Uni
“ဟွန့်”
ထိုလူသည် ဟွန့်ခနဲမြည်တမ်းကာ ကြိုးကို သူ၏ ဓားရှည်နှင့် တိခနဲဖြတ်လိုက်သည်။ ကြိုးတွေပြေလျော့သွားပြီးခဏချင်းမှာပဲ ဂေါ့က တစ်ဖက်လူလက်ထဲမှ ဓားရှည်ကိုဖြတ်ခနဲဆွဲလုလိုက်ကာ လည်ပင်းကို တစ်ချက်တည်းချိန်ဖြတ်လိုက်သည်။ သို့သော် သွက်လက်စွာ ရှောင်တိမ်းလိုက်တာကြောင့် လည်ပင်းတော့ပြတ်မသွား။ ဂေါ့က ထပ်ပြီး တိုက်ခိုက်မလို့ပြင်ပေမဲ့ ရုန်းရင်းဆန်ခတ်ဖြစ်သွားသည့် အသံများကြောင့် ရဲမက်တွေပြေးလာသံကို ကြားလိုက်ရသည်။ တစ်ယောက်နဲ့အများမို့ ဆက်မတိုက်တော့ဘဲ လွတ်မြောက်ရေးကိုသာရှေးရှု၍ ဓားကိုခါးကြားထိုးလျှက် ခပ်သွက်သွက်ထွက်ပြေးတော့သည်။
“တပ်မှူးလေး တပ်မှူးလေး...........အဆင်ပြေရဲ့လား။ ရဲမက်တို့ အကျဥ်းသားကို လိုက်ကြစမ်း”
တပ်စုခေါင်းဆောင်ပေးလိုက်သော အမိန့်ကို ခမ် က လက်ကာပြ၍တားလိုက်သည်။ ရှောင်လိုက်တုန်းက ရသွားသော ပွန်းပဲ့ရာကို တစ်ချက်ဖိပွတ်ကာ ဟိုမိန်းကလေး ထွက်ပြေးသွားသည့်ဘက်ကို ကြည့်လိုက်သည်။
“လွှတ်ပေးလိုက်ပါ။ သူ့ကို အဆိပ်တိုက်ထားလို့ အသက်ကြာကြာမရှင်နိုင်ပါဘူး”
တပ်မှူးပြောတာလည်း မှန်နေတာမို့ တပ်စုခေါင်းဆောင်က ခေါင်းညိတ်လိုက်ကာ သူ့လူတွေကို ပြန်စုစေလိုက်သည်။ သက်ပြင်းခပ်လေးလေးချမိတော့ တပ်မှူးက တစ်ချက်ငဲ့ကြည့်လာသည်။ ဒီကောင်မလေးရဲ့ ကိုယ်ခံပညာက အရမ်းကောင်းနေတာမို့ အရှင်မင်းကြီးက ချက်ချင်းသတ်မပစ်သေးဘဲ သူ့ဆီမှာ အမှုထမ်းနိုင်မထမ်းနိုင် မေးပြီးမှ လက်မခံရင်သတ်ပစ်ခိုင်းတာ။ တကယ်လို့သာ ဒီကလေးမက လက်ခံခဲ့ရင် အခုလောက်ဆို အဆိပ်ဖြေဆေးတိုက်ပြီး တပ်မှုးအဆင့်လောက်ကို ရနေလောက်ပြီ။ ဒါပေမဲ့ နောက်ဆုံးတော့ သေလမ်းကိုပဲ ရွေးသွားတော့တာပဲ။ ဟုတ်တော့လည်း ဟုတ်တာပဲလေ။ ဘယ်သူက ဒီလိုကို့ယို့ကားယားအခြေအနေကြီးမှာ သူများတိုင်းပြည်အတွက် အမှုထမ်းချင်ပါ့မလဲ။ အင်း။ သူမ တတ်ထားတဲ့ ကိုယ်ခံပညာတွေကတော့ အတော်လေး နှမြောဖို့ ကောင်းသားပါပဲ။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
