Uni
“လာဘေဘီ ဒီမှာထိုင်လိုက်”
ဂျွန်ဝူးက အခန်းထဲရှိတစ်ခုတည်းသောကုလားထိုင်မှာ သူကိုယ်တိုင်ဝင်ထိုင်လိုက်ကာ အင်းထယ်ကိုတော့ သူ့ပေါင်ပေါ်မှာထိုင်ဖို့ ပြောလိုက်သည်။ အင်းထယ်က အခန်းထဲကိုတစ်ချက်ဝေ့ကြည့်လိုက်သည်။ အပြင်ဘက်ကတိုက်ခန်းဟောင်းပုံစံမျိုးပေမဲ့ အထဲမှာတော့ထင်မထားရလောက်အောင်သားနားပါသည်။ ရုံးခန်းက သိပ်ထိုင်ပုံမရတာကြောင့် သားရေသား ထိုင်ခုံတစ်လုံးကလွဲရင် ကျန်တဲ့ထိုင်စရာသိပ်မရှိလှ။ စားပွဲပေါ်မှာကတော့ စာရွက်စာတမ်းတွေနဲ့ရှုပ်ပွနေသည်။ အခန်းကတောက်ပြောင်နေသလောက် ဒီစာရွက်ပုံကြီးကတော့ အရုပ်ဆိုးလှသည်။
သူကလိမ်လိမ်မာမာပဲ ဂျွန်ဝူးပေါင်ပေါ်သို့ဂရုတစိုက်ထိုင်လိုက်သည်။ မျက်လုံးတွေကတော့ ပတ်ပတ်လည်ကိုဝေ့ကြည့်နေဆဲ။
“ဒီနေရာကိုဘယ်လိုထင်လဲ။ သာမန်လို့တော့မထင်စေချင်ဘူး။”
“ခင်ဗျားတို့ဒီမှာမူးယစ်ဆေးတွေရောင်းတာလား။”
ရုံးခန်းဟု ဂျွန်ဝူးညွှန်းဆိုသော ဤအခန်းလေးထဲသို့မရောက်မီ ဟောခန်းကြီးတစ်ခုကိုဖြတ်လာရသေးသည်။ ထိုခန်းမတွင် မီးမှိန်မှိန်တွေနှင့် လူအများထိုင်နေကြသည်။ လူတိုင်းလူတိုင်းသည် သူ့အာရုံနှင့်သူဖြစ်ကာ အရက်ရောင်းသည့် ကောင်တာလေးတောင်ရှိသေးသည်။ တစ်ချက်ကြည့်ရုံနှင့် ဘားအသေးစားလေးအလား ပြင်ဆင်ထားကာ မိန်းမတွေမရှိတာလွဲရင် အကုန်သာယာအောင်ဖန်တီးထားသည်။ သူ့အမြင်အရ ဒီနေရာမျိုးက မူးယစ်ဆေးရောင်းတဲ့မှောင်ခိုနေရာမျိုးဆိုတာသေချာသည်။
“အိုး ဘေဘီတော်တယ်။”
ဂျွန်ဝူးကသူ့ပေါင်တွေကိုပွတ်သပ်ရင်း ပြုံးကာပြောလာပေမဲ့ သူကတော့မပြုံးနိုင်ပါ။ သူ့ချစ်သူ ဘတ်စ်ပေါ်မှာလူသတ်ကတည်းက ဒီလိုဥပဒေနဲ့မညီတာမျိုးတွေအများကြီးတွေ့ရဦးမှာကြိုသိနေပေမဲ့ တကယ်တွေ့ရတော့လည်း စိတ်ထဲသိပ်အဆင်မပြေ။ သူကအရင်ဘဝကတည်းက လူကောင်းလေးမဟုတ်လား။ နိုင်ငံတော်ဥပဒေဆိုတာ သူတစ်လက်မတောင်ချိုးဖောက်ဖူးတာမဟုတ်ဘူးလေ။ အခုတော့ ဂိုဏ်းစတားဘေးတောင်ရောက်နေရတဲ့အဖြစ်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
