Uni
အင်းထယ်မျက်နှာလေးကြောင်တောင်တောင်ဖြစ်သွားသလောက် ဂိုဏ်းခေါင်းဆောင်ကြီးမျက်နှာကတော့ ပြုံးဖြီးနေသည်။ ဂျွန်ဝူးက အင်းထယ်နားနားကိုကပ်ကာ စကားအချို့ပြောလိုက်သည်။ အင်းထယ်မျက်နှာလေးက ချက်ချင်းနီရဲလာပြီးသည့်နောက် လက်မှတ်အမြန်ထိုးလိုက်လေသည်။
“အိုခေ။ ကိုယ်မင်းကိုပိုင်ပြီ”
ဂျွန်ဝူးက သဘောတကျရယ်မောကာပြောလိုက်သည်။ လက်ခုပ်နှစ်ချက်တီးလိုက်သည်နှင့် အခမ်းအနားပွဲမှဂီတသံများက အသက်ဝင်လာတော့သည်။ ဂျွန်ဝူးက နာမည်ကျော်စန္ဒယားပညာရှင်ကိုငှားထားတာကြောင့် စန္ဒယားသံငြိမ့်ငြိမ့်ညောင်းညောင်းလေးက အံ့မခန်းအောင်ကို နားထောင်လို့ကောင်းလှသည်။ ဂျွန်ဝူးနှင့်လက်တွဲလုပ်သည့်လူတွေသည်လည်း ပွဲတက်လာသည်ဖြစ်ရာ မင်္ဂလာပွဲက ကတိုက်ကရိုက်နိုင်ပေမဲ့ လူစည်လှသည်။
မည်သို့ပင်ဆိုစေကာမူ သတို့သားလေးကတော့ စူပုပ်နေဆဲ။ သူက ဂျွန်ဝူးပြောလိုက်သည့်စကားတွေကို ပြန်တွေးလိုက်သည်။
“ပြော။ မင်းအခုလက်မှတ်မထိုးရင် ဒီမှာပဲကိုယ်မင်းကို ငြင်းမရတဲ့တစ်ခုခုလုပ်လိုက်သင့်လား။”တဲ့။
အား.......။သူတွေးကြည့်လေ။ ဒေါသထွက်လေဖြစ်လာသည်။ ဘာဖြစ်လို့ သူ့ကိုဖိအားပေးရတာလဲ။ ချစ်ဖို့မကောင်းဘူး။ ချစ်ဖို့မကောင်းဘူး။ နည်းနည်းမှချစ်ဖို့မကောင်းဘူး။
“ဘေဘီ ဘာတွေတွေးနေတာလဲ”
“ချစ်ဖို့မကောင်းဘူး”
“ဟမ်?”
“ခင်ဗျားက ချစ်ဖို့မကောင်းဘူး။ ခင်ဗျားနားလည်ရဲ့လား။ ကျွန်တော့်ကိုတွေ့တွေ့ချင်း လက်မထပ်သင့်ဘူးလေ။”
“ကိုယ်မလုပ်ပါဘူး။ တကယ်လို့မင်းစိတ်ကောက်နေတုန်းပဲဆိုရင် ကိုယ်မင်းကိုချော့စရာတစ်ခုရှိတယ်။ ဘယ်လိုလဲ”
ဂျွန်ဝူးစကားကြောင့် အင်းထယ် နည်းနည်းတော့စိတ်ဝင်စားလာသည်။ ချော့စရာဆိုတာတကယ်ပဲဘာများလဲ။
“ကြည့်မလား။”
သူက အရမ်းကြည့်ချင်ပေမဲ့ သိပ်စိတ်မဝင်စားဟန်လုပ်ကာ ခေါင်းညိမ့်ရုံသာညိမ့်လိုက်သည်။ ဂျွန်ဝူးက ပြုံးကာ အင်းထယ်လက်ကိုဆွဲ၍ အဝတ်လဲခန်းထဲသို့ခေါ်လာလိုက်သည်။ ရောက်ရောက်ချင်းမှာတင် အိင်္ကျီတွေဆွဲချွတ်နေတာကြောင့် အင်းထယ်လန့်သွားသည်။ ဘာလဲ။ ဒါက သူ့ကိုချော့မှာလား။ ဒါမှမဟုတ် ထပ်ပြီးစိတ်တိုအောင်လုပ်မှာလား။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
