Uni
How I start loving at you(ငါမင်းကို ဘယ်လိုစချစ်မိလဲဆိုရင်)
“မတော်တဆလား... ကံကြမ္မာရဲ့ကျီစားမှုများလား။ မင်းနဲ့တွေ့ဖို့ဖြစ်လာခဲ့တာလေ။ ငါ့ရဲ့နှလုံးသားကို ကိုယ်တိုင်မသိခင်အထိ ငါတို့နှစ်ယောက်ကို ပေါင်းစည်းစေခဲ့တဲ့ အမှတ်တရလေးတွေရှိနေခဲ့တယ်။ ငါ့ရဲ့ အထီးကျန်နေမှုကို ပျောက်အောင်လုပ်ပေးခဲ့သူ... လောကကြီးကို ပိုတောက်ပသွားအောင် အပြုံးလေးတွေနဲ့ လာရောက်ဖန်တီးသူ... နေ့ရက်တိုင်းကို အဓိပ္ပာယ်ရှိအောင်ဖန်တီးပေးသူ.. မင်းလေးကိုပဲ ကိုယ့်နှလုံးသားက စောင့်မျှော်နေခဲ့တာပါ”
ချိုမြိန်ပြီး နူးညံ့တဲ့သီချင်းသံက သစ်ရွက်စိမ်းတွေကို ဖြတ်သန်းပြီး မိုးကောင်ကင်ထိပျံ့နှံ့သွားသယောင်ခံစားမိစေသည်။ အရွက်တွေဖားဖားလျားလျားနှင့် စိမ်းစိုဝေဆာနေသော အပင်ကြီး၏အောက်၊ မြက်ခင်းပြင်စိုကပ်ကပ်ပေါ်မှာ ကောင်လေးတစ်ယောက်က မတ်တပ်ရပ်လျက်သား သီချင်းဆိုနေ၏။ သူ့မျက်ဝန်းတွေက ပိတ်ထားလျက်ရှိကာ ပန်းနုရောင်နှုတ်ခမ်းသားအစုံကတော့ ချိုမြိန်တဲ့အသံကို ထုတ်လွှတ်ပေးဖို့ စည်းချက်ကျကျလှုပ်ရှားနေရသည်။ မိုက်လို့ သူ စိတ်ကူးယဥ်ထားတဲ့နေရာမှာတော့ ချိုချဥ်စုပ်လုံးလေးတစ်ခုရှိနေသည်။ ထိုချိုချဥ်စုပ်လုံးလေးက အခွံချွတ်ခံထားရကာ မကြာသေးခင်ကမှ အချိုတွေစုပ်ယူခံထားရသယောင် စိုလက်လက်ကလေးဖြစ်နေသည်။
အနိမ့်သံနဲ့အတူ သီချင်းကိုလိုက်ပါစီးမြောနေတုန်းမှာပဲ အသံရှင်လေးက သီချင်းကို ရပ်ပစ်လိုက်သည်။ ဆိုတာ မှားသွားပြီဆိုတဲ့အတွေးက သူ့နှုတ်ခမ်းကို စူလုံးလုံးလေးဖြစ်လာစေကာ ပို၍ချစ်ဖို့ကောင်းပြီး နူးညံ့တဲ့အသွင်ဆီသို့ပြောင်းသွားသည်။ ထို့နောက် သူက မှားသွားတဲ့အပိုဒ်ကိုပဲ ထပ်ခါထပ်ခါဆိုနေသည်။ ရှည်လျားပြီး ဖြူသွယ်တဲ့လက်တံတို့က က,တာလည်းမဟုတ်ဘဲနဲ့ သီချင်းရဲ့သံစဥ်အတိုင်း လေထဲကို ရမ်းခါမိနေသည်။ မျက်လုံးကို ထပ်မှိတ်ထားလိုက်တဲ့အခါ သီချင်းစာသားတွေနဲ့ သံစဥ်တွေဟာ မြင်လွှာထဲမှာ ခုန်ပေါက်နေကြသည်။ သူ ပြုံးလိုက်ကာ ချစ်ခြင်းတစ်ခုကို စိတ်ကူးယဥ်၍ သီချင်းထဲကလူနေရာမှာ နေရာဝင်ယူလိုက်သည်။ အသံကပို၍ ချိုမြလာကာ မျက်နှာအမူအရာကအစ Realityပိုဆန်လာ၏။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...