Uni
“အက္ခရာက အ”
“အိုး အာ့စ် နင်ပဲ”
အရှင်မ စကားကြောင့် ပြုံးမိသမျှ ကောင်မလေးတွေဘက်မှ ကျွတ်စီကျွတ်စီအသံတွေကြောင့် မဲ့ကျသွားရသည်။ မြှားက အီရာ့ဘက်ကို ချိန်တာပေမဲ့ အီရာ့ရှေ့မှာ ကောင်မလေးတစ်ယောက်ခံနေသေးသည်။ သူမ နာမည်က အာ့စ်။
“စစ်သူကြီးနဲ့ အာ့စ်တို့လား အရမ်းလိုက်ဖက်တာပဲနော်။”
“အိုး အာ့စ် နင်သိပ်ကံကောင်းတယ်”
“စစ်သူကြီးလို လူကိုရတာပဲ သိပ်ကံကောင်းတယ်”
“နောက်ဆုံးတော့ စစ်သူကြီးလို ခန့်ညားတဲ့လူလည်း ဇနီးရသွားပြီပေါ့”
ဆူညံဆူညံအသံတွေကို ပန်းအိုးကျကွဲသံတစ်ခုက ဖြိုခွဲလိုက်သည်။ အပ်တစ်ချောင်းက ပန်းအိုးကြီးတစ်ခုလုံးကို ပြုတ်ကျကွဲသွားရလောက်အောင် အားနှင့်ဟုန်နှင့်ဖြတ်သန်းသွားတာဖြစ်သည်။ အပ်ပိုင်ရှင်ကတော့ တည်တင်းနေသော မျက်နှာထားနှင့် အံကြိတ်နေလျက်။
“အီရာ မင်း ဘာဖြစ်လို့လဲ”
ခုနကတော့ တစ်လုံးမှဝင်မပြောသော လူဂါက သူ့ကိုလာမေးသည်။ အီရာက ခပ်မဲ့မဲ့မျက်နှာထားနှင့် အပ်ကို သွားကောက်လိုက်ကာ ရှိသမျှလူတွေအကုန်လုံး၊ နတ်ဘုရားရုပ်ထုပါမကျန် မျက်စောင်းတစ်ချက်ထိုးကာ ဟွန့်ခနဲရယ်ရင်း ထွက်သွားလေသည်။ အီရာရဲ့ အပြုအမူကို တစ်ဦးမှ နားမလည်လိုက်။
“အရှင်မ ကျွန်တော် ဘာဖြစ်လဲလို့ သွားကြည့်လိုက်ပါဦးမယ်”
စကားသံဆုံးတာနှင့် လှစ်ခနဲအပြင်ရောက်သွားပြီဖြစ်သော လူဂါ့ကို တားနိုင်ခြင်းငှာ အရှင်မလည်း မစွမ်းသာတော့။ အခမ်းအနား အဆုံးသတ်ခြင်းကို ဆက်လုပ်ဖို့သာရှိတော့တာမို့ သက်ပြင်းချပြီးသာ အစီအရင် ဆက်လုပ်နေလိုက်သည်။ တစ်ဖက်မှာလည်း အီရာတစ်ယောက် တွေ့ကရာတောအုပ်ထဲဝင်တိုးတော့သည်။ ညဘက်မို့ မီးတုတ်မရှိသည့်ဘက်များတွင် မှောင်မဲကာ ခြင်တွေ ပေါများနေသော်လည်း သူ့စိတ်ထဲမှာ ဗလာဖြစ်နေသည်။ အဆိပ်အပ်ကို တင်းတင်းကြပ်ကြပ်ကိုင်ကာ တစ်ယောက်ယောက်ကို ပစ်ပေါက်ချင်စိတ်များက တရိပ်ရိပ်တက်လျှက်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
