Uni
သူနိုးလာတော့ အပြာနုရောင်အခန်းတစ်ခုထဲရောက်နေကြောင်းသတိပြုမိလိုက်သည်။ နံရံတွေတင်မဟုတ်ပဲ ခုတင်ကမွေ့ရာနဲ့ လိုက်ကာတွေကပါ အပြာနုရောင်ဖြစ်နေကြသည်။ လိုက်ကာတွေနဲ့ စောင်တွေ၏အနားတွင် ရွှေချည်ဖြင့် ထိုးထားသော line လေးတွေပါတာမို့ ရိုးရိုးရှင်းရှင်းနှင့်လှပနေသည်။ အသုံးအဆောင်တွေကအစ အနုစိတ်နေကာ စီစဥ်သူ၏စိတ်ကူးကောင်းပုံကို ဖော်ပြနေသည်။ ဒါဘယ်သူ့အိမ်လဲဆိုတာ နှစ်ခါစဥ်းစားစရာမလို။ သေချာပေါက် လောရင့်အိမ်ပဲပေါ့။
ကားပေါ်မှာဆို အိပ်ပျော်တတ်တဲ့အကျင့်အရ သူအိပ်ပျော်တာကို အခွင့်ကောင်းယူ၍ လောရင့်က အိမ်ကိုခေါ်လာပုံရသည်။ ဆိုင်နိုက ခုတင်ပေါ်က အမြန်ဆင်းကာ အပေါ်ထပ်ကို ကောက်ဝတ်၍ အိမ်ပြန်ရန်ပြင်လိုက်သည်။ ရုတ်တရက် တံခါးကပွင့်လာကာ တံခါးဘောင်ကိုမှီကာ မတ်တပ်ရပ်နေသော လောရင့်ကို မြင်လိုက်ရသည်။
"ခင်ဗျားလာတာအတော်ပဲ။ ကျွန်တော်ပြန်တော့မလို့။"
လောရင့်က ခေါင်းကိုစိတ်မပါစွာညိမ့်ကာ လမ်းဖယ်ပေးသလိုလုပ်ပြီးမှ အပေါက်ဝမှာ ပိတ်ရပ်လိုက်သည်။
"ထမင်းစားသွားဦးလေ။"
"ဟင့်အင်း။ အိမ်မှာ စီရမ်တစ်ယောက်ထဲရယ်လေ။"
"အိုး......ဟုတ်လား။ စိတ်ပူမနေပါနဲ့။ သူ့ကိုလူးဝစ်စောင့်ရှောက်ပေးမှာပေါ့။"
လောရင့်က အပေါက်ဝက နဲနဲမှမဖယ်တာမို့ ညစာစားမသွားမချင်း သူအိမ်မပြန်ရမှာသေချာနေသည်။ ဒါကြောင့် ညစာကိုအမြန်စားကာ အိမ်ပြန်မည်ဟု စိတ်ကူးလိုက်သည်။
"ကောင်းပြီလေ။ အဲတာဆို ကျွန်တော်ညစာစားသွားလိုက်ပါ့မယ်။"
"မင်းဆုံးဖြတ်ချက်သိပ်ကောင်းတာပဲ။ အိုခေ။ ကိုယ့်နောက်ကလိုက်ခဲ့။"
သူနေခဲ့တဲ့အခန်းသည် အပေါ်ထပ်မှာဖြစ်ကာ ကြောင်လိမ်လှေကားကြီးကို ဖြတ်၍ဆင်းရသေးသည်။ ထမင်းစားခန်းကလဲ ထည်ဝါလှသည်။ အရာရာသည် ရိုးရှင်းစွာလှပခြင်းဟူသည်ကို အစွမ်းကုန်သရုပ်ပြနေသည့်နှယ်ဖြစ်သည်။ သူ့အရင်ဘဝတုန်းက ချမ်းချမ်းသာသာနေခဲ့ပေမဲ့ အိမ်ကိုတော့ ဒီလောက်လှအောင် အလှမဆင်တတ်ခဲ့ပေ။ အခုအိမ်ကတော့ တော်တော်လေးလှတာမို့ စီစဥ်သည့် ကုမ္ပဏီကိုတောင်သိချင်လာမိသည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
