် တဖြေးဖြေးအရိုင်းဆန်လာကာ necktile ကိုဆွဲဖြုတ်လိုက်သည်။ ခါးပတ်ကိုဖြုတ်လိုက်ချိန်တွင် သူ့ရှေ့ကကောင်လေးက သူ့ကိုအံ့အားသင့်သလိုလေး ငေးကြည့်လာ၏။ အစားခံရတော့မည့် ယုန်လေးလိုမျက်နှာထားကြောင့် သူ့စိတ်တွေပိုလို့ပင်ပူလောင်လာတော့သည်။
‘အင်းထယ် ကိုယ်တော့ မင်းကိုချစ်လွန်းလို့ရူးနေပြီ။’
အနမ်းသည် နှုတ်ခမ်းမှတဆင့်ရွေ့လျားလာကာ အင်းထယ်၏ချောမွတ်နေသော လည်ပင်းဆီသို့ဦးတည်၏။ ပြင်းပြသောအနမ်းများကြောင့် လည်ပင်းသားတလျှောက် နီရဲနေသော နှုတ်ခမ်းရာများက မင်းမူနေလျက်။
“ခဏ......ခဏလေးနေပါဦး”
“အွန်းပြောလေ။”
အင်းထယ်၏စကားကို ပြန်ဖြေလိုက်သော်လည်း ဂျွန်ဝူးလက်တွေက တစ်စက္ကန့်မှရပ်တန့်သွားခြင်းမရှိ။ တစ်ဖက်လူ၏ခန္တာကိုယ်ပေါ်သို့အလောတကြီးပွတ်သပ်နေသည်။
“ကလေး......ကလေးယူရအောင်။”
ရုတ်တရက်ပြောလိုက်သည့် အင်းထယ်၏စကားကို ဂျွန်ဝူးက နည်းနည်းလေးမှအံ့ဩဟန်မပြဘဲ သူ့အလုပ်သူဆက်လုပ်ရင်းပြန်ဖြေသည်။
“ကိုယ်တို့နှစ်နည်းနည်းကြာမှယူရအောင်။”
“အာ့.....အာ့ .......ဘာဖြစ်လို့လဲ။ မြန်မြန်ယူလို့မရဘူးလား။”
ဂျွန်ဝူး၏နှိပ်စက်မှုကြောင့် တစ်ကိုယ်လုံးနီရဲနေသော အင်းထယ်က အာရုံလွှဲလို့ရလိုရငြား ဆက်ပြောသည်။ ဒါပေမဲ့ တစ်ဖက်လူက သူ့ချစ်သူပဲလေ။ ဒီလိုအာရုံလွှဲလို့ရတယ်ဆိုတာ သေချာပေါက်မဖြစ်နိုင်ဘူးပေါ့။ ဂျွန်ဝူးက အင်းထယ်၏ပေါင်အတွင်းသားလေးကို တစ်ချက်နမ်းရင်းပြန်ဖြေလိုက်သည်။
“ကိုယ့်မှာ ဘေဘီရှိရုံနဲ့အဆင်ပြေတယ်။ အဲတာတွေကို နောက်မှတွေးရအောင်။”
အင်းထယ် ကလေးလိုချင်တာကလည်း အကြောင်းရှိပါသည်။ တကယ်ဆို သူတို့ဘဝတွေအများကြီးသာချစ်လာကြတာ။ ကလေးတော့တစ်ခါမှမယူဖူးဘူးမလား။ သူများကလေးကို ခဏခေါ်ထိန်းတာကလွဲရင် ကိုယ်ပိုင်မိသားစုလေးမရှိဖူးဘူးလေ။ နှစ်ယောက်တစ်ကမ္ဘာတည်ပြီး နေလာခဲ့တာချည်းပဲ။ အဲတာကြောင့် ဒီကမ္ဘာမှာတော့ ကလေးလေးတစ်ယောက်ရချင်မိသည်။ ဖခင်စိတ်ဓာတ်ဆိုတာမျိုး သူလည်းခံစားကြည့်ချင်သည်လေ။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
Part-69
Start from the beginning
