Uni
အခန်းလေးသည် လူနေခန်းလေးဖြစ်လိမ့်မည်ဟု နဲနဲလေးမှမတွေးမိပေ။ လှို့ဝှက်ခန်းဖြစ်တာကြောင့် ရွှေတွေ၊ အရေးကြီးသည့်စာရွက်စာတမ်းတွေ ရှိလိမ့်မည်ဟု တွေးမိလိုက်တာဖြစ်သည်။ သို့သော် မြင်လိုက်ရတာက အဖြူရောင်နံရံသုတ်ဆေးတွေနဲ့ လူနေအခန်းငယ်လေးတစ်ခု။ ရေချိုးခန်းနှင့် အိမ်သာတောင်မှ တွဲလျှက်ပါရှိသေးသည်။ အသုံးအဆောင်တွေအကုန်လုံးက သီယာဝစ်ဆိုသည့်လူ၏အခန်းထက်မသာရင်တောင် မလျော့သော တန်ဖိုးတွေရှိကြသည်။
ပြတင်းပေါက်တစ်ခုမှမရှိသလို ဒီအခန်းပိုင်ရှင်လေးသည် နေရောင်ကိုသော်မှ မြင်ဖူးလိမ့်မည်မဟုတ်။ ပြောရရင် အခန်းပိုင်ရှင်လေးသည် အကျဉ်းစံလေးဖြစ်ပေလိမ့်မည်။ သီယာဝစ်က အစားအသောက်ယူလာသည့်ဗန်းလေးကို ချကာ အိပ်ယာထက်က လူတစ်ယောက်ကို ပြုံးကြည့်ရင်း မြတ်မြတ်နိုးနိုးငေးနေဟန်ရှိသည်။ Kornတွေးမိလိုက်တာက ကုတင်ပေါ်ကလူသည် မိန်းကလေးဖြစ်လောက်ပြီး ကြည့်ရတာ အဲဒီမိန်းကလေးကို ခွန်သီယာဝစ်က အတော်ချစ်ဟန်ရှိသည်။
ဒါပေမဲ့ အနားကိုကပ်သွားလိုက်တော့ သူမြင်လိုက်ရတာက ကုတင်ပေါ်မှာခြေကားယားလက်ကားယားအိပ်နေသည့် ကောင်လေးတစ်ယောက်ပင်ဖြစ်သည်။ သူ့စိတ်ထဲနဲနဲဇဝေဇဝါပင်ဖြစ်သွားသည်။ ဒီကောင်လေးကို သူတော်တော်လေးရင်းရင်းနှီးနှီးမြင်ဖူးနေသည်။ မြင်ဖူးတာမှ ခုနလေးကပင် မြင်ဖူးသလိုလို............။ ခေါင်းခြောက်အောင်စဉ်းစားပြီးနောက်တွင်တော့ ကိုယ့်ခေါင်းကိုယ်ပြန်ရိုက်လိုက်သည်။
သေစမ်း။ အဲဒါငါ့ရုပ်ကြီးဟ။
အဲ့ဒီတော့ဘာလဲ။ ဘာလို့ဒီကောင်လေးက သူနဲ့တူနေရတာလဲ။ ဒါဆို ခုနက ငါ့အယောင်ဆောင်ထားတဲ့ သရဲက ဒီကောင်လေးများလား?
သူတွေးနေတုန်းမှာပင် ကောင်လေးက လူးကာလွန့်ကာဖြင့်နိုးလာဟန်ရှိသည်။ ကောင်လေးမျက်လုံးပွင့်လာတာနဲ့ ခွန်သီယာဝစ်မျက်နှာက အပြုံးက ဘယ်တုန်းကမှမရှိခဲ့သလို ပျောက်ကွယ်သွားသည်။ သူခေါင်းခါမိလိုက်သည်။ ဒီလူကြီးက အရမ်းဟန်ဆောင်တတ်တာပဲ။ ခုနကအပြုံးအရ ခွန်သီယာဝစ်သည် ဒီကောင်လေးကို ကျိန်းသေချစ်မြတ်နိုးနေသည်။ ဒါပေမဲ့ အကြောင်းတစ်ခုကြောင့် မချစ်ဟန်ဆောင်နေရပုံပေါ်သည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
