Uni
သူနိုးလာတော့ ဝါကျင့်ကျင့်အလင်းရောင်က မျက်စိကျိန်းလောက်အောင်တောက်ပနေသည်။ ဒီအချိန်ကညနေရောက်နေပြီဆိုတာကို မစဉ်းစားမိခင်အထိ သူ့စိတ်တွေကအဆင်ပြေနေပါသေးသည်။ အခုထိ အိမ်ကြီးထဲမှာပဲရှိနေသေးသည့် သူ့ကိုယ်သူကြည့်လိုက်ကာ သက်ပြင်းချမိသည်။ ရုပ်ရှင်တွေထဲမှာဆိုရင် မင်းသမီးမူးလဲရင် တစ်ယောက်ယောက်က ဆေးရုံခေါ်ပေးကြတယ်မဟုတ်လား။ဘာလို့ သူ့ကျမှ ဆေးရုံကိုမရောက်ရတာလဲ။
နောက်ကျိနေသည့် ခေါင်းကိုထူမကာ မတ်တပ်ရပ်လိုက်သည်။ သူဒီထဲကထွက်ကိုထွက်နိုင်ရမည်ဟု ကျိန်းသေယုံကြည်သည်။ တကယ်လို့ သူအခုမထွက်နိုင်ဘူးဆိုရင် ဒီညအတွင်းမှာ သူသေချင်လဲသေသွားနိုင်သည်။ သေပြီးသားလူတစ်ယောက်အဖို့ သေရတာကမဆန်းပေမဲ့ သရဲတွေနဲ့ပတ်သတ်ပြီးသေရမှာက နဲနဲရက်စက်ရာကျလွန်းနေသည်။
သူကပတ်ဝန်းကျင်တစ်ခုလုံးကိုဝေ့ဝိုက်ကြည့်လိုက်သည်။ လှို့ဝှက်ခန်းထဲက ဖက်လျက်အနေအထားနဲ့အရိုးစုနှစ်ခုကို တစ်ချက်ကြည့်ပြီးနောက် လှို့ဝှက်ခန်းတံခါးကို ပြန်ပိတ်လိုက်သည်။ အမှောင်နားနီးလာလေ ကြောက်စိတ်ကြီးစိုးလာလေ ဖြစ်တာကြောင့် သူ ကိုယ့်စိတ်ကိုယ် ပြင်ဆင်ထားလိုက်သည်။ သူဒီထဲကထွက်ရမယ်။ ဘာပဲတွေ့တွေ့ထွက်ကိုထွက်ရမယ်။ ဟုတ်တယ်။ ငါယုံတယ်။ ငါ့မှာ အကာအကွယ်အနေနဲ့ ဘုရားစာတွေရှိတယ်။ နောက်ပြီး ငါ့ရင်ဘတ်ထဲကဘုရားရှိတယ်။
သူကစိတ်ထဲကနေ အားတင်းလိုက်ရင်း ရင်ဘတ်လေးကို အသာအယာထိလိုက်သည်။ သူ ဘုရားကိုယုံကြည်မှု၊ သဒ္ဒါတရားတွေအကုန် ဒီရင်ဘတ်ထဲမှာရှိသည်။ သူ့မှာဘာအကာအကွယ်အဆောင်မှမလို။ ရင်ဘတ်ထဲကလာသည့် တရားတွေက သူ့ကိုကာကွယ်ပေးမည်ဟုသူယုံသည်။ သူ သရဲတွေကို မြင်ရရင်တောင် သရဲတွေက သူ့ကိုအန္တရာယ်ပြုလို့မရမှာသေချာသည်။
ရင်ထဲနွေးခနဲဖြစ်သွားကာ နွေးထွေးတဲ့သွေးရဲ့စီးဆင်းမှုကို သူခံစားနေရသည်။နှုတ်မှ ဘုရားစာကို မပြတ်ရွတ်နေရင်း တံခါးကို ဖွင့်ကြည့်တော့ တံခါးကအလွယ်တကူပင်ပွင့်သွားသည်။ ကော်ရစ်တာတလျောက် စကားပြောသံတွေ၊ ရယ်သံတွေနဲ့ညံနေသည်။ သူက မျက်စိကို လှေကားဘက်ကိုပဲရှေးရှုထားကာ လမ်းမှာတွေ့သမျှသတ္တဝါတွေကို လျစ်လျူရှုဖို့ပြင်သည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
