Uni
“ဖြစ်ပါ့မလား”
Korn က သူ့ဘေးနားမှ စိတ်အပူအပန်ကင်းစွာပါလာသည့် ခွန်သီယာဝစ်ကို မေးလိုက်သည်။
“သေချာတာပေါ့။ အေဂျင်စီရဲ့မန်နေဂျာကို မင်းနာမည်သာပြောလိုက်။ အကုန်အဆင်ပြေစေရမယ်”
“နေပါဦးဗျ။ ခင်ဗျား ဘယ်လိုလုပ်ခဲ့တာလဲ”
Korn က သံသယမျက်လုံးတွေဖြင့် ခွန်သီယာဝစ်ကိုမေးသည်။
“ဒီလိုပါပဲ။ ကိုယ့်မှာ အစွမ်းနဲနဲရှိတယ်လို့ပြောတယ်မလား”
“ခင်ဗျားက ကျွန်တော်နဲ့ထိလို့ရတယ်နော်”
“အင်း။ ကိုယ့်သက်တမ်းကနှစ်ပေါင်းရာချီနေပြီလေ။ ဒီတော့ ကိုယ်လုပ်နိုင်တာတွေကလဲ မနည်းဘူး။”
“ကျွန်တော်ခင်ဗျားကို ဒီလိုမျိုးကြီး မနေစေချင်ဘူး”
“ဘာလဲ ။ လူပြန်ဝင်စားတာကို ပြောတာလား”
“အင်း”
“ကိုယ်က တမင်မလုပ်တာပါ။ အခွင့်အရေးတွေရခဲ့ပေမဲ့ အမ်းကြောင့်ကိုယ်စောင့်နေခဲ့တာ”
Korn ရဲ့မျက်နှာကထိုနာမည်ကို ကြားပြီးခဏချင်း ညှိုးနွမ်းသွားသည်။ သူ့ချစ်သူက ဘာလို့များ သူ့ကိုမချစ်ရတာလဲ။ ဘာလို့များ အဲဒီလူကိုပဲချစ်ရတာလဲ။ သူတွေးလွန်းတယ်ပဲပြောပြော၊ Korn က အမ်းဖြစ်ခဲ့တယ်ပဲဆိုဆို သူ့ချစ်သူက သူဆိုတဲ့ Saint ကိုချစ်တာမဟုတ်ဘူးလေ။ အမှန်အတိုင်းပြောရရင် ဒီကမ်ဘာကိုရောက်ကတည်းက သူ့စိတ်တွေက ပင်ပန်းဆင်းရဲနေရသည်။
သူ့ချစ်သူက တစ်ခြားသူကို ချစ်နေတယ်လို့တွေးလိုက်ရင် ရင်ဘတ်ထဲကနာလွန်းလို့ သေနိုင်သည်။ သူက မျက်ရည်ဝဲနေသည့် မျက်ဝန်းတွေကို ဖုံးလိုက်ကာ သူ့ချစ်သူအနားက ထွက်သွားဖို့လုပ်လိုက်သည်။
“ခွန်။ ကျွန်တော်သွားတော့မယ်။ ဆက်လိုက်မလာနဲ့တော့”
ပြောပြီးပြီးချင်းပြေးထွက်သွားသော ကောင်လေးကိုကြည့်ရင်း သူ့စိတ်တွေလေးသွားသည်။ ရူးလိုက်တဲ့ငါ။ ဘာလို့များ ကောင်လေးကို စိတ်ညစ်အောင်လုပ်မိပါလိမ့်။ ကိုယ့်ပါးစပ်ကိုယ်ပိတ်လိုက်ရင်း စိတ်ထဲကအကြိမ်ကြိမ်ကတိပေးလိုက်သည်။ သူ ဒီကောင်လေးရှေ့မှာရော ကွယ်ရာမှာပါ အမ်းဆိုသည့်စကားလုံးကို လုံးဝမဟတော့။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
