Uni
လောရင့်အဖေက လောရင့်ကိုဘာပြောသွားသလဲတော့ သူမသိရသေးပေ။ လောရင့်ကတော့ ဘာမှမဖြစ်သလိုပင် အလုပ်လေးလုပ်လိုက် သူ့ကိုလာချွဲလိုက်ဖြင့် သာယာနေလေသည်။ သူတစ်ခုခုစဉ်းစားနေရသည်။ အရာအားလုံးက သူဆင်းရဲသည်ဆိုသည့် အချက်အပေါ်မှာ မူတည်လာတာမို့ အလုပ်တစ်ခုခုတော့ လုပ်မှရလိမ့်မည်။ သူလည်း ယောကျ်ားပဲမဟုတ်လား။ ဘာပဲပြောပြော ကိုယ်ပိုင်ဝင်ငွေတော့ရှိသင့်သည်ဟုယူဆသည်။
“လောရင့် ကျွန်တော်ပြောစရာရှိတယ်။”
ရေချိုးခန်းထဲက ထွက်လာကာစလောရင့်ကို အဝတ်အစားတွေထုတ်ပေးနေရင်းနဲ့ ပြောလိုက်သည်။
“ပြောလေ ဘေဘီ။ ဘေဘီဘာလိုချင်လဲ။ ဘာဖြစ်ချင်လဲပြောလိုက်”
လောရင့်က သူ့ကိုနဲနဲလေးတောင်အလွတ်မပေးပဲ စနောက်နေသေးသည်။
“ကျွန်တော်အလုပ်လုပ်ချင်တယ် လောရင့်။”
“အလုပ်?”
လောရင့်က မျက်မှောင်ကျုံ့ကာ စဉ်းစားလိုက်သည်။ သူ့ဘေဘီက စာတော်ပြီး ထက်မြက်တာကို သူကောင်းကောင်းသိသည်။ တကယ်လို့ သူ့ဘေဘီသာအလုပ်လုပ်မယ်ဆိုရင် အလုပ်တွေနဲ့မို့လို့ဆိုပြီး သူ့အနားမှာမရှိပေးနိုင်တော့ရင် ဘယ်လိုလုပ်မလဲ။ သေချာတာကတော့ သူ့ဘေဘီမရှိပဲ သူကောင်းကောင်းမနေနိုင်တာပဲ။ ဒါပေမဲ့ ကိုယ့်အတ္တကိုယ် ဘေးပို့ထားလိုက်ကာ ဆိုင်နိုရဲ့ဆန္ဒကို ဦးစားပေးဖို့ဆုံးဖြတ်လိုက်သည်။
“ဘာအလုပ်လဲ ဘေဘီ။ ကိုယ်ထင်တာကတော့ ဘေဘီ.........ကျူတာလုပ်မလို့လား။ ကောလိပ်မှာလေ။”
“မဟုတ်ပါဘူး။ ကျွန်တော်က သရုပ်ဆောင်လုပ်ချင်တာ။”
“သရုပ်ဆောင်?”
လောရင့်က အကြီးကြီး ခံစားလိုက်ရသည်။ ဒီလောက်ချစ်ဖို့ကောင်းတဲ့ သူ့အပိုင်လေးကို သူများတွေကို ပေးကြည့်ရမတဲ့လား။ လုံးဝမဖြစ်ဘူး။ ဒီလိုအဖြစ်မခံနိုင်ဘူးလေ။ဆိုင်နိုကလည်း လောရင့်ဘာတွေတွေးနေသလဲဆိုတာကို ကွက်တိသိသည်။ သူက ချစ်စရာအပြုံးလေးနဲ့ လောရင့်ပါးကိုနမ်းလိုက်ကာ ထပ်ပြီးပူဆာလိုက်သည်။ လောရင့်က ဒီအတွက်ကြောင့်အနဲငယ်စိတ်ပြေသွားကာ သူ့လက်ထောက် အန်းကိုဖုန်းဆက်သည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
