Uni
“အစ်ကိုလေးတို့ ချက်ပြီးသွားရင် ဒေါ်ဒေါ့်ကိုပေးနော်။ ဒေါ်ဒေါ်သယ်သွားပေးမယ်။”
အိမ်အကူအဒေါ်ကြီးမှ ပျာပျာသလဲလာပြောသည်။ သူ့အနေနဲ့ အစ်ကိုလေးဟင်းချက်တတ်တယ်ဆိုတာသိနေပေမဲ့လို့ မီးဖိုချောင်ဝင်တာကိုတော့ ဒါပထမဆုံးမြင်ဖူးတာဖြစ်လို့ စိတ်လှုပ်ရှားနေပုံပင်။
“ရပါတယ်ဒေါ်ဒေါ်။ ကျွန်တော်နဲ့ သင်ပဲလုပ်လိုက်ပါ့မယ်။”
“ဪ.......ဟုတ်ကဲ့ရှင့်။ဟုတ်ကဲ့။”
“သင် လာပါဦး ကိုယ့်ကိုကူညီမယ်မဟုတ်လား။”
“ဒါပေါ့လို့။”
ဘုန်းသရေက သင့်ကို ကလေးလေးတစ်ယောက်ကိုကျီစယ်သလိုမျိုး ကျီစယ်လို့နေသည်။
“လာ ကိုယ့်ဇနီးလေးက ဒါကိုထမင်းစားခန်းထဲထိသယ်သွားပေး။ ကျန်တာ မောင်ပဲလုပ်လာခဲ့မယ်”
“ဖြစ်ပါ့မလား။ ကျန်တာက အပူကြီးတွေလေ။”
“အင်းလေ။ အဲတာကြောင့် ကိုယ်ပြောတာပေါ့။”
“ဟင့်အင်းမရပါဘူး။ လင်မယားဆိုတာအေးအတူပူအမျှတဲ့။ တူတူသယ်မယ်လာ။ ကျွန်တော်လုပ်တတ်ပါတယ်။”
“ဟုတ်ပါပြီကွာ။ ဒါပေမဲ့ အကြီးကြီးတွေမသယ်နဲ့။”
“ဟာဗျာ တူတူလုပ်ပါမယ်ဆိုနေ။”
တစ်တောင်လောက်နှုတ်ခမ်းကစူထွက်လာပြီမို့ ဘုန်းသရေလည်း မတတ်နိုင်စွာပဲခွင့်ပြုလိုက်ရသည်။ သူက သူ့ဇနီးလေးကို ဘာမှမလုပ်စေလိုပါ။ ပန်းကန်တွေကို အတူသယ်နေကြရင်း သင်ပြောတဲ့ အေးအတူပူအမျှဆိုတဲ့စကားလေးကြောင့် သူနှစ်နှစ်ကာကာပြုံးလိုက်သည်။ သူ့ဇနီးလေးက တကယ့်ကိုအလိမ္မာတုံးလေး။
“ဟေ့လူ ဘာလုပ်နေတာလဲ။ မြန်မြန်လုပ်ပါဆိုနေ။ ကျွန်တော်ဗိုက်ဆာနေပြီ။”
“ဘာရယ်? ဘယ်လိုခေါ်တယ်?”
“အာ.....မောင်လို့ မောင်ဘာလုပ်နေတာလဲလို့။”
“အဟွန်း ကိုယ်မြန်မြန်လုပ်လိုက်ပါ့မယ်။ ဗိုက်ကလေးကဆာနေပြီတဲ့လား။”
ဘုန်းသရေက သင့်ဗိုက်လေးကိုပွတ်ပေးရင်းမေးတော့ သင်က လက်သီးဆုပ်နဲ့လိုက်ထုသည်။ တည်ငြိမ်ကာသီးသန့်ဆန်တတ်ပါသော အစ်ကိုလေးရဲ့ ပြုံးရယ်နေပုံတွေကို အိမ်ရှိလူအကုန်က ပြူးပြဲကြည့်နေကြသည်။ သူတို့စိတ်ထဲတွင်တော့ တစ်ခုပဲရှိပါသည်။ ‘အချစ်ကြောင့် အစ်ကိုလေးတောင် ပြောင်းလဲလာပြီဟူ၍’
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
