Uni
How I start loving at you (ငါမင်းကိုဘယ်လို စချစ်မိလဲဆိုရင်)
“တောက်”
ခန်းမကြီးရဲ့ ရွှေရောင်လွှမ်းနေသော နတ်မင်းပလ္လင်ထက်မှာ ခန့်ညားတဲ့ ယောက်ျားတစ်ယောက်က တည်ငြိမ်စွာထိုင်နေသည်။ သူ့ ဝတ်ရုံတွေက ရွှေနီရောင်ရောစပ်ထားတာဖြစ်ကာ သံချပ်ကာတွေအပြည့်နှင့်မို့ တစ်ချက်ကြည့်လိုက်တာနဲ့ စစ်သူကြီးတစ်ယောက်မှန်းသိသာလှသည်။ အဝါရောင်မှ နီလုလုဆံသားရှည်တို့ကို အနောက်သို့သိမ်းကျုံးဖွဲ့နှောင်ထားကာ နှုတ်ခမ်းကိုတင်းတင်းစေ့လိုက်တော့ ခိုင်ကျည်သည့်မေးရိုးတွေက ထင်းခနဲဖြစ်သွားသည်။ ဒီယောက်ျားသားသည် တစ်ချက်ကြည့်မိရုံနှင့် အန္တရာယ်ရှိသည့် အငွေ့အသက်ကိုပေးနိုင်စွမ်းသည်။ ခန်းမကြီး၏ ဘေးဘီဝဲယာရှိ တပ်မှူးတွေက ခေါင်းကိုအဆက်မပြတ်ငုံ့ထားကြကာ သူတို့အရှင်ဆီသို့ နည်းနည်းလေးမှ မော့မကြည့်ရဲကြ။ အရှင်ဆိုတာ ဒေါသထွက်နေရင် လေကိုတောင် ဓားနဲ့ခုတ်ချင်ခုတ်တဲ့လူစားမျိုး။
အရှင်သခင်ကိုမော့မကြည့်ရဲကြပေမဲ့ အောက်ငုံ့ထားကြသည့်မျက်လုံးတွေက အချင်းချင်းတော့ တိတ်တခိုးဆုံကြသည်ပင်။ သူလည်း မသိ၊ ငါလည်းမသိ အနေအထားတွင် အရှင်သခင်၏ ဒေါသရင်းမြစ်ကို ဘယ်သူမှ မခန့်မှန်းနိုင်ဖြစ်နေရသည်။ အသေအချာကို ခုနလေးကတင် အရှင်သခင်က စစ်အောင်နိုင်လို့ သူတို့ကို ပျော်ရွှင်စွာဂုဏ်ပြုပေးနေတာမဟုတ်လား။ အဲ့ဒီနောက် ရုတ်တရက်ကြီး တက်ခေါက်လိုက်ကာ ဒီလိုအနေအထားဖြစ်လာတော့တာပါပဲ။ မူလက အေးချမ်းပြီး ပျော်ရွှင်မှုတွေနဲ့ ပြည့်နေတဲ့ခန်းမကြီးမှာ အခုတော့ မီးတောက်တွေလျှံထွက်တော့မလားပဲ။ အရှင်သခင်က နေနတ်ဘုရားနဲ့အမျိုးတော်တယ်ဆိုတော့ သေချာပေါက် သူတို့ကို အပူရှိန်တွေနဲ့ ပြာချတော့မှာလား။
“အကုန်ထွက်သွားကြ”
ခန့်ညားပြီး ထည်ဝါတဲ့အသံက ညင်သာမှုမရှိစွာထွက်ပေါ်လာတယ်။ တပ်မှူးငယ်တွေဟာ သူတို့ရဲ့ သံချပ်ကာကို မ,ရင်း အားရပါးရပြေးကြပါတော့တယ်။ ဒီအသံဗို့အားအရဆိုရင် နောက်ကျတဲ့ခြေထောက်သစ္စာဖောက်ပဲ။ နောက်ဆုံးကျန်ခဲ့တဲ့လူ ဘာဖြစ်သွားနိုင်မလဲဆိုတာ သူတို့မသိနိုင်ဘူးလေ။ အစက ပျော်ရွှင်မှုတွေနဲ့ ဆူညံနေခဲ့တဲ့နေရာဟာ ရုတ်ချည်းတိတ်ဆိတ်သွားတော့တယ်။ အပျိုတော်တွေနဲ့ အစောင့်စစ်သည်တွေဟာလည်း ခြွင်းချက်မရှိတာကြောင့် သူတို့က ခန်းမအပြင်ဘက်ကပဲ အရှင်သခင်ကို စောင့်ပေးနေရတယ်။ စစ်နတ်ဘုရားလို့ သူတို့ခေါ်ဝေါ်နေကြတဲ့လူကတော့ သူ့ထိုင်ခုံကနေ ဖြည်းဖြည်းချင်းထရပ်လိုက်ပြီး အလင်းရောင်ထဲသို့ လက်ကိုမြှောက်ကြည့်လိုက်လေတယ်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
