Uni
ဒီရက်ပိုင်းအတွင်း သူအိမ်မှာပဲစားလိုက်သောက်လိုက်နဲ့ငြိမ်နေသည့်အပြင် အလုပ်ကိုလဲခွင့်ယူထားလိုက်သည်။ အလုပ်သွားတော့ရော သူဘာလုပ်တတ်မှာမို့လို့လဲ။ နောက်ပြီးဒီခေတ်မှာက computer တွေ၊ ဖုန်းတွေမှမရှိပဲ ။ ဒီတော့အလုပ်လုပ်ရမှာက လက်နှိပ်စက်တစ်ခုနဲ့တဂျောက်ဂျောက်ရိုက်ရုံပဲပေါ့။ ဒါက သူ့ခံနိုင်ရည်စွမ်းကိုလာစမ်းသပ်နေသလိုပဲ။
ခေတ်သစ်ကလာတဲ့လူတစ်ယောက်က လက်နှိပ်စက်နဲ့ဘယ်လိုလုပ်အဆင်ပြေမတဲ့လဲ။ ဒါကြောင့်သူက စက်လှေအလုပ်ကိုပိုစိတ်ဝင်စားပါသည်ဟူသည့်အကြောင်းပြချက်ကို ပြကာ အလုပ်ထွက်ဖို့စီစဉ်ထားလိုက်သည်။ တကယ်လဲ ဦးကြီးသာ ဆီနေ့တိုင်းသွားကာ စက်လှေတွေအကြောင်းကိုသင်ယူခဲ့သည်။ ငါးဖမ်းစက်လှေ ဆယ်စီးပိုင်သည့်အနက် သုံးစီးကိုသာ သူတို့လက်ဝယ်ထား၍ ကျန်၇စီးကို အခြားလူများဆီသို့ တစ်နှစ်တန်သည် သုံးနှစ်တန်သည် ငှားထားလေ့ရှိသည်။
ဒီတော့ ကိုယ့်လက်ထဲမှာရှိသည့်သုံးစီးကို ဒီတိုင်းထားတောင် စက်လှေငှားခကရသည်။ စက်လှေပြင်တာရော၊ ထိန်းသိမ်းတာရောပါ ငှားသူကလုပ်သည်ဆိုပေမင့် သူ့အဖေကအငြိမ်ထိုင်နေလေ့မရှိပါ။ ညနေစောင်း ထမင်းစားပြီးချိန်ဆိုလျှင် ကမ်းနားလမ်းသို့ အစာကြေလမ်းလျှောက်ထွက်ရင်း သူ့စက်လှေတွေရဲ့အခြေအနေကို အမြဲစောင့်ကြည့်တတ်သည်။
အခုလဲ အဖေက ငါးဖမ်းစက်လှေတွေနဲ့လိုက်သွားရင်း ဒေသထွက်ပစ္စည်းတွေကိုပါ ရောင်းချနေတာကြောင့် အိမ်မပြန်နိုင်သေးဘဲ ကြာနေတာဖြစ်သည်။ ဦးကြီးသာ လိုက်မသွား၍သာတော်တော့သည်။ မဟုတ်လျှင် သူ ဒါတွေကို ဘယ်သူ့ဆီက သင်ရမယ်မှန်းသိမှာမဟုတ်ပေ။ ဒီတော့ ဦးကြီးသာ သိပ်မမာသည်ကိုပင် သူကကျေးဇူးတင်ချင်တော့သည်။
သင်းပျံ့မွှေးကိစ္စကိုလဲ လုပ်စရာရှိသေးတာကြောင့် ဖေဖေ့ကုန်ကိစ္စကိုအကြောင်းပြကာ ထွန်းကြွယ်ဆိုသည့်လူထံသွားဖို့အကြံရမိသည်။ အလုပ်ကိစ္စနှင့်ပြောကြဆိုကြရင်း ခင်မင်သည့်အခါမှ မော်လမြိုင်ကိုအလည်ခေါ်မည်။ ဒေါ်ဒေါ့်အိမ်မှာတည်းရင်းကတဆင့် သင်းသင်းနှင့် မေတ္တာမျှကြလိမ့်မည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
