Uni
“အန်း ငါ့ကိုတရားခံအဖြစ်လူစားထိုးဖို့လူတစ်ယောက်ရှာပေး။”
“မဟုတ်ဘူးလောရင့်။ ငါတို့အဲ့လိုလုပ်လိုက်ရင် တရားခံအစစ်ကရော?”
လောရင့်က ပြုံးကာ ဆိုင်နိုရဲ့ဆံပင်ပျော့ပျော့လေးတွေကို တစ်ချက်သပ်ပေးသည်။
“ကိုယ်က ကိုယ့်အဖေကို သတ်တဲ့လူကို တရားရုံးကနေ အပြစ်ချသလောက်ပဲ ကျေနပ်မယ်လို့မင်းထင်လား။”
ဆိုင်နိုတိတ်တိတ်လေးပဲနေလိုက်သည်။ သူ့ခင်ပွန်းအကြောင်းသူသိသည်လေ။ လောရင့်က ဒေါသကြီးပြီးဝုန်းဝုန်းဒိုင်းဒိုင်းမဆန်ပေမဲ့ သွေးအေးပြီး ရက်စက်တတ်သည့်လူ။ ဒါပေမဲ့ ဒီလိုလူက သူ့အတွက်တော့ အလွန်နွေးထွေးသည့် ခင်ပွန်းတစ်ယောက်ဖြစ်နေခဲ့သည်။ နောက်တစ်နေ့မှာတော့ တရားရုံးကို အမှုကြားနာဖို့အတွက် သွားရလေသည်။
ဆိုင်နိုကို အချုပ်ခန်းထဲထည့်ရမှာပေမဲ့ လောရင့်က သဘောမတူတာကြောင့် မတတ်သာစွာနဲ့ အိမ်မှာပဲ အကျယ်ချုပ်ထားရတော့သည်။ ဆိုင်နိုက တရားရုံးမှာတော့ လောရင့်အဖေကို သတ်သည့်အမှုနှင့် တရားခံနေရာမှာ ရပ်နေရလေသည်။ လောရင့်က ဒါကိုလုံးဝမကျေနပ်ပေမဲ့ သူအထပ်ထပ်ဖျောင်းဖျတာကြောင့် ဘာမှတော့မပြောပဲ မျက်မှောင်ကြီးကုပ်ကာ ငြိမ်နေသည်။
“တရားသူကြီးမင်း။ ဒီဟာကတော့ သက်သေပစ္စည်းတွေပဲဖြစ်ပါတယ်။”
တစ်ဖက်က ရှေ့နေက စတင် တင်ပြသည်။ ထိုရှေ့နေသည် လောရင့်ငှားတာမဟုတ်ပဲနဲ့ အန့်လူနာက တမင်ကိုငှားပေးလိုက်တာဖြစ်သည်။ တစ်ဖက်က တရားလိုပြုလုပ်တရားစွဲဆိုသည့် ရဲမှုးကိုလည်း အန့်လူနာကပင် အစစအရာရာကူညီပေးထားသည်။
သူပြုံးမိလိုက်သေးသည်။ အန့်လူနာက မသေပေမဲ့ သူ သူမကို ဆေးထိုးအပ်နဲ့ သတ်ဖို့လုပ်သည့်ကိစ္စသည် လုံးဝသတင်းထွက်မလာချေ။ ဒါကဘယ်သူ့လက်ချက်ကြီးဆိုတာ သိသာနေတာပဲ။ မျက်မှောင်ကုပ်ကာ ထိုင်နေသော ခင်ပွန်းကြီးဆီသို့ သွားတွေပေါ်အောင် ရယ်ပြလိုက်သည်။ ထိုသူကတော့ သူ့လက်ကလက်ထိပ်တွေကိုကြည့်ရင်း မျက်မှောင်ကုပ်နေဆဲ။
“အမှုဖြစ်စဉ်ကတော့ မစ္စတာဂျွန်ဆိုင်နိုက သူ့ရဲ့ခင်ပွန်းဖြစ်သူ မစ္စတာလော့ရင့်ရဲ့ ဖခင်မစ္စတာ ဂျိန်းကို စိတ်ဆန္ဒအရသတ်ဖြတ်မှုပဲဖြစ်ပါတယ်။ တရားသူကြီးမင်းခဗျာ ဒီအမှုမှာ ပစ္စည်းသက်သေအနေနဲ့ ဂျွန်ဆိုင်နိုရဲ့ လက်ဗွေပါနေတဲ့ သေနတ်ကိုတွေ့ရပါတယ်။ “
ရှေ့နေကြီးက တရားသူကြီးမင်း၏စားပွဲပေါ်ရှိ အိတ်အကြည်နှင့်ထည့်ထားသော သေနတ်ကို ညွှန်ပြကာ ပြောသည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
